1 Mbaije 3:1 - Maktub gə́ To gə Kəmee

¹ Salomo̰ ɔm na̰’d gə Parao̰, mbai gə́ Ejiptə gə goo rəw taa gə́ yeḛ taa ŋgonee gə́ dené kára gə́ dené ləa lé. Yeḛ ree səa aree si mee ɓee-boo’g lə Dabid, saar karee tɔl kula gə́ wɔji dɔ kəi ləa-yeḛ ləm, gə kəi lə Njesigənea̰ ləma, gə ndògo-bɔrɔ gə́ gugu dɔ Jerusalem ləm lé bém tɔ.

1 Mbaije 3:1 ပူးပေါင်းရင်းမြစ်များ

2 Samel 5:7

Nɛ Dabid taa kəi-kaar-kɔgərɔ gə́ Sio̰ lé. Yee ɓa to ɓee-boo lə Dabid tɔ.

1 Mbaije 11:1

Mbai Salomo̰ taa denéje gə́ dɔ ɓee’d gə́ raŋg ɔm dee dɔ ŋgolə Parao̰ gə́ dené’g yeḛ təa kédé lé: deḛ gə́ to Moabje ləm, gə Amo̰je ləm, gə Edɔmje ləm, gə Sido̰je ləma, gə Hetje ləm tɔ.

1 Mbaije 2:10

Dabid wəi ndá deḛ dubee dan mee ɓee-boo’g ləa.

1 Mbaije 6:1

Mee ləb gə́ tɔl-sɔ gə dəa rɔ-jinaijoo (480) gə́ orè goo kunda gə́ Israɛlje d’unda ne loo mee ɓee gə́ Ejiptə teḛ lé ɓa Salomo̰ unda ne kəi gə́ wɔji dɔ Njesigənea̰, mee ləb gə́ njekɔm’g sɔ gə́ yeḛ o̰ ne ɓee dɔ Israɛlje’g, mee naḭ Jip gə́ to naḭ gə́ njekɔm’g joo lé tɔ.

1 Mbaije 7:1

Salomo̰ unda kəi ləa-yeḛ ya tɔɓəi saar as ləb dɔg-giree-munda ɓa yeḛ tɔl kəi ləa lé bém ɓəi.

1 Mbaije 7:8

Kəi-siée kara ra d’aree asəna gə maree ya to mee gadloo gə́ gir gel jala’g. Tɔɓəi deḛ ra kəi gə́ raŋg gə́ to kəi-si ŋgolə Parao̰ gə́ yeḛ təa gə́ dené lé aree to asəna gə gel jala neelé tɔ.

1 Mbaije 9:1

Loo gə́ Salomo̰ tɔl kula kunda kəi lə Mbaidɔmbaije ləm, gə kəi lə mbai, gə néje lai gə́ yeḛ wɔji mba ra ləm tɔ lé bèm ndá,

1 Mbaije 9:10

Rudu ləb gə́ njekɔm’g rɔ-joo lé Salomo̰ tɔl kula kunda kəi gə́ wɔji dɔ Njesigənea̰ ləm, gə kəi gə́ wɔji dɔ mbai ləm tɔ.

1 Mbaije 9:24

Ŋgolə Parao̰ gə́ dené ḭ ɓee-boo’g lə Dabid aw kəi’g ləa gə́ Salomo̰ unda aree lé. Bèe ɓa Salomo̰ unda ne loo gə́ Milo tɔ.

1 Sôrta Gḭka-Israɛlje 11:7

Dabid aw si mee kəi-kaar-kɔgərɔ’g lé, gelee gə́ nee ɓa deḛ ɓaree ne ɓee-boo lə Dabid ya.

2 Sôrta Gḭka Israɛlje 18:1

Josapat lé nébaoje taa rəa pəl-pəl ləm, yeḛ iŋga rɔnduba yaa̰ ləm tɔ ndá yeḛ ɔm na̰’d gə Akab gə goo rəw kar na̰ dené’g.

2 Sôrta Gḭka Israɛlje 8:11

Salomo̰ ar ŋgolə Parao̰ gə́ dené unda loo mee ɓee-boo’g lə Dabid teḛ aw si mee kəi gə́ yeḛ ra aree lé mbata yeḛ pana: Dené ləm a si kəi’g lə Dabid, mbai lə Israɛlje el mbata looje gə́ d’aw gə sa̰duk-manrɔ lə Njesigənea̰ keneŋ lé to looje gə́ to gə kəmee ya.

Esdras 5:11

Aa oo, ta gə́ deḛ tel d’ula sí ɓa nee: Deḛ pana: Neḛ n’toje kuraje lə Ala gə́ to mbai dɔ dara gə mbai dɔ naŋg nee. Tɔɓəi neḛ n’tel n’gɔlje kəi gə́ d’unda mee ləbje bula gə́ dəs ləw ba, to kəi gə́ mbai gə́ boo gə́ to mbai lə Israɛlje ra kédé tɔlee bém ya.

Esdras 9:14

Ŋga see ɓasinè j’a tel kun kudu kal ta ta godnduije’g gə mba kɔm ne na̰’d gə dəwje neelé gə́ to njéra né gə́ mina̰je lé tɔɓəi wa. See oŋg ləi a kḭ səi pu kɔm dɔ sí’g tɔɓəi mba tuji sí ne pugudu kar dəw kára kara nai el ləm, kar dəw kára kara aḭ aji ne rəa el ləm tɔ el wa.

Tel tura Godndu 23:8

Seḭ a kḛjije Edɔmje bəḭ-bəḭ el mbata deḛ to ŋgako̰ síje, seḭ a kḛjije njé gə́ Ejiptə bəḭ-bəḭ el mbata kédé seḭ toje dəw-dɔ-ɓeeje mee ɓee’g lə dee,