1 Mbaije 16:2 - Maktub gə́ To gə Kəmee

² Ma m’ɔree mee nduji naŋg’d ɓa m’undá gə́ mbai dɔ koso-dəwje’g ləm gə́ Israɛl, nɛ yeḛ un dɔ gɔl Jeroboam ləm, yeḛ ar koso-dəwje ləm gə́ Israɛl ra kaiya ləm tɔ gə mba kar məəm ḭ ne səm pu dɔ kaiyaje’g lə dee.

1 Mbaije 16:2 ပူးပေါင်းရင်းမြစ်များ

1 Mbaije 14:16

Yeḛ a sula Israɛlje sɔgɔ kya̰ dee mbata kaiyaje gə́ Jeroboam ra ləm gə kaiyaje gə́ yeḛ ar Israɛlje kara ra ləm tɔ.

1 Mbaije 14:7

Aw ula Jeroboam pana: Aa oo ta gə́ Njesigənea̰, Ala lə Israɛlje pa ɓa nee: Ma m’ɔri mbuna koso-dəwje’g, m’undai gə́ mbai dɔ koso-dəwje ləm gə́ Israɛl.

1 Mbaije 15:26

Yeḛ ra né gə́ majel kəm Njesigənea̰’g, yeḛ un dɔ gɔl bɔbeeje ya̰ ne rəa yag dan kaiya gə́ bɔbeeje ar Israɛlje ra tɔ.

1 Mbaije 15:34

Yeḛ ra né gə́ majel kəm Njesigənea̰’g un ne dɔ gɔl Jeroboam ləm, ya̰ ne rəa yag dan kaiya gə́ Jeroboam ar Israɛlje ra lé ləm tɔ.

Teḛ-Raga 32:21

Moyis ula Aaro̰ pana: See ɗi ɓa dəwje neelé ra səi ɓa i ɔr dee ɔm dee ne dan kaiya gə́ boi gə́ bèe wa.

Jeremi 7:18

Ŋganje d’odo kir ləm, bɔ deeje yel ne pər ləma, denéje loḭ nduji ləm tɔ gə mba ra ne mbə kar magə gə́ ɓaree mbai gə́ dené gə́ pən dara’g ləm, gə mba kun ne nékarje gə́ ka̰ tər naŋg kar magəje gə́ raŋg ləm tɔ gə mba kar məəm ḭ ne səm pu wa.

Matiyo 5:19

Yeḛ gə́ al dɔ godndu gə́ tḛ́-tḛ́ bèe, əsé ndoo mareeje gə mba ra togə́bè kara debee neelé d’a kée gə́ dəw gə́ əḭ el ɓeeko̰ gə́ dara ya. Nɛ dəw gə́ aa dɔ godndu neelé kər-kər ləm, gə ndoo mareeje gə mba kar dee ra togə́bè ləm tɔ ndá debee neelé d’a riba dəa təsərə gə́ dəw gə́ boo ɓeeko̰ gə́ dara lé tɔ.

Lugu 1:52

Yeḛ wa deḛ gə́ ti rɔ dee dɔ kalimbaije’g lə dee, ɓugu dee naŋg. Nɛ yeḛ wa dəwje gə́ d’ula dɔ dee, ar dee d’unda dɔ dee gə́ tar.

1 Samel 2:24

Wah! ŋganəmje, ta néje gə́ m’oo lé to majel. Seḭ arje dəwje lə Njesigənea̰ ra kaiya ya.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.

1 Samel 26:19

Ɓasinè maji kar mbai gə́ to mbai ləm ur mbia oo ne ta lə kura ləa. Ɓó lé to Njesigənea̰ ya ɓa ɔsi ɓɔḭ-ɓɔḭ gə mba kari oma̰ səm ndá maji karee taa nékar gə́ baḭyee ə̰də lel lé ɓa. Nɛ ɓó lé to dəwje ndá maji kar ndɔl wa dɔ dee no̰ Njesigənea̰’g ya tɔ, mbata deḛ tubam ɓogənè mba kɔrm dan nédɔji’g lə Njesigənea̰ ləm, deḛ d’ulam pana: Maji kam m’aw m’pole magəje gə́ dɔɓee’g ləm tɔ.