1 Mbaije 3:8 - Maktub gə́ To gə Kəmee

⁸ Kura ləi si mbuna koso-dəwje’g ləi gə́ i mbər dee, to koso-dəwje gə́ taa loo pəl-pəl, gə́ dəw askəm tura dee əsé koo bula lə dee el mbata bula lə dee gə́ al dɔ loo sula lé tɔ.

1 Mbaije 3:8 ပူးပေါင်းရင်းမြစ်များ

Gḭ-Néje 13:16

M’a kar ŋgakaije bula d’asəna gə nduji naŋg mba kar ɓó lé dəw askəm tura nduji naŋg ndá ŋgakaije kara a tura bula lə dee bèe ya tɔ.

Gḭ-Néje 15:5

Loo gə́ yeḛ teḛ səa raga ndá yeḛ ulá pana: Un kəmi par gə́ dara, tura kéréméje. See i askəm tura dee ya wa. Tɔɓəi yeḛ ulá pana: Ŋgakaije kara d’a bula togə́bè ya tɔ.

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

1 Mbaije 4:20

Judaje gə Israɛlje lé bula yaa̰ d’asəna gə nagəra gə́ ta baa-boo-kad’g bèe. Deḛ d’usɔ gə d’ai d’isi ne dan rɔlel’g tɔ.

1 Sôrta Gḭka-Israɛlje 21:2

Dabid ula Joab gə njékaa dɔ koso-dəwje lé pana: Awje aw turaje Israɛlje mba gər bula lə dee un kudee Beer-Seba saar teḛ ne Dan ndá reeje ne amje m’oo.

Pakɔsje 78:71

Yeḛ ɔree goo ko̰ badje gə́ d’ar ŋgan deeje d’aar d’il mbà dee Gə mba karee ul ŋgaka Jakob gə́ to koso-dəwje ləa lé ləm, Gə Israɛl gə́ to gə́ nédɔji ləa lé ləm tɔ.

Ləbije 26:9

M’a ra sə sí meemaji kar sí ojije ŋganje bula ləm, kar bula lə sí ḭ ne dɔ maree’g gə́ kédé-kédé ləma, m’a kar manrɔ ləm tɔ njaŋg gə mbata lə sí ləm tɔ.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.