1 Mbaije 4:13 - Maktub gə́ To gə Kəmee

¹³ Ŋgolə Geber guburu ɓee gə́ Ramot dɔ naŋg gə́ Galaad, yeḛ aa dɔ ɓee-kogoje lə Jayir, ŋgolə Manasə gə́ Galaad, yeḛ aa dɔ Argob dɔ naŋg gə́ Basan, gə́ to ɓee-booje rɔ-misa̰ gə́ ndògo-bɔrɔje gə́ pəgərə-larje to ta’g lé.

1 Mbaije 4:13 ပူးပေါင်းရင်းမြစ်များ

1 Mbaije 22:3

Mbai gə́ Israɛl dəji kuraje ləa pana: See seḭ ooje to gə́ Ramot gə́ to dɔ naŋg gə́ Galaad lé to ka̰ síjeḛ el wa. Nɛ jeḛ n’raje né kára kara mba kɔree ne ji mbai gə́ Siri’g lé el.

2 Mbaije 9:1

Elije, njetegginta ɓar basa kára mbuna koso njéteggintaje’g ulá pana: Tɔ ndar ɓəri’g ndá un ku gaji-da gə́ nee gə́ ubu to keneŋ lé aw ne Ramot dɔ naŋg gə́ Galaad.

2 Mbaije 9:14

Yen ŋga Jehu, ŋgolə Josapat, gə́ to ŋgolə Nimsi ula njuma̰ oma̰ ne gə Joram. Mbata Joram gə Israɛlje lai d’aḭ bada dɔ Ramot’g dɔ naŋg gə́ Galaad rɔ ne gə Ajael, mbai gə́ Siri lé.

1 Sôrta Gḭka-Israɛlje 2:23

Gesurje gə Aramje taa ɓee-kogoje lə Jayir ləm, gə Kenat gə ɓee-booje gə́ gugu dəa lé as rɔ-misa̰ ləm tɔ. Deḛ lai neelé to ŋgalə Makir gə́ to bɔ Galaadje lé.

Pakɔsje 22:12

Loo gə́ néurti ree pər gə́ rɔm’g, Loo gə́ dəw kára kara ree mba la səm el lé ndá Maji kari unda rɔi ŋgərəŋ səm el.

Pakɔsje 68:15

Loo gə́ Bao-siŋgamoŋ sané mbaije mee ɓee’g neelé ndá Naŋg tel ndá kələw-kələw Asəna gə kwɔji gə́ to dɔ mbal gə́ ria lə Salmo̰ bèe.

Bula lə Israɛlje 32:41

Jayir, ŋgolə Manasə ɔr rɔ aw rɔ taa ne ɓee-booje ndá yeḛ unda ri dee lə ɓee-kogoje lə Jayir.

Tel tura Godndu 3:10

Ɓeeje lai gə́ to ndag-loo’g ləm, gə Galaad lai ləm, gə Basan saar teḛ ne Salka gə Edrei gə́ to ɓee-booje lə ɓeeko̰ lə Og gə́ to Basan ləm tɔ.

Tel tura Godndu 3:4

Mee ndəa gən lé jeḛ n’taaje ɓee-booje ləa lai, ar yee gə́ kára bèe gə́ lal koso ji sí’g lé godo: ɓee-booje rɔ-misa̰ ləm, gə dɔ naŋgje lai gə́ Argob ləma, gə ɓeeko̰ lə Og gə́ to Basan ləm tɔ.

Tel tura Godndu 3:8

Togə́bè ɓa mee ndəaje gən lé jeḛ dumje dɔ mbaije lə Amɔrje joo, kel tura-baa gə́ Jurdɛ̰ gə́ nu, un kudee baa gə́ Arno̰ saar teḛ ne dɔ mbal gə́ Hermo̰

Tel tura Godndu 4:43

Deḛ ɓa to nee: Beser gə́ to dɔdilaloo’g mee ndag-loo’g mbata ginkoji Rubḛje ləm, gə Ramot dɔ naŋg gə́ Galaad mbata ginkoji Gadje ləma, gə Golan gə́ wɔji dɔ Basan mbata ginkoji Manasəje ləm tɔ.

Jujé 20:8

Kel tura-baa’d gə́ Jurdɛ̰ gə́ nu par gə́ bər lə Jeriko lé deḛ d’ɔr kəm Beser gə́ to dɔdilaloo’g mee ndag-loo’g mbuna ginkoji Rubḛje’g ləm, gə Ramot dɔ naŋg gə́ Galaad mbuna ginkoji Gadje’g ləma, gə Golan gə́ wɔji dɔ Basan mbuna ginkoji Manasə’g ləm tɔ.

Jujé 21:38

mbuna ginkoji Gadje’g lé d’ar dee Ramot dɔ naŋg gə́ Galaad gə́ to ɓee-boo gə́ to njo̰loo mbata lə njétɔl-dəwje gə looje gə́ gugu dəa sub ləm, gə Mahanayim gə looje gə́ gugu dəa sub ləm,