1 Mbaije 7:16 - Maktub gə́ To gə Kəmee

¹⁶ Yeḛ léḛ larkasje joo gə́ mburṵ tula dɔ gajije’g lé, yee gə́ doŋgɔr lé ŋgal as kəmkil dəw mi ləm, yee gə́ njekɔm’g joo lé kara ŋgalee as kəmkil dəw mi ya ləm tɔ.

1 Mbaije 7:16 ပူးပေါင်းရင်းမြစ်များ

1 Mbaije 7:15

Iram lé léḛ larkas gə́ gajeeje joo. Yee gə́ doŋgɔr lé ŋgalee as kəmkil dəw dɔg-giree-jinaijoo ləm, gə kúla gə́ as kəmkil dəw dɔg-giree-joo lé d’wɔji ne guburee ləm tɔ.

1 Mbaije 7:17

Yeḛ ṵji kúla larje to gə́ ba̰də bèe ndá yeḛ tuga ta dee na̰’d asəna gə yeŋgəreje bèe mbata mburṵje gə́ to dɔ gajije’g lé, siri gə mbata mburṵ gə́ doŋgɔr ləm, siri gə mbata mburṵ gə́ njekɔm’g joo ləm tɔ.

Teḛ-Raga 36:38

Deḛ tɔl gaji kag-akasiaje mi mbata lə pal-kubu neelé gə nékwa-né-ta-na̰’dje gə́ wɔji dəa ləm, d’ɔr gir dɔ gaji kagje gə nétuga-né-ta-na̰’dje gə larlɔr ləm tɔ, bəgərə gə́ ka̰ tula-gel dee’gje lé deḛ ra gə larkas tɔ.

Teḛ-Raga 38:17

Bəgərə-gel gaji kagje lé deḛ ra gə lar gə́ kas ləm, nékwa-né-ta-na̰’dje lə gaji kagje lé gə nétuga-né-tana̰’dje gə́ wɔji dɔ dee lé deḛ ra gə larnda ləma, deḛ d’ɔr dɔ gaji kagje gə́ tar lé gə larnda ləm tɔ. Gaji kagje lai gə́ wɔji dɔ gad ndògo gə́ neelé deḛ tɔ dee na̰’d gə nétuga-né-ta-na̰’dje gə́ ra gə larnda lé ya.

Teḛ-Raga 38:19

gaji kagje sɔ gə́ wɔji dəa, gə bəgərə-gel deeje sɔ gə́ wɔji dɔ dee ləm tɔ lé deḛ ra gə lar gə́ kas ləm, nékwa-né-ta-na̰’dje gə nétuga-né-tana̰’dje gə́ wɔji dɔ dee to gə́ larnda ləma, gə dɔ gaji kagje gə́ tar lé d’ɔr gə larnda ləm tɔ.

Teḛ-Raga 38:28

Larnda gə́ as nékwɔji kwɔi-lə-né dɔg-giree-siri (17) gə ŋganee tɔl siri gə dəa rɔ-mi (750) gə́ nai lé deḛ ra ne nékwa-né-ta-na̰’d lə gaji kagje ləm, gə nétuga-né-na̰’dje gə́ tuga ne gaji kagje na̰’d ləma, d’ɔr dɔ gaji kagje’g lé ləm tɔ.

Jeremi 52:22

Dɔkuree gə́ tar lé deḛ ra gə larkas ndá ŋgal lə dɔkuree kára as kəmkil dəw mi. Deḛ tuga kúla larkas na̰’d to gə́ ba̰də bèe ləm, deḛ léḛ larkas ndaji ne kuri-dḭje ləm tɔ gugu ne gir dɔkuree lé. Gaji gə́ njekɔm’g joo lé kara ra togə́bè gə larkas gə́ deḛ léḛ ndaji ne kuri-dḭje keneŋ bèe tɔ.