1 Mbaije 3:6 - Maktub gə́ To gə Kəmee

⁶ Salomo̰ tel ilá keneŋ pana: I ra gə bɔm Dabid gə́ to kura ləi lé boo-némeemajije mbata yeḛ njaa nɔḭ’g gə ŋgonkoji ləm, gə néra gə́ gə dɔ najee ləma, mée to kára ba sur dɔi’g ləm tɔ, gə goo boo-némeemajije neelé ɓa i aree ne ŋgon gə́ si dɔ kalimbai’g ləa ɓogənè ya.

1 Mbaije 3:6 ပူးပေါင်းရင်းမြစ်များ

Gḭ-Néje 24:40

Ndá Abrakam lé ilam keneŋ pana: Njesigənea̰ gə́ neḛ njaa nea̰’g lé a kula gə kura ləa gə́ dara karee aw səm na̰’d ləm, a kar mbá gə́ m’aw lé a kwam maji ləm tɔ. Bèe ɓa m’a taa dené mee kəi’g lə bɔ neḛ Abrakamje gə mbuna njénojije’g lə neḛ kar ŋgon neḛ lé.

2 Samel 22:21

Njesigənea̰ lé ra səm Gə goo meekarabasur lem ya. Yeḛ am né Gə goo jim gə́ àr ŋgad-ŋgad lé tɔ.

2 Samel 22:25

Gelee gə́ nee ɓa Njesigənea̰ am né Gə goo meekarabasur lem ya, Yeḛ ra səm gə goo jim gə́ àr ŋgad-ŋgad lé tɔ.

2 Samel 7:5

Maji kari aw ula kura ləm Dabid pana: Njesigənea̰ pa togə́bè pana: See to i ɓa a ra kəi kar neḛ n’isi keneŋ wa.

1 Mbaije 1:48

Aa ooje, ta gə́ mbai pa ya tɔɓəi pana: Maji kar dɔ ri Njesigənea̰, Ala lə Israɛlje ai səgərə mbata yeḛ am njetaa torm ɓogənè aree si dɔ kalimbai’g ləm ləm, gə ya̰ loo arm m’ée gə kəm ləm tɔ.

1 Mbaije 15:5

Mbata Dabid ra né gə́ danasur kəm Njesigənea̰’g loo gə́ yeḛ si ne gə kəmə ɓəi lé, godnduje lai lé yeḛ un kára kara telee raŋg el nɛ ta gə́ wɔji dɔ Uri, dəw gə́ Het lé ɓa.

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

1 Mbaije 3:14

Bèe ɓa ɓó lé i njaa dan kila-rəwje’g ləm ləm, gə aa dɔ godndumje gə torndumje ləm tɔ, to gə́ bɔbije Dabid ra ndá m’a kɔm ndɔje ləi dɔ maree’g ya.

1 Mbaije 9:4

Ɓó lé i njaa nɔm’g to gə́ bɔbije Dabid njaa ne nɔm’g gə meendakaḭ gə meekarabasur ra ne néje gə́ m’un ndum dɔ’g m’ari ləm, ɓó lé i aa dɔ godndumje gə ndukunje ləm ləm tɔ ndá,

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

2 Sôrta Gḭka Israɛlje 1:8

Salomo̰ tel ila Ala keneŋ pana: I ra gə bɔm Dabid boo-némeemajije ndá i am m’o̰ ɓee toree’g.

Pakɔsje 116:7

Ŋgaw məəm, maji kari tel si dan meekulɔm’g Mbata Njesigənea̰ lé ra səi meemaji ya.

Pakɔsje 119:17

Maji kari ra maji gə kura ləi Gə mba karm m’isi ne kəmba ləm, Gə mba karm m’orè ne kəm ndəŋ dɔ ta’g ləi ya ləm tɔ.

Pakɔsje 13:6

Ma lé m’ɔm məəm dɔ meemaji’g ləi, Boo-rɔlel kara taa məəm pəl-pəl Mbata kaji ləi gə́ i ajim ne lé ya tɔ. M’ɔs pa m’ar Njesigənea̰ Mbata yeḛ ra səm maji.

Pakɔsje 15:2

Yeḛ gə́ njaa rəw néra gə́ danasur’g ləm, Gə ra né gə́ gə dɔ najee ləma, Gə pata gə goo kankəmta gə́ to mée’g ləm tɔ ɓa.

Bula lə Israɛlje 12:7

Nɛ kura ləm Moyis lé kea̰ to togə́bè el. Mbata yeḛ njaa gə ŋgonkoji mee kəi’g ləm, wa loo wɔr-wɔr.

2 Njé gə́ Kɔrḭtə 9:11

Togə́bè ɓa nénoji gə́ seḭ a kwaje pə-pə gə rəw gə́ rɔ síjeḛ lé a tel to nébaoje ɓəd-ɓəd dɔ sí’g ləm, a kar dee ra ne Ala oiyo ləm tɔ.

2 Njé gə́ Kɔrḭtə 9:5

Kar ŋgako̰ síje d’aw d’iŋga sí kédé ɓa, j’a korè goo dee ɓəi lé yee ɓa ma m’oo gə́ né gə́ kəm ra ya mba kar dee d’oo sə sí goo nojikwa gə́ seḭ unje ndu sí gə mba kwa gə deḛ gə́ to gə kəmee lé bèe ɓa gə mba kar sí waje dɔ gɔlee jəb-jəb ləm, mba karee to nojimeenda gə́ gəd ɓó dəw a bəg sí dɔ’g el ləm tɔ.