1 Mbaije 2:32 - Maktub gə́ To gə Kəmee

³² Njesigənea̰ a kar ta məsee nai dəa-yeḛ’g ya mbata yeḛ tɔl dəwje joo gə́ to njémeekarabasurje ləm, gə́ maji d’undá ləm tɔ ndá yeḛ tɔl dee gə kiambas lal kar bɔm Dabid oo taree: to Abner, ŋgolə Ner, ɓé-njérɔje gə́ Israɛl ləm, gə Amasa, ŋgolə Jeter, ɓé-njérɔje gə́ Juda ləm tɔ.

1 Mbaije 2:32 ပူးပေါင်းရင်းမြစ်များ

Gḭ-Néje 4:11

Ɓasinè, ndɔl a kwa dɔi dɔ naŋg nee, yee gə́ teḛ təa taa ne məs ŋgokɔḭ jii’g lé.

Gḭ-Néje 42:22

Rubḛ un ta ula dee pana: See ma m’ula sí el wa, m’pana: Raje meeyèr gə ŋgon neelé el. Nɛ seḭ mbad kooje. Togə́bè ɓa aa ooje məsee ɓa deḛ dəji sí gée nee ya.

Gḭ-Néje 9:6

Dəw gə́ rara ɓa ila məs dəw maree naŋg lé Maree kara a kila məsee-yeḛ naŋg ya tɔ, Mbata Ala ra dəw aree to tana səa pai-pai ya.

2 Samel 1:16

Tɔɓəi Dabid ulá pana: Maji kar ta məsi wa dɔi-i ya mbata ta gə́ teḛ tai’g ɓa gaŋgta dɔi’g. Mbata i nja pana: I tɔl yeḛ gə́ Njesigənea̰ wa dəa gə ubu lé.

2 Samel 17:25

Absalɔm unda Amasa gə́ ɓé-njérɔje tor Joab’g, Amasa to ŋgolə Jitra, dəw gə́ Israɛl, yeḛ gə́ taa Abigal, ŋgolə Nahas gə́ dené ləa lé. Yeḛ to ŋgoko̰ Seruja, ko̰ Joabje.

2 Samel 3:29

Maji kar məs neelé tel oso dɔ Joab’g ləm, gə dɔ gel-bɔje’g lə bɔbeeje lai ləm tɔ! Maji kar ŋgaka Joabje lé lal dəw gə́ iŋga rɔko̰ bajal, əsé lal rɔko̰ ba̰ji el ləm, əsé lal njetɔs kag el ləma, əsé lal njekoso ta kiambas’g el ləma, əsé lal njekwəi-yoo-ɓoo nda̰ el ləm tɔ.

2 Samel 3:37

Mee ndəa’g neelé koso-dəwje lai gə Israɛlje lai gər to gə́ to gə goo torndu mbai ɓa dəw tɔl ne Abner, ŋgolə Ner lé el.

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

2 Samel 4:11

Bèe ndá loo gə́ njémeeyèrje tɔl njemeekarabasur dan mee kəi’g ləa dɔ tira-tée’g lé ŋga ɓəd ɓəi ɓa see m’a tel dəji məsee ji sí’g gə mba tuji sí ne dɔ naŋg nee el wa.

1 Mbaije 2:44

Ndá mbai ula Simei lé ya tɔɓəi pana: Némajelje lai gə́ i ra gə bɔm Dabid lé i gər məəi’g gao ya, Njesigənea̰ a kar némeeyèr ləi tel oso dɔi’g ya.

1 Mbaije 2:5

I gər né gə́ Joab, ŋgolə Seruja ra səm lé gao ləm, né gə́ yeḛ ra gə ɓé-njérɔje lə Israɛlje gə́ joo gə́ ri dee lə Abner, ŋgolə Ner ləm, gə Amasa, ŋgolə Jeter lé gao ləm tɔ. Loo gə́ loo to lɔm ya nɛ yeḛ tɔl dee ɔm məs dee naŋg gə rɔ, rad ne məs rɔ neelé dɔ ndar gə́ tɔ ne ɓəree ləm, gə dɔ négɔlje’g ləa ləm tɔ.

1 Mbaije 8:32

maji kari oo ta ləa mee dara’g, ra ne né ləm, gaŋg-rəwta lə kuraje ləi ləm tɔ. Dəw gə́ taa wa dəa lé ila ta dəa’g ləm, ar bo̰ nérea ɔs təa’g ya, dəw gə́ ta wa dəa el lé maji kari ra səa gə goo ta gə́ wa dəa lé el ya tɔ.

2 Sôrta Gḭka Israɛlje 21:13

nɛ i un dɔ gɔl mbaije gə́ Israɛl mbata i ar Judaje gə Jerusalemje ra kaiya d’ɔs ne Ala rəw to gə́ gel-bɔje lə Akab kara ra gə Israɛlje ləm, i tɔl ŋgakɔḭje gə́ maji d’ur dɔi’d gə́ d’oji dee səi ləm tɔ

2 Sôrta Gḭka Israɛlje 21:14

ndá aa oo, Njesigənea̰ a kunda koso-dəwje ləi gə yoo-koso. Ŋganije gə denéje ləi ləm, gə nékiŋgaije lai ləm tɔ,

Este 1:19

Ɓó lé mbai oo gə́ né gə́ maji kəm ra ndá maji karee ar deḛ d’ila mberee gə torndia ləm, gə ndaŋg taree mbuna godnduje’g lə Persəje gə Medəje ləm tɔ gə mba kɔg ne kalta ta ndukun gə́ wɔji dɔ mbai lé, bèe ɓa gə mba kar Basti teḛ aar no̰ mbai Asuerus’g el ŋga ləm, mba kar rɔnduba lə dené lə mbai lé dené gə́ raŋg gə́ maji undá ɓa taa ləm tɔ.

Pakɔsje 7:16

Yeḛ uru bwa aree uru ŋgudu-ŋgudu ndá Yeḛ nja tel oso mee bwa gə́ yeḛ uru’g lé.

Pakɔsje 7:17

Néra gə́ kori-kori ləa tel oso dəa-yeḛ’g ləm, Bo̰ néra kərm-kərm ləa tel ɔs təa’g ləm tɔ.

Ejekel 17:19

Gelee gə́ nee ɓa Mbaidɔmbaije gə́ Njesigənea̰ pa ne njaŋg togə́bè pana: Neḛ n’to njesikəmba! To rɔkubu gə́ gə ri neḛ lé ɓa yeḛ ə̰ji bəḭ-bəḭ ləm, to manrɔ lə neḛ ɓa yeḛ gaŋg kulá ləm tɔ. N’a kar taree wa dəa ya.

Bula lə Israɛlje 32:23

Nɛ ɓó lé seḭ raje togə́bè el ndá seḭ raje kaiya ɔsje ne Njesigənea̰ rəw, tɔɓəi maji kar sí gərje gao, bo̰ kaiya ra sí a gə kɔs ta sí’g ya.

Njéga̰g-Rəwtaje 9:24

gə mba kar bo̰ néra gə́ kərm-kərm gə́ yeḛ ra gə ŋgalə Jerubaal gə́ rɔ-siri lé tel ɔs təa’g ləm, gə mba kar ta məs dee tel oso dɔ Abimelek’d gə́ to ŋgoko̰ dee gə́ tɔl dee lé ləma, gə oso dɔ dəwje’d gə́ Sikem gə́ la səa d’aree tɔl ŋgakea̰je lé ləm tɔ.

Njéga̰g-Rəwtaje 9:57

Tɔɓəi Ala ar néra majelje lai gə́ koso-dəwje gə́ Sikem ra lé tel oso dɔ dee’g tɔ. Yee ɓa ta ndɔl gə́ Jotam, ŋgolə Jerubaal ila dɔ dee’g lé aw ne lée’g béréré ya.

1 Samel 15:28

Ndá Samel ulá pana: Ɓogənè, Njesigənea̰ wa ɓeeko̰ lə Israɛlje jii’g wɔgədɔ ɔr ndá yeḛ ar mari gə́ raŋg gə́ maji undai lé gə́ né kea̰ yeḛ ya tɔ.