1 Mbaije 2:12 - Maktub gə́ To gə Kəmee

¹² Togə́bè ɓa Salomo̰ si ne dɔ kalimbai’g lə bɔbeeje gə́ Dabid ndá ɓeeko̰ ləa lé to ne njaŋg ya.

1 Mbaije 2:12 ပူးပေါင်းရင်းမြစ်များ

2 Samel 7:29

Bèe ndá maji kari tɔr ndui dɔ ŋgaka kura’g ləi gə mba kar dee d’isi nɔḭ’g saar-saar gə no̰! Mbata i Mbaidɔmbaije Ala ya pa ndá mbɔl dɔ ndutɔr ləi ɓa ŋgaka kura ləi lé dɔ dee a kai ne səgərə saar-saar gə no̰ ya.

1 Mbaije 1:13

Maji kari aw kəi lə mbai Dabid aw ulá pana: Ǝi mbai ləm, see i man rɔi ar kura ləi gə́ dené pana: Ŋgonəm gə́ Salomo̰ ɓa a si dɔ kalimbai’g gə mba ko̰ ne ɓee tori’g lé, see i pa bèe el wa. Ŋga see gelee ban ɓa Adonija ɓa o̰ ɓee wa.

1 Mbaije 1:30

Togə́bè ɓa ma man rɔm m’ari gə ri Njesigənea̰, Ala lə Israɛlje m’pana: Salomo̰, ŋgoni ɓa a si dɔ kalimbai’g mba ko̰ ne ɓee torm’g, yee ɓa m’a ra togə́bè ɓogənè tɔ.

1 Mbaije 1:35

Seḭ a kawje gée’g, yeḛ a si dɔ kalimbai’g ləm ndá yeḛ a ko̰ɓee torm’g ya. Yeḛ nja gə goo torndum lé a to mbai dɔ Israɛlje ləm, gə mbai dɔ Judaje ləm tɔ.

1 Mbaije 1:46

Salomo̰ kara si dɔ kalimbai ko̰ɓee’g lé ya ŋga.

1 Mbaije 2:46

Yen ŋga mbai un ndia ar Benaja, ŋgolə Jeojoda ndá yeḛ teḛ aw kunda Simei tɔlee. Togə́bè ɓa ɓeeko̰ lé to ne njaŋg ji Salomo̰’g tɔ.

1 Sôrta Gḭka-Israɛlje 23:1

Dabid lé ɓuga mba̰ ləm, ndɔje ləa d’asee nag ləm tɔ ndá yeḛ unda ŋgonee gə́ Salomo̰ gə́ mbai lə Israɛlje.

2 Sôrta Gḭka Israɛlje 1:1

Salomo̰ gə́ ŋgolə Dabid lé ar ɓeeko̰ ləa to njaŋg ləm, Njesigənea̰ Ala nai səa ləma, undá tar ɗaŋg gə́ dəw gə́ boo ləm tɔ.

Pakɔsje 132:12

Ɓó lé ŋganeeje lé d’aa dɔ manrɔ lə neḛ gə dɔ tornduje lə neḛ Gə́ neḛ ndoo dee lé ndá Ŋgan meḛ dee-deḛje kara d’a si dɔ kalimbai’g ləa saar gə no̰ ya tɔ.