1 Mbaije 2:1 - Maktub gə́ To gə Kəmee

¹ L oo gə́ ndɔ kwəi lə Dabid nai dəb ndá yeḛ un ndukunje ar ŋgonee Salomo̰ pana:

1 Mbaije 2:1 ပူးပေါင်းရင်းမြစ်များ

Gḭ-Néje 47:29

Loo gə́ ndɔ kwəi lə Israɛl nai dəb ndá yeḛ ɓar ŋgonee gə́ Jisəb ulá pana: Ɓó lé ma m’taa kəmi rəgm ndá ma m’ra ndòo rɔi’g mba kari ula jii gel biŋgim’g un ne ndui mba ra səm némeemaji ləm, gə ŋgonkoji ləm tɔ. Ma m’ra ndòo rɔi’g mba kari dubum mee ɓee gə́ Ejiptə neelé el!

2 Samel 7:12

Loo gə́ ndɔje ləi d’a kaw lée’g béréré mba kari wəi ndá m’a kɔr ŋgoni gə́ a kḭ məəi’g ndá m’a kar ɓeeko̰ ləi to ne njaŋg ya.

1 Mbaije 1:53

Bèe ɓa mbai Salomo̰ lé ula dəwje ar dee d’aree ḭ loo-nékinjaməs’g lé ur naŋg. Yeḛ ree unda barmba dəb kəmee naŋg no̰ mbai Salomo̰’g ndá Salomo̰ ulá pana: Ḭta tel aw kəi ləi tɔ.

1 Sôrta Gḭka-Israɛlje 22:6

Dabid ɓar ŋgonee Salomo̰ gə́ rəa’g ndá yeḛ un ndia aree gə mba karee unda kəi ar Njesigənea̰, Ala lə Israɛlje.

Bula lə Israɛlje 27:19

I a karee ree aar no̰ Eləajar gə́ to njekinjanéməs ləm, gə no̰ koso-dəwje’g lai ləm tɔ, tɔɓəi i a kun ndui karee kəm dee’g.

Tel tura Godndu 3:28

Un ndui ar Juje ləm, ula diŋgam mée’g ləma, ar siŋgá ḭ dɔ maree’g ləm tɔ, mbata yeḛ nja ɓa a kaw no̰ koso-dəwje’g neelé ləm, yeḛ nja ɓa a kunda dee mee ɓee gə́ a gə kaa gə kəmi lé ləm tɔ.

Tel tura Godndu 31:14

Njesigənea̰ ula Moyis pana: Aa oo, ndɔje nai dəb ba kari a gə kwəi. Maji kari ɓar Juje ndá aw aarje mee kəi-kubu-kiŋga-na̰’g. M’a gə kun ndum karee. Moyis gə Juje d’aw d’aar mee kəi-kubu-kiŋga-na̰’g lé ya tɔ.

Tel tura Godndu 31:23

Njesigənea̰ un ndukunje ləa ar Juje, ŋgolə Nun. Yeḛ pana: Wa rɔi kɔgərɔ ləm, wa diŋgam məəi’g ləm tɔ mbata to i ɓa a gə kar Israɛlje d’andə mee ɓee gə́ ma man rɔm gə mba kar dee lé, ndá ma nja m’a nai səi tɔ.

Tel tura Godndu 33:1

Aa ooje, ndutɔr gə́ Moyis, dəw lə Ala tɔr dɔ Israɛlje’g kédé ɓa wəi ɓəi lé ɓa nee:

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

1 Timote 6:13

Ma m’ndəjii kəm Ala gə́ njekula kəmə mee nékundaje’g ləa lai ləm, gə kəm Jeju Kristi gə́ tapea inja paw no̰ Po̰sə Pilatə’g lé ləm tɔ

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

2 Timote 4:6

Ma lé m’to asəna gə nékai gə́ ka̰ tər naŋg mba̰ ar ndɔ kaw ləm nai dəb ba ŋga.