1 Mbaije 5:6 - Maktub gə́ To gə Kəmee

⁶ Salomo̰ ar dee ra gel-jala kaar kundaje tɔl-dɔg-loo-sɔ (4.000) wɔji ne dɔ pusuje ləa ləm, gə njékundaje tɔl-dɔg-loo dɔg-giree joo (12.000) kaar dee d’isi keneŋ ləm tɔ.

1 Mbaije 5:6 ပူးပေါင်းရင်းမြစ်များ

Gḭ-Néje 10:15

Kana̰ oji Sido̰ gə́ to ŋgondəree ləm, gə Het,

1 Mbaije 10:26

Salomo̰ mbo̰ pusu-rɔje ləm, gə njérɔ gə kundaje ləm tɔ, pusu-rɔje d’as tɔl-dɔg gə dəa tɔl-sɔ (1.400) ləm, njérɔ gə kundaje d’as tɔl-dɔg-loo dɔ-giree-joo (12.000) ləm tɔ, yeḛ unda dee mee ɓee-booje’g loo gə́ pusu-rɔje ləa to keneŋ ləm, gə Jerusalem mbɔr mbai’g ləm tɔ.

1 Mbaije 5:7

Njéguburuɓeje dɔg-gir-dee-joo lé d’unda nésɔ lə mbai Salomo̰ gə nduree-nduree ləm, gə ka̰ dee-deḛ lai gə́ d’a ree sɔ né səa ləm tɔ, nana kara ra kula ləa mee naḭ’g ləa gə́ wɔji dəa ləm, deḛ d’ar né kára kara lal el ləm tɔ.

1 Mbaije 6:16

Deḛ gaŋg rudu kəi gə́ to gə kəmee as kəmkil dəw rɔ-joo tɔs kag-sɛdrəje gə́ tɔl dee keneŋ, un kudee naŋg saar aw ne kaar kəi gə́ tar ndá deḛ d’ya̰ ne loo mba ra ne kəi gə́ to gə kəmee gə́ to loo gə́ to gə kəmee doi lé tɔ.

1 Mbaije 6:20

Loo gə́ to gə kəmee doi lé ŋgalee as kəmkil dəw rɔ-joo ləm, tadee as kəmkil dəw rɔ-joo ləma, dəree gə́ ḭ gə́ tar as kəmkil dəw rɔ-joo ləm tɔ. Salomo̰ ar dee d’ɔr giree gə larlɔr gə́ àr ŋgad-ŋgad. No̰ loo gə́ to gə kəmee’g lé deḛ ra loo-nékinjaməs keneŋ gə kag-sɛdrəje ndá d’ɔr giree gə larlɔr.

1 Mbaije 9:19

gə ɓee-booje lai gə́ to ka̰ Salomo̰ gə́ yeḛ ar dee to loo-kɔm-néje keneŋ asəna gə ɓee-booje gə́ ka̰ ŋgəm pusu-rɔje ləm, gə ɓee-booje gə́ wɔji dɔ njérɔ gə kundaje ləma, gə néje lai gə́ lel Salomo̰ mba ra Jerusalem gə Liba̰ gə ɓeeje lai gə́ yeḛ to gə́ mbai dɔ dee lé ləm tɔ.

1 Mbaije 9:27

Iram ula kuraje ləa gə́ to njékula batoje gə́ gər baa-boo-kad lé ar dee d’aw na̰’d gə kuraje lə Salomo̰ mbɔr batoje’g neelé.

1 Sôrta Gḭka-Israɛlje 22:4

gə kag-sɛdrəje gə́ dum tura ləm tɔ mbata njé gə́ Sido̰ gə njé gə́ Tir ree gə kag-sɛdrəje neelé d’ar dee taa loo rɔ Dabid’g pəl-pəl ya.

2 Sôrta Gḭka Israɛlje 1:14

Salomo̰ mbo̰ pusuje gə njérɔ gə kundaje dɔ na̰’d, yeḛ aw gə pusu-rɔje lé tɔl-dɔg gə dəa tɔl-sɔ (1.400) ləm, gə njérɔ gə kundaje d’as tɔl-dɔg-loo dɔg-giree-joo (12.000) ləm tɔ, yeḛ ar dee d’isi mee ɓee-booje gə́ d’aw ŋgəm pusu-rɔje ləa keneŋ ləm, gə Jerusalem mbɔr mbai’g ləm tɔ.

2 Sôrta Gḭka Israɛlje 2:10

Huram, mbai gə́ Tir tel gə maktub ula ne Salomo̰ pana: Tɔgərɔ ya, Njesigənea̰ unda dəwje ləa dan kəmee’g, gelee gə́ nee ɓa yeḛ undai ne gə́ mbai gə́ dɔ dee’g gə mbəa.

2 Sôrta Gḭka Israɛlje 2:8

Maji kar dee gɔl kagje bula yaa̰ d’am mbata kəi gə́ m’a gə kunda lé to kəi gə́ boo ləm, gə maji dum ləm tɔ.

Esdras 3:7

Deḛ d’uga njétɔl-mbalje gə njéra kula kagje. Tɔɓəi d’ar dəwje gə́ Sido̰ gə dəwje gə́ Tir nésɔje gə nékaije gə ubu to mba kar dee d’odo ne kag-sɛdrəje gə́ Liba̰ ree ne gə rəw gə́ baa-boo-kad’g saar teḛ Japo gə goo torndu Sirus, mbai gə́ Persə lé.

Pakɔsje 29:5

Ndu Njesigənea̰ lé guru kag-sɛdrəje ləm, Kag-sɛdrəje gə́ Liba̰ kara Njesigənea̰ guru dee naŋg rug-rug ləm tɔ.

Jakari 11:12

Ma m’ula dee m’pana: Ɓó lé seḭ ooje gə́ nékəmra ndá amje nékoga-dɔ-jim, ɓó lé bèe el tɔ ndá to ta lə sí ya. Togə́bè ɓa deḛ d’wɔji nékoga-dɔ-jim as larnda rɔ-munda .

Njé gə́ Rɔmə 12:17

Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai.

Njé gə́ Epesə 4:7

Nɛ gosonégər gə́ Ala wa ne sə sí noji lé jeḛ kára-kára lai j’iŋga gə loo kwɔjee gə́ Kristi ɓa wɔji ar sí.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.