1 Mbaije 22:5 - Maktub gə́ To gə Kəmee

⁵ Tɔɓəi Josapat ula mbai gə́ Israɛl pana: M’ra ndòo rɔi’g, maji kari dəji Njesigənea̰ ta kédé oo ɓa.

1 Mbaije 22:5 ပူးပေါင်းရင်းမြစ်များ

1 Mbaije 22:4

Bèe ɓa yeḛ dəji Josapat pana: See i ndigi kaw sə sí kaw rɔ gə njé gə́ Ramot gə́ dɔ naŋg gə́ Galaad lé wa. Josapat tel ila mbai gə́ Israɛl lé keneŋ pana: J’a kawje ya, ma m’to gə́ i ləm, koso-dəwje ləm tɔ gə́ dəwje ləi ləma, kundaje ləm kara to kundaje ləi ləm tɔ.

1 Mbaije 22:6

Mbai gə́ Israɛl mbo̰ njéteggintaje ləa as tɔl-sɔ (400) jén bèe ndá yeḛ dəji dee pana: See m’a kaw rɔ gə njé gə́ Ramot gə́ dɔ naŋg gə́ Galaad lé əsé m’a kaw el wa. Deḛ d’ilá keneŋ pana: Aw ya ndá Mbaidɔmbaije a kya̰ dee meḛ ji mbai’g ya.

2 Mbaije 1:3

Nɛ kura lə Njesigənea̰ ree ula Eli dəw gə́ Tisbe pana: Uba naŋg ḭta aw iŋga njékulaje lə mbai gə́ Samari lé dəji dee pana: See Ala lə Israɛlje godo ŋga ɓa seḭ aw dəjije Baal-Jebub, magə gə́ Ekro̰ ɓa ta wa.

2 Mbaije 3:11

Nɛ Josapat pana: See njetegginta lə Njesigənea̰ kára kara si keneŋ mba kar sí n’dəjije ne Njesigənea̰ ta el wa. Kura lə mbai gə́ Israɛl kára ilá keneŋ pana: Elije, ŋgolə Sapat gə́ njeboakula lə Eli si keneŋ nee ya.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

Jeremi 21:2

Maji kari dəji Njesigənea̰ ta mbata lə sí mbata Nebukadnesar, mbai gə́ Babilɔn rɔ sə sí. Banelə Njesigənea̰ a ra némɔri ləa kára mba kɔsee ne rəw dɔ sí’g.

Ejekel 14:3

Ma ŋgon-dəw lé dəwje neelé d’wa magəje lə dee meḛ dee’g ləm, d’orè kəm dee sḭ dɔ né gə́ ar dee d’oso dan néra gə́ kori-kori’g lé ləm tɔ. See n’a kya̰ loo kar dee dəji neḛ ta wa.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Jujé 9:14

Koso-dəwje gə́ Israɛl lé taa ges nésɔje lə dee nɛ deḛ dəji Njesigənea̰ ta né gə́ kəm ra sə dee el.

Njéga̰g-Rəwtaje 1:1

Loo gə́ Juje wəi mba̰ ndá Israɛlje dəji Njesigənea̰ pana: See na̰ ɓa mbuna sí’g a kɔr rɔ doŋgɔr kaw rɔ gə Kana̰je wa.

Njéga̰g-Rəwtaje 20:18

Togə́bè ɓa Israɛlje d’ḭ d’aw Betel dəji ne Ala pana: See na̰ ɓa mbuna sí’g a kaw kédé no̰ sí’g mba kaw rɔ gə Bḛjamije lé wa. Njesigənea̰ ila dee keneŋ pana: Judaje ɓa d’a kaw kédé.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:29

Yen ŋga Israɛlje d’um loo gugu ne dɔ ɓee gə́ Gibea sub.

1 Samel 14:18

Yen ŋga Sawul ula Aija pana: Ar dee ree gə sa̰duk-manrɔ lə Ala gə́ nee. Mbata mee ndəa gən lé sa̰duk-manrɔ lə Ala to rɔ Israɛlje’g ya ɓəi.

1 Samel 23:2

Togə́bè Dabid dəji Njesigənea̰ pana: See m’a kaw rɔ gə Pilistije nee mba dum dee wa. Njesigənea̰ ilá keneŋ pana: Aw ndá i a dum dɔ Pilistije taa ne dɔ njé gə́ Keyila ya.

1 Samel 23:4

Togə́bè Dabid tel dəji Njesigənea̰ ya tɔɓəi. Njesigənea̰ tel ilá keneŋ pana: Ḭta aw Keyila, mbata m’ya̰ Pilistije meḛ jii’g ya.

1 Samel 30:8

Bèe ɓa Dabid dəji Njesigənea̰ pana: See m’a kun dɔ gɔl njérɔje nee wa. See m’a kiŋga dee ya wa. Njesigənea̰ tel ilá keneŋ pana: Un dɔ gɔl dee ndá i a kiŋga dee ləm, i a taa dee gə́ d’wa dee ɓər lé kɔm dee tar ya ləm tɔ.