1 Mbaije 4:12 - Maktub gə́ To gə Kəmee

¹² Baana, ŋgolə Ahilud guburu ɓee gə́ Taanak gə Megido, gə loo gə́ Bet-Səan gə́ to mbɔr Sartan gel njé gə́ Jisreel’g, un kudee Bet-Səan saar teḛ Abel-Mehola ləm, saar teḛ gir loo gə́ Jokmeam ləm tɔ.

1 Mbaije 4:12 ပူးပေါင်းရင်းမြစ်များ

1 Mbaije 18:46

Bèe ɓa, ji Njesigənea̰ to ne dɔ Eli’g, aree wa kubu ləa gə́ tɔ ne rḛgee aḭ ne no̰ Akab’g saar teḛ ne tarəwkɔg gə́ Jisreel lé tɔ.

1 Mbaije 19:16

Jehu, ŋgolə Nimsi kara i a kwa dəa gə ubu kundá ne gə́ mbai lə Israɛlje, tɔɓəi i a kwa dɔ Elije, ŋgolə Sapat gə́ si Abel-Mehola gə ubu mba kundá gə́ njetegginta tori’g tɔ.

1 Mbaije 7:46

Mbai lé ar dee léḛ dee ndag-loo’d gə́ wɔji dɔ Jurdɛ̰, dɔ naŋg a̰ji gə́ to mbuna Sukot’d gə Sartan’g tɔ.

Jujé 12:22

gə ɓee-boo gə́ Kedes ləm, gə ɓee-boo gə́ Jokneam gə́ to Karmel ləm,

Jujé 17:11

Ɓee-booje gə́ na̰je gə́ to ka̰ Manasə gə́ to dɔ naŋg’d lə Isakarje gə Aserje lé ri dee ɓa nee: Bet-səan gə ɓee-kogoje ləa ləm, Jibləam gə ɓee-kogoje ləa ləm, njé gə́ d’isi Dor gə ɓee-kogoje ləa ləm, njé gə́ d’isi Taanak gə ɓee-kogoje ləa ləma, gə njé gə́ d’isi Megido gə ɓee-kogoje ləa ləm tɔ, yee ɓa to dəb ɓeeko̰je gə́ munda lé.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.

Njéga̰g-Rəwtaje 5:19

Mbaije d’ɔr rɔ ree rɔ, Bèe ɓa mbaije gə́ Kana̰ rɔ ne Mee ɓee gə́ Taanak, mbɔr manje gə́ Megido, Nɛ deḛ d’iŋga nébanrɔ kára kara el ləm, Taa lar lə dee kára kara el ləm tɔ.

Njéga̰g-Rəwtaje 7:22

Dəwje gə́ tɔl-munda (300) lé tel d’im to̰to̰je ya tɔɓəi, ndá mee loo-si dee’g lai lé Njesigənea̰ ar dee-deḛ nja tel tɔs na̰ gə kiambas. Njérɔje d’aḭ saar teḛ Bet-Sita par gə́ Serera saar teḛ ŋgaŋ loo’g lə Abel-Mehola gə́ to ta Tabat’g dəb.

1 Samel 18:19

Nɛ loo gə́ ndɔ kar Merab, ŋgolə Sawul tel to ne dené lə Dabid teḛ ndá d’unee d’ar Adriel, dəw gə́ Mehola ɓa təa gə́ dené ləa.

1 Samel 31:10

Deḛ d’ɔm nérɔje lə Sawul mee kəi-magə Astarte’g ndá deḛ tɔ yée dɔ ndògo-bɔrɔ’g lə Bet-Səan tɔ.

1 Samel 31:12

bao-rɔje lai d’ḭ njaa loondul’g saar loo a gə kàr ndá deḛ d’ɔr yoo Sawul ləm, gə yoo ŋganeeje ləm tɔ dɔ ndògo-bɔrɔ’d gə́ Bet-Səan. Tɔɓəi deḛ tel gə nin dee d’aw ne Jabɛs d’aw roo dee keneŋ tɔ.