1 Mbaije 6:1 - Maktub gə́ To gə Kəmee

¹ Mee ləb gə́ tɔl-sɔ gə dəa rɔ-jinaijoo (480) gə́ orè goo kunda gə́ Israɛlje d’unda ne loo mee ɓee gə́ Ejiptə teḛ lé ɓa Salomo̰ unda ne kəi gə́ wɔji dɔ Njesigənea̰, mee ləb gə́ njekɔm’g sɔ gə́ yeḛ o̰ ne ɓee dɔ Israɛlje’g, mee naḭ Jip gə́ to naḭ gə́ njekɔm’g joo lé tɔ.

1 Mbaije 6:1 ပူးပေါင်းရင်းမြစ်များ

1 Mbaije 6:2

Kəi gə́ mbai Salomo̰ unda ar Njesigənea̰ lé ŋgalee as kəmkil dəw rɔ-misa̰ ləm, tadee as kəmkil dəw rɔ-joo ləma, dəree gə́ ḭ gə́ tar as kəmkil dəw rɔ-munda ləm tɔ.

1 Mbaije 6:37

Mee ləb gə́ njekɔm’g sɔ mee naḭ Jip’g lé ɓa deḛ tum gin kəi lə Njesigənea̰ keneŋ ndá,

1 Sôrta Gḭka-Israɛlje 29:19

Maji kari ar mee ŋgonəm Salomo̰ to kára ba sur gə mba karee aa ne dɔ tornduije gə ndukunje ləi gə godnduije gə mba karee ra née ləm, mba karee ra ne kəi-mbai gə́ m’wa dɔ gɔl néje gə mbəa lé ləm tɔ.

1 Sôrta Gḭka-Israɛlje 6:10

Ŋgalə Elkana ɓa ri dee to nee: Amasai gə Ahimot,

2 Sôrta Gḭka Israɛlje 3:3

Aa ooje, loo tum gə́ Salomo̰ tum gel kəi-Ala ɓa nee: Ŋgalee gə goo kwɔji loo nétura gə́ ləw lé as kəmkil dəw rɔ-misa̰ ləm, tadee as kəmkil dəw rɔ-joo ləm tɔ.

Esdras 5:11

Aa oo, ta gə́ deḛ tel d’ula sí ɓa nee: Deḛ pana: Neḛ n’toje kuraje lə Ala gə́ to mbai dɔ dara gə mbai dɔ naŋg nee. Tɔɓəi neḛ n’tel n’gɔlje kəi gə́ d’unda mee ləbje bula gə́ dəs ləw ba, to kəi gə́ mbai gə́ boo gə́ to mbai lə Israɛlje ra kédé tɔlee bém ya.

Pakɔsje 78:69

Yeḛ unda kəi-siée gə́ to gə kəmee doi lé Asəna gə loo gə́ to tar sab ləm, Asəna gə naŋg gə́ yeḛ unda aree ŋgəŋ ŋgəŋ-ŋgəŋ gə no̰ bèe ləm tɔ.

Teḛ-Raga 12:41

Mee ndəa gə́ rudu ləb dee gə́ tɔl sɔ dəa rɔ-munda (430) lé un ɗiao mba̰ ndá mee ndəa gən ya koso-dəwje lə Njesigənea̰ d’unda loo mee ɓee gə́ Ejiptə teḛ tɔ.

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Ejekel 41:1

Yeḛ ɔr nɔm aw səm mee kəi gə́ to gə kəmee doi’g. Tɔɓəi yeḛ wɔji kag-tarəwje ndá debee kára tad as kəmkil dəw misa̰ ləm, debee gə́ raŋg tad as kəmkil dəw misa̰ ya ləm tɔ, yee ɓa to tadee lé.

Ajee 1:8

Ubaje dɔ mbal tugaje kagje gə mba raje ne kəi. Bèe ɓa n’a kiŋga rɔlel gə rɔnduba keneŋ, Njesigənea̰ ɓa pa bèe.

Jakari 6:15

Deḛ gə́ d’ɔr rɔ dee d’aw əw lé d’a tel ree ləm, d’a ra kula gɔl kəi lə Njesigənea̰ gə́ to gə kəmee gogo ləm tɔ. Ndá seḭ a gərje gao to gə́ Njesigənea̰ gə́ njeboo-néje ɓa ulam rɔ sí’g. Ɓó lé seḭ ilaje ŋgonkoji dɔ ndukun’g lə Njesigənea̰ gə́ to Ala lə sí lé ndá né neelé a kaw lée’g béréré ya.

Bula lə Israɛlje 1:1

Ndɔ gə́ doŋgɔr lə naḭ gə́ njekɔm’g joo, mee ləb gə́ njekɔm’g joo gə́ orè goo kunda gə́ d’unda loo mee ɓee gə́ Ejiptə teḛ lé Njesigənea̰ ula Moyis ta dɔdilaloo gə́ Sinai mee kəi-kwa-dɔ-na̰’g pana:

Néra Njékaḭkulaje 13:19

Loo gə́ yeḛ tuji ginkoji dəwje gə raŋg gə́ siri gə́ d’isi Kana̰ ndá yeḛ ya̰ lée ar Israɛlje gə́ dɔ naŋg lə dee.

Néra Njékaḭkulaje 7:47

Nɛ Salomo̰ ɓa ra kəiee neelé aree tɔ.

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Njé gə́ Kolosə 2:7

Ulaje ŋgira sí naŋg rəa’g kiŋ-kiŋ, ɓa meekun lə sí a ɓəbərə ne dɔ’g kaw-kaw ɓəi gə goo ta gə́ deḛ ndoo sí ləm, arje ta ra Ala oiyo oji ne na̰ ta sí’g dḛ̀gé-dḛ̀gé ləm tɔ.

Ǝbrəje 11:10

Mbata Abrakam lé ŋgina ɓee gə́ ŋgira ŋgəŋ, yee ɓa gə́ ɓee gə́ Ala nja gə́ njekwɔji lé ləm, gə njekṵdá ləm tɔ.

Ǝbrəje 9:11

Nɛ Kristi ɓa ree asəna gə ŋgɔ-njekinjanéməs gə́ wɔji dɔ néje gə́ d’a gə ree ɓəi. Yeḛ gaŋg mee kəi-kubu gə́ boi unda ləm, gə́ maji ur dɔ maree ləma, gə́ ji dəw ɓa ra el ləm tɔ yee ɓa to né gə́ ka̰ dɔ naŋg nee el.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

Njéga̰g-Rəwtaje 11:26

Aa oo, as ləb tɔl-munda (300) gə́ Israɛlje d’isi Esbon gə ɓee-kogoje gə́ wɔji dəa ləm, gə Aroer gə ɓee-kogoje gə́ wɔji dəa ləma, gə ɓee-booje lai gə́ to ta baa gə́ Arno̰ ləm tɔ lé, see ban ɓa i taa dee mee ndəaje’g neelé el wa.