1 Mbaije 6:7 - Maktub gə́ To gə Kəmee

⁷ Loo gə́ d’aar d’unda kəi lé ndá deḛ d’unda gə kɔr mbalje lai gə́ tɔl ya ŋga, ar kaa mo̰ ɓar el ləm, kaa tina ɓar el ləma, nékula gə́ rara kara gə́ to lar lé a koo keaa gə́ ɓar loo kunda kəi’g neelé el ləm tɔ.

1 Mbaije 6:7 ပူးပေါင်းရင်းမြစ်များ

1 Mbaije 6:6

Kəi gə́ gel maree’g naŋg lé tadee as kəmkil dəw mi ləm, yeḛ gə́ dana tadee as kəmkil dəw misa̰ ləma, yeḛ gə́ njekɔm’g munda lé as kəmkil dəw siri ləm tɔ mbata yeḛ ar loo gə́ gelee’g gugu ne gir kəi gə́ raga to keneŋ gə mba kar kageeje d’andə kaar kəi gə́ to gə kəmee’g lé el.

1 Mbaije 6:8

Tarəw kandə mee ŋgan kəije gə́ gel maree’g naŋg lé to gə́ kel dɔkɔl lə kəi, loo gə́ tuga ɗao-ɗao gə́ tar gə́ ɔr goŋ ɓa d’aw ne mee kəi gə́ dana gə́ dɔ maree’g lé ləm, gə kəi gə́ to dɔ maree’d gə́ njekɔm’g munda lé ləm tɔ.

Teḛ-Raga 20:25

Ɓó lé seḭ a gə kundaje loo-nékinjaməs gə kɔr mbal ɓa k’armje ndá seḭ a kundaje gə kɔr mbalje gə́ tɔl dee el, mbata loo gə́ seḭ arje tina ɔrɔ rɔ kɔr mbalje neelé ndá seḭ ar deeje tel to né gə́ mina̰ ŋga.

Gosota-Kəmkàrje 24:27

Maji kari gɔl néje ləi gə́ to raga ləm, Ar mee ndɔ ləi to gə́ majee ləm tɔ ɓa Gée gə́ gogo ndá a ra kəi ləi ɓəi.

Esai 42:2

Yeḛ a ra né ɓəgəgə-ɓəgəgə el ləm, Ndia a ɓar wəl-wəl el ləma, Yeḛ a ra né kar dee d’oo ndia mba̰-rəwje’g el ləm tɔ.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

2 Njé gə́ Kɔrḭtə 5:5

Yeḛ gə́ unda sí mba kar sí né neelé to Ala nja gə́ ar sí Ndilee unda sí ne gə jia.

Njé gə́ Kolosə 1:12

Bɔ síje gə́ gɔl sí mba kar sí iŋgaje nédɔji lə sí na̰’d gə deḛ gə́ to gə kəmee gə́ d’isi dan lookàr’g lé maji kar sí reaje oiyo.

Maktub gə́ Jak ula ne ar ngan-Allaje 1:20

mbata oŋg lə dəw a kar dɔ meekarabasur lə Ala ɔr ne njal el.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.