1 Mbaije 3:9 - Maktub gə́ To gə Kəmee

⁹ Bèe ndá maji kari ula gosonégər mee kura’g ləi gə mba karee gaŋg ne rəwta lə koso-dəwje ləi ləm, gə mba gər kɔr ne kəm né gə́ maji gə né gə́ majel ləm tɔ. Mbata see na̰ ɓa a kaskəm gaŋg rəwta lə koso-dəwje ləi gə́ to dəwje gə́ bula digi-digi neelé gə dɔrea wa.

1 Mbaije 3:9 ပူးပေါင်းရင်းမြစ်များ

2 Samel 14:17

Kura ləi gə́ dené pa pana: Maji kar tapa mbai ləm lé am loo-kwa-rɔm ya. Mbata mbai ləm tɔ asəna gə kura lə Ala gə́ dara bèe gə́ njegər loo kɔr kəm né gə́ maji gə né gə́ majel lé. Bèe ɓa maji kar Njesigənea̰, Ala ləi nai səi ya!

1 Mbaije 10:24

Dəwje lai gə́ dɔ naŋg nee saŋg loo koo Salomo̰ gə mba koo ta kəmkàrje gə́ Ala ula mée’g lé.

1 Mbaije 3:10

Né gə́ Salomo̰ dəji neelé taa kəm Mbaidɔmbaije rəgm ya.

1 Mbaije 3:28

Dəwje gə́ Israɛl lai, loo gə́ d’oo ta gə́ mbai gaŋg lé ndá deḛ ɓəl mbai lé mbata deḛ d’oo ne kəmkàr gə́ Ala aree gə mba gaŋg ne rəw-taje ya.

1 Sôrta Gḭka-Israɛlje 22:12

Maji kar Njesigənea̰ ari kəmkàr gə gosonégər ləm, ari o̰ ɓee dɔ Israɛlje’g aa ne dɔ godndu Njesigənea̰, Ala ləi kər-kər ləm tɔ.

1 Sôrta Gḭka-Israɛlje 29:19

Maji kari ar mee ŋgonəm Salomo̰ to kára ba sur gə mba karee aa ne dɔ tornduije gə ndukunje ləi gə godnduije gə mba karee ra née ləm, mba karee ra ne kəi-mbai gə́ m’wa dɔ gɔl néje gə mbəa lé ləm tɔ.

2 Sôrta Gḭka Israɛlje 1:10

Maji kari am kəmkàr gə gosonégər gə mba karm m’gər ne né gə́ kəm ra gə mba kɔr ne no̰ koso-dəwje gə́ neelé. Mbata see na̰ ɓa askəm gaŋg rəwta lə koso-dəwje ləi gə́ to koso-dəwje gə́ bula digi-digi neelé wa.

Pakɔsje 119:144

Tornduije lé to gə dɔ najee saar gə no̰, Maji kari am gosonégər mba kam m’isi ne kəmba ya.

Pakɔsje 119:34

Maji kari am gosonégər Mba karm m’aa ne dɔ godndui kər-kər ləm, Gə mba karm m’ra gə ŋgaw məəm bura ləm tɔ.

Pakɔsje 119:73

Jii ɓa undam ləm, uba ne kag rɔm ləm tɔ, Maji kari am gosonégər Mba karm m’ndoo ne godnduije lé ya.

Gosota-Kəmkàrje 14:8

Dəw gə́ unda kəmkàr dɔ rəa’g lé Gər ne rəw-kabee, mbata kəmkàr ləa Nɛ mbə-dəwje lé Ndəm wɔji dɔ némbə lə dee.

Gosota-Kəmkàrje 16:16

Kiŋga kəmkàr lé maji yaa̰ unda larlɔr! Kiŋga gosonégər lé maji unda larnda to!

Gosota-Kəmkàrje 20:12

Mbi gə́ oo ta gə kəm gə́ oo loo lé Njesigənea̰ ɓa gə́ njera dee joo bɔr.

Njekillamber 7:11

Kəmkàr lé maji asəna gə kwa nénduba ləm, Maji mbata lə deḛ gə́ d’isi kəmba ləm tɔ.

Njekillamber 7:19

Kəmkàr lé ar njekəmkàr Siŋgá ur ne dɔ njékɔrno̰ dəwje gə́ dɔg Gə́ d’isi mee ɓee-boo’g.

Jeremi 1:6

Ma m’tel m’ilá keneŋ m’pana: Wai! Mbaidɔmbaije gə́ Njesigənea̰, ma m’nai ŋgon yaa̰ ɓó m’askəm pata kəm koso-dəwje’g el.

Jeremi 45:5

Ŋga i lé see i a saŋg néje gə́ boi-boi wa. Maji kari saŋg dee el! Mbata aa oo, M’a kar némeeko̰ teḛ dɔ dəwje’g lai. Njesigənea̰ ɓa pa bèe, Mee looje lai gə́ i a kaw keneŋ lé Si kəmba ləi ɓa m’a kari gə́ nékiŋga ləi ya.

Loo gə́ killa rea kəm Daniel’g 2:21

Yeḛ nja ɓa ar ndɔje gə néje gə́ d’a gə teḛ lé Tel to ne ɓəd ləm, Yeḛ ɓugu mbaije naŋg əsé unda dee tar ləma, Njékəmkàrje kara yeḛ ar dee gər gin né ya ləm tɔ.

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Matiyo 3:14

Nɛ Ja̰ ɔsee ŋgərəŋ pana: Ma m’aw ndooi gə mba kari ɓa ram batɛm. See ban ɓa i ɔd aḭ ree rɔm’g tɔɓəi wa.

Tagə́maji gə́ Ja̰ ndang 5:30

Ma m’askəm ra né kára kara gə dɔrɔm el, nɛ torndu né gə́ ma m’oo gə mbim ɓa m’gaŋg ne rəwta ɓəi. Rəwta gə́ ma m’gaŋg lé to gə dɔ najee ya mbata né gə́ mee njekulam wɔji ɓa ma m’ra ɓó ma m’ra né gə́ məəm-ma ɓa wɔji el.

2 Njé gə́ Kɔrḭtə 2:16

Njé gə́ na̰je lé baḭ neelé to baḭ ka̰ yoo gə́ wɔji dɔ yoo dee ya nɛ njé gə́ raŋg lé to baḭ ka̰ kəmə gə́ a kar dee d’isi ne kəmba tɔ. See na̰ ɓa askəm ra kula gə́ togə́bè wa.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

Njé gə́ Epesə 5:17

Gelee gə́ nee ɓa maji kar kəmkàr lal sí el, nɛ né gə́ mee Mbaidɔmbaije ndigi lé maji kar sí gərje rəbee.

Njé gə́ Pilibə 1:10

mba kar sí gərje ne loo kɔr kəm néje gə́ maji ɔr njoroŋ ya. Yee ɓa seḭ a toje ne dəwje gə́ àr ŋgad-ŋgad gə́ ta kára kara wa dɔ sí el ndəa gə́ ka̰ Kristi lé.

Ǝbrəje 5:14

Muru lé wɔji dɔ njé gə́ tɔg gə́ takə̰ji lə dee inja pao gə́ d’askəm kɔr kəmta gə́ wɔji dɔ né gə́ maji gə né gə́ majel lé.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.