1 Mbaije 5:7 - Maktub gə́ To gə Kəmee

⁷ Njéguburuɓeje dɔg-gir-dee-joo lé d’unda nésɔ lə mbai Salomo̰ gə nduree-nduree ləm, gə ka̰ dee-deḛ lai gə́ d’a ree sɔ né səa ləm tɔ, nana kara ra kula ləa mee naḭ’g ləa gə́ wɔji dəa ləm, deḛ d’ar né kára kara lal el ləm tɔ.

1 Mbaije 5:7 ပူးပေါင်းရင်းမြစ်များ

Gḭ-Néje 33:5

Esawu un kəmee gə́ tar oo denéje gə ŋganje ndá yeḛ dəjee pana: See to na̰je ɓa d’aar səi nee wa. Jakob tel ilá keneŋ pana: To ŋganje gə́ Ala wa ne noji gə kura ləi lé ya.

1 Mbaije 1:48

Aa ooje, ta gə́ mbai pa ya tɔɓəi pana: Maji kar dɔ ri Njesigənea̰, Ala lə Israɛlje ai səgərə mbata yeḛ am njetaa torm ɓogənè aree si dɔ kalimbai’g ləm ləm, gə ya̰ loo arm m’ée gə kəm ləm tɔ.

1 Mbaije 10:9

Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

1 Mbaije 3:9

Bèe ndá maji kari ula gosonégər mee kura’g ləi gə mba karee gaŋg ne rəwta lə koso-dəwje ləi ləm, gə mba gər kɔr ne kəm né gə́ maji gə né gə́ majel ləm tɔ. Mbata see na̰ ɓa a kaskəm gaŋg rəwta lə koso-dəwje ləi gə́ to dəwje gə́ bula digi-digi neelé gə dɔrea wa.

1 Mbaije 4:7

Salomo̰ lé njéguburuɓeeje ləa gə́ mee ɓee gə́ Israɛl lai lé d’as dɔg-gir-dee-joo. Deḛ ɓa to njékwa dɔ gɔl nésɔje gə nduree-nduree mbata lə mbai ləm, gə mbata lə njémeekəije ləa ləm tɔ, nana kara ra as naḭ kára mee ləb kára-kára ya.

1 Mbaije 5:6

Salomo̰ ar dee ra gel-jala kaar kundaje tɔl-dɔg-loo-sɔ (4.000) wɔji ne dɔ pusuje ləa ləm, gə njékundaje tɔl-dɔg-loo dɔg-giree joo (12.000) kaar dee d’isi keneŋ ləm tɔ.

1 Mbaije 5:8

Deḛ d’ar dee ree gə kó-ɔrj gə mu mbata lə kundaje ləm, gə kundaje gə́ ndɔr pusu-rɔje ləm tɔ, loo gə́ mbai si keneŋ, ar nana kara ra gə goo ndukunje gə́ d’un d’aree lé tɔ.

Pakɔsje 137:6

Ɓó lé m’ar məəm olé teḛ dɔi’g el ləm, Esé m’ar Jerusalem to gin rɔlel ləm gə́ gəd el ləm tɔ ndá Maji kar ndo̰m tia̰ ŋgadŋgəm’g mbiao̰ ləm tɔ.

Gosota-Kəmkàrje 10:1

Ŋgon gə́ njekəmkàr lé To nérɔlel lə bɔbeeje, Nɛ ŋgon gə́ to mbə lé To nékəmndoo lə kea̰je.

Gosota-Kəmkàrje 13:1

Ŋgon gə́ kəmee àr lé taa tandoo lə bɔbeeje, Nɛ njebeelé lé taa ta gə́ pa ne səa nda̰ el.

Gosota-Kəmkàrje 15:20

Ŋgon gə́ kəmee àr lé To nérɔlel lə bɔbeeje, Nɛ mbə-dəw oo kea̰je gə́ né el.

Gosota-Kəmkàrje 23:24

Bɔ njemeekarabasur lé si dan boo-rɔkal’g ləm, Yeḛ gə́ oji ŋgon gə́ njekəmkàr lé a kiŋga rɔlel ya ləm tɔ.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.