1 Mbaije 2:7 - Maktub gə́ To gə Kəmee

⁷ I a ra meemaji gə ŋgalə Barjilai, dəw gə́ Galaad lé, d’a si mbuna deḛ gə́ d’usɔ səi né na̰’d ta-ta ya. Mbata loo gə́ deḛ ree la səm mee ndəa gə́ m’aḭ ne no̰ ŋgokɔḭ Absalɔm’g lé deḛ ra səm meemaji togə́bè tɔ.

1 Mbaije 2:7 ပူးပေါင်းရင်းမြစ်များ

Gḭ-Néje 40:14

Nɛ loo gə́ i a si dan rɔlel’g ndá maji kari ar məəi olé dɔm’g ləm, ra səm meemaji ləm tɔ ar Parao̰ oo ta ləm ɓó gə mba kam m’teḛ ne kəi neelé gə́ raga.

2 Samel 19:28

Ndá yeḛ lé gaŋg taŋgɔm ɔm tam’g no̰ mbai’g ləm. Nɛ mbai ləm lé to asəna gə kura lə Ala gə́ dara bèe. Maji kari ra né gə́ i oo gə́ né gə́ maji kəm ra ya.

2 Samel 9:10

I a ndɔ dɔ naŋg gə mbata ləa, i seḭ gə ŋganije ləm, gə kuraje ləi ləm tɔ. I a kinja kandə néje gə mba kar ŋgolə ɓéije iŋga nésɔ nɛ Mepiboset, ŋgolə ɓéije lé a sɔ né səm na̰’d ta-ta ya. Siba lé ŋganeeje gə́ diŋgam d’as dɔg-gir-dee-mi ləm, kuraje ləa d’as rɔ-joo ləm tɔ.

2 Samel 9:7

Dabid ulá pana: Maji kari ɓəl el mbata ma m’ndigi ra səi meemaji mbata Jonatan gə́ bɔbije lé ya. M’a kari dɔ naŋgje lai gə́ to ka̰ kaije Sawul ləm, tɔɓəi i a sɔ né səm na̰’d ta-ta ləm tɔ.

2 Mbaije 25:29

Yeḛ aree tɔr kubu-daŋgai rəa’g ya̰ tula kubuje gə́ raŋg ndá Jojakḭ sɔ səa né ndɔje kára-kára lai mee ndɔje gə́ yeḛ si ne kəmba lé tɔ.

2 Mbaije 25:30

Mbai lé odo néje gə́ yeḛ aw ndée aree gə ndɔje kára-kára lai gə́ yeḛ si ne kəmba lé ya.

Esdras 2:61

Tɔɓəi mbuna gel-bɔje’g lə njékinjanéməsje lé: ŋgaka Habaja ləm, gə ŋgaka Hakos ləma, gə ŋgaka Barjilai ləm tɔ. Yeḛ gə́ rudu lé taa dené mbuna ŋgalə Barjilai gə́ dené’g ndá yeḛ to dəw gə́ Galaad ya nɛ d’unda ri dee dəa’g ɓaree ne.

Gosota-Kəmkàrje 27:10

Maji kari uba baokura ləi gə ka̰ bɔbije ya̰ dee el ləm, Aw kəi lə ŋgokɔḭ ndɔ néurti’g ləi el ləm tɔ, Njeboatakəi ləi gə́ si mbɔri’g dəb lé maji unda ŋgokɔḭ gə́ si əw.

Jeremi 52:33

Yeḛ aree tɔr kubu-daŋgai rəa’g ya̰ tula kubuje gə́ raŋg ndá Jojakḭ sɔ səa né ndɔje kára-kára lai mee ndɔje gə́ yeḛ si ne kəmba lé tɔ.

Lugu 12:37

Kuraje gə́ ɓée deeje ree iŋga dee loo-kisi gə́ d’isi dɔkəji dee’g pèrèrè ndá rɔ dee a lel dee ya. Ma m’ula sí təsərə, yeḛ nja ɓa a tɔ kubu ləa njim-njim ləm, a kar dee d’wa na̰ ta ka-nésɔ’g ko̰-ko̰ ləma, a ree pər gə́ rɔ dee’g mba kar dee né d’usɔ ləm tɔ.