1 Mbaije 2:6 - Maktub gə́ To gə Kəmee

⁶ I a ra né gə goo kəmkàr ləi ndá i a kya̰ loo kar yiŋga dəa pudu ɓa a kaw ne gə meekulɔm ɓee lə njé gə́ d’wəi el.

1 Mbaije 2:6 ပူးပေါင်းရင်းမြစ်များ

Gḭ-Néje 42:38

Jakob pana: Ŋgonəm lé a kaw sə sí nda̰ el mbata ŋgokea̰ gə́ kédé wəi ndá yeḛ nja nai gə karee ba. Ɓó lé né gə́ majel a teḛ dəa’g loo kaw rəbə gə́ a gə kawje lé ndá seḭ a karje dɔm gə́ pudu lé andə mbuna njé gə́ d’wəi’g lé gə meeko̰ ya.

Gḭ-Néje 9:5

Maji kar sí gərje gao, məs sí gə́ seḭ síje ne kəmba lé m’a dəji sí gée ya, lé to gə́ da kara m’a dəjee gée ya, dəw lé m’a dəji kəmə ləa rɔ dəw maree gə́ to ŋgokea̰ ya.

Gḭ-Néje 9:6

Dəw gə́ rara ɓa ila məs dəw maree naŋg lé Maree kara a kila məsee-yeḛ naŋg ya tɔ, Mbata Ala ra dəw aree to tana səa pai-pai ya.

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

1 Mbaije 2:7

I a ra meemaji gə ŋgalə Barjilai, dəw gə́ Galaad lé, d’a si mbuna deḛ gə́ d’usɔ səi né na̰’d ta-ta ya. Mbata loo gə́ deḛ ree la səm mee ndəa gə́ m’aḭ ne no̰ ŋgokɔḭ Absalɔm’g lé deḛ ra səm meemaji togə́bè tɔ.

1 Mbaije 2:9

Ɓasinè i a kyá̰ lal kar bo̰ nérea ɔs təa’g el ŋga, mbata i to dəw gə́ njekəmkàr ləm, i gər né gə́ kəm ra səa gao ləm tɔ. I a kar yiŋga dəa gə́ ndá kələw-kələw lé tel to məs lai ɓa karee aw ne ɓee lə njé gə́ d’wəi ɓəi.

1 Mbaije 3:12

aa oo, m’a ra né gə goo ta gə́ teḛ tai’g lé ya. M’a kula ta kəmkàr gə gosonégər məəi’g yaa̰ gə mba kar dəw oo gari gə́ togə́bè kédé nɔḭ’g el ləm, dəw gə́ a kas səi gə́ a korè gooi kara a koo el ləm tɔ.

2 Mbaije 22:20

Gelee gə́ nee ɓa n’a kari wəi kar dee dubi mbɔr dɔɓar bɔbije’g gə meekulɔm gə mba kar kəmi oo nékəmndooje lai gə́ n’a gə kar dee ree dɔ loo gə́ nee’g lé el tɔ. Bèe ɓa deḛ tel gə ta lé d’aw d’ula ne mbai lé ya.

Pakɔsje 37:37

Maji kari orè kəmi sḭ dɔ yeḛ gə́ to njera né gə́ gə goo rəbee ləm, Aa loo oo yeḛ gə́ to njera né gə́ danasur ləm tɔ, Mbata dəw gə́ njemeelom lé ŋgakeaje d’a si gən ya.

Gosota-Kəmkàrje 20:26

Mbai gə́ to njekəmkàr lé Sané njémeeyèrje kad-kad Ar gɔl pusuje nduburu dɔ dee’g.

Gosota-Kəmkàrje 28:17

Dəw gə́ ta məs maree wa dəa lé aḭ njal teḛ bwa-yoo’g, Maji kar dəw ɔgee el.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Esai 48:22

Njesigənea̰ pana: Njémeeyèrje lé meekulɔm lə dee godo.

Esai 57:2

Deḛ gə́ d’un goo rəw gə́ danasur lé D’a kur dan meekulɔm’g ləm, D’a kwa rɔ dee loo-to dee’g ləm tɔ.

Esai 57:21

Meekulɔm godo mbata lə njémeeyèrje, Ala ləm pa bèe.

Esai 65:20

Ɓee neelé ŋgonkas gə́ a si kəmba gə kuree lam ba Esé ɓuga gə́ ndɔ ləa a kaw lée’g béréré el lé A godo keneŋ Mbata yeḛ gə́ ra ləb tɔl (100) ɓa wəi ɓəi lé A to basa ba ləm, Njekaiya gə́ ra ləb tɔl (100) lé D’a kée gə́ dəw gə́ ndɔl wa dəa ləm tɔ.

Bula lə Israɛlje 35:33

Seḭ a karje ɓee gə́ seḭ a síje keneŋ lé mina̰ el mbata məs lé ar ɓee mina̰, d’a ra né kára kara mba kɔr ne ta məs dɔ ɓee’g el nɛ məs dəw gə́ njekila məs maree lé ɓa.