1 Mbaije 2:22 - Maktub gə́ To gə Kəmee

²² Mbai Salomo̰ tel ila kea̰je keneŋ pana: See gelee ban ɓa i dəji ne Abisag, ŋgoma̰də gə́ Sunem mba kar Adonija wa. Maji kari dəjim ɓeeko̰ ɓa gə mbata ləa (mbata yeḛ to ŋgokɔm gə́ tɔg) dəjim mbata ləa-yeḛ ləm, gə mbata lə Abiatar, njekinjanéməs ləma, gə mbata lə Joab, ŋgolə Seruja ləm tɔ.

1 Mbaije 2:22 ပူးပေါင်းရင်းမြစ်များ

2 Samel 12:8

Neḛ n’ar kəi lə ɓéije to ka̰-i ləm, neḛ n’ɔm denéje lə ɓéije kaari’g ləma, n’ɔm Israɛlje gə Judaje jii’g ləm tɔ. Tɔɓəi ɓó lé néje nee d’asi el ɓəi ndá n’a kaskəm kɔm maree dɔ’g tɔ.

2 Samel 16:21

Ahitopel ula Absalɔm pana: Maji kari aw to gə gamla-denéje lə bɔbije gə́ yeḛ ya̰ dee ar dee d’isi mba ŋgəm kəi lé, togə́bè ɓa Israɛlje lai d’a koo to gə́ néraije lé ɓa ari tel to ne né gə́ to kḛji kəm bɔbije’g, yee ɓa deḛ lai gə́ d’aw səi lé ji dee a ɓar ne mèr-mèr ya.

1 Mbaije 1:11

Yen ŋga Natan ula Bat-Seba gə́ to ko̰ Salomo̰je lé pana: Adonija, ŋgolə Agit tel to mbai lal kar mbai ləm Dabid gər lé see i oo taree el wa.

1 Mbaije 2:15

Ndá Adonija tel pana: I gər gao to gə́ ɓeeko̰ lé to kama ləm, Israɛlje lai kara kəm dee to dɔm’g mba kam m’o̰ dee ləm tɔ. Nɛ ɓeeko̰ lé tel to ka̰ ŋgokɔm mbata Njesigənea̰ ɓa aree.

1 Sôrta Gḭka-Israɛlje 3:2

njekɔm’g munda to Absalɔm gə́ yeḛ ojee gə Maaka, ŋgolə Talmai gə́ dené, yeḛ gə́ to mbai gə́ Gesur lé, njekɔm’g sɔ to Adonija gə́ yeḛ ojee gə Agit tɔ,

1 Sôrta Gḭka-Israɛlje 3:5

Aa ooje, deḛ gə́ yeḛ oji dee Jerusalem ɓa nee: Simea, gə Sobab, gə Natan gə Salomo̰, deḛ gə́ sɔ neelé yeḛ oji dee gə Bat-Sua, ŋgolə Amiel gə́ dené,

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.

Mark 10:38

Jeju tel ila dee keneŋ pana: Né gə́ seḭ kwɔimje lé seḭ gərje rəbee el. See ŋgo-kai-mán gə́ m’a gə kai lé see seḭ asjekəm kaije wa. Esé see batɛm gə́ d’a gə ram lé see seḭ asjekəm kar dee ra sí ya to wa.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.