1 Mbaije 5:9 - Maktub gə́ To gə Kəmee

⁹ Ala ar Salomo̰ kəmkàr ləm, gə boo-gosonégər ləma, ar négərje taa mée pəl-pəl to gə́ nagəra gə́ ta baa-boo-kad’g bèe ləm tɔ.

1 Mbaije 5:9 ပူးပေါင်းရင်းမြစ်များ

1 Mbaije 3:12

aa oo, m’a ra né gə goo ta gə́ teḛ tai’g lé ya. M’a kula ta kəmkàr gə gosonégər məəi’g yaa̰ gə mba kar dəw oo gari gə́ togə́bè kédé nɔḭ’g el ləm, dəw gə́ a kas səi gə́ a korè gooi kara a koo el ləm tɔ.

1 Mbaije 4:20

Judaje gə Israɛlje lé bula yaa̰ d’asəna gə nagəra gə́ ta baa-boo-kad’g bèe. Deḛ d’usɔ gə d’ai d’isi ne dan rɔlel’g tɔ.

1 Mbaije 5:10

Kəmkàr lə Salomo̰ ur dɔ ka̰ ŋganje gə́ Bər lai ləm, gə ur dɔ kəmkàr’g lə njé gə́ Ejiptə lai ləm tɔ.

1 Mbaije 5:8

Deḛ d’ar dee ree gə kó-ɔrj gə mu mbata lə kundaje ləm, gə kundaje gə́ ndɔr pusu-rɔje ləm tɔ, loo gə́ mbai si keneŋ, ar nana kara ra gə goo ndukunje gə́ d’un d’aree lé tɔ.

1 Mbaije 9:27

Iram ula kuraje ləa gə́ to njékula batoje gə́ gər baa-boo-kad lé ar dee d’aw na̰’d gə kuraje lə Salomo̰ mbɔr batoje’g neelé.

2 Sôrta Gḭka Israɛlje 1:15

Mbai lé ar larnda gə larlɔr kara to Jerusalem yaa̰ asəna gə kɔri-mbalje bèe ləm, ar kag-sɛdrəje kara bula to gə́ kag-ɓɔlje taa ne loo pəl-pəl ndag-loo’g bèe ləm tɔ.

2 Sôrta Gḭka Israɛlje 2:16

Salomo̰ tura dəw-dɔ-ɓeeje lai gə́ d’isi mee ɓee gə́ Israɛl gə goo bula lə deḛ gə́ bɔbeeje Dabid tura dee ne kédé lé ya. Deḛ d’iŋga dee as tɔl-dɔg-loo-tɔl gə dəa rɔ-mi-giree-munda gə dɔ dee tɔl-misa̰ (100.053.600).

2 Sôrta Gḭka Israɛlje 9:22

Mbai Salomo̰ lé ur dɔ mbaije gə́ dɔ naŋg nee lai gə nébaoje ləm, gə kəmkàr ləm tɔ.

Esdras 3:7

Deḛ d’uga njétɔl-mbalje gə njéra kula kagje. Tɔɓəi d’ar dəwje gə́ Sido̰ gə dəwje gə́ Tir nésɔje gə nékaije gə ubu to mba kar dee d’odo ne kag-sɛdrəje gə́ Liba̰ ree ne gə rəw gə́ baa-boo-kad’g saar teḛ Japo gə goo torndu Sirus, mbai gə́ Persə lé.

Maktub gə́ wɔji dɔ Jɔb 32:8

Nɛ né gə́ gəd gə́ to mee dəw’g lé to gə́ ndilee, To kəmə lə Bao-siŋgamoŋ gə́ ula gosonégər mée’g.

Njekillamber 1:16

Ma m’pa məəm’g pana: Aa oo, ma m’tɔg mba̰ ndá kəmkàr ləm ur dɔ deḛ lai gə́ d’o̰ ɓee gə́ Jerusalem nɔm’g kédé ləm, m’iŋga kəmkàr gə gosonégər yaa̰ m’unda dee ləm tɔ.

Ejekel 27:17

Judaje gə Israɛlje lé seḭ sə deeje toje njéndogo gə na̰ néje. Deḛ to njé ree gə kó-wa gə́ Minit ləm, gə nésɔ gə́ lel ləm, gə ubu tə̰ji ləm, gə ubu ləma, gə no̰ kag ləm tɔ mbél ne səi néndogoje ləi.

Néra Njékaḭkulaje 12:20

Herɔdə ar mée adee dɔ njé gə́ Tir gə Sido̰’g. Nɛ deḛ lé tɔs dɔ na̰ ndo̰-ndo̰ ree gə mba kiŋgá, d’aw d’iŋga Blastə gə́ to njeŋgəm kəi-to ləa lé dəjee gə mba karee ra rəw kɔm na̰’d lə dee mbata ɓee lə mbai Herɔdə lé to ɓee kuba maji lə dee.

Tel tura Godndu 3:25

Kɔgərɔ ya, ya̰ loo am, am m’aw m’oo ɓee gə́ maji gə́ to kel tura-baa gə́ Jurdɛ̰ gə́ nu ləm, gə mbalje nee gə́ kura yaa̰ ləma, gə Liba̰ ləm tɔ.