1 Mbaije 14:9 - Maktub gə́ To gə Kəmee

⁹ I ra némajel unda deḛ lai gə́ nɔḭ’g kédé ndá i aw ra magəje mbata ləi ləm, i léḛ néndajije gə mba kar məəm ḭ ne pu ləma, i ubam ya̰’m gooi’g gogo ləm tɔ.

1 Mbaije 14:9 ပူးပေါင်းရင်းမြစ်များ

1 Mbaije 12:28

Gée’g gogo loo gə́ mbai ə̰ji ta mée’g togə́bè mba̰ ndá yeḛ léḛ larlɔr ar deḛ ndaji ne ŋgan maŋgje joo. Tɔɓəi yeḛ ula koso-dəwje pana: Kaw gə́ seḭ awje Jerusalem lé as bèe ŋga. Seḭ Israɛlje, aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa to nee ya.

1 Mbaije 14:16

Yeḛ a sula Israɛlje sɔgɔ kya̰ dee mbata kaiyaje gə́ Jeroboam ra ləm gə kaiyaje gə́ yeḛ ar Israɛlje kara ra ləm tɔ.

1 Mbaije 14:22

Judaje ra né gə́ majel kəm Njesigənea̰’g ndá kaiyaje gə́ deḛ ra lé ɔs Njesigənea̰ ar kəmkəḭ ḭ səa dɔ dee’g ur dɔ kəmkəḭ gə́ yeḛ ra dɔ bɔ deeje’g ɓəi.

1 Mbaije 15:29

Loo gə́ yeḛ tel to mbai mba̰ ndá yeḛ tɔl gel-bɔje lə Jeroboam lai ɓó yeḛ ya̰ dəw kára kara kəmba el, yeḛ tuji néje lai gə́ d’əmə lé gə goo ta gə́ Njesigənea̰ pa ne gə ndu kura ləa gə́ Aija, dəw gə́ Silo lé,

1 Mbaije 15:30

gə mbata kaiyaje gə́ Jeroboam ra ləm, gə́ yeḛ gə́ ar Israɛlje kara ra ləm tɔ ndá, ar mee Njesigənea̰, Ala lə Israɛlje ḭ ne səa pu dɔ dee’g tɔ.

1 Mbaije 15:34

Yeḛ ra né gə́ majel kəm Njesigənea̰’g un ne dɔ gɔl Jeroboam ləm, ya̰ ne rəa yag dan kaiya gə́ Jeroboam ar Israɛlje ra lé ləm tɔ.

1 Mbaije 16:25

Ɔmri ra né gə́ majel kəm Njesigənea̰’g, yeḛ ra némajel unda dee-deḛ lai gə́ d’isi nea̰’g kédé ya.

1 Mbaije 16:30

Akab, ŋgolə Ɔmri ra né gə́ majel kəm Njesigənea̰’g unda dee-deḛ lai gə́ d’isi nea̰’g kédé lé.

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

1 Mbaije 16:33

yeḛ ra kag-magə gə́ ɓaree Asera ləm tɔ. Akab lé ra majel aree ur dɔ néra mbaije gə́ Israɛl gə́ d’isi nea̰’g kédé lé lai ya tɔɓəi, ar mee Njesigənea̰ Ala lə Israɛlje ḭ ne səa pu dəa’g tɔ.

2 Mbaije 21:3

Yeḛ tel uba dɔ looje gə́ ndəw gə́ bɔbeeje Ejekias tuji dee kédé lé ləm, yeḛ unda loo-nékinjanéməsje ar magə-Baal ləm, yeḛ ra magə-Astarté to gə́ Akab, mbai gə́ Israɛl ra ləma, yeḛ unda barmba no̰ boo-néje lai gə́ dara pole dee ne ləm tɔ.

2 Mbaije 23:26

Lée togə́bè kara Njesigənea̰ uba goo boo-oŋg ləa gə́ to asəna gə pər gə́ o̰ bilim-bilim bèe lé dɔ Judaje’g ya̰ el mbata néje lai gə́ Manasə ra ar mée ḭ ne səa pu lé.

2 Mbaije 3:3

Nɛ yeḛ ula rəa mbiriri dan kaiya ra Jeroboam, ŋgolə Nebat gə́ ɔs Israɛlje ar dee ra lé ɓó yeḛ ɔr rəa keneŋ el.

2 Sôrta Gḭka Israɛlje 11:15

Jeroboam unda njékinjanéməsje mbata lə dɔ looje gə́ ndəw ləm, gə mbata néndaji bàl bya̰je, gə ŋgan maŋgje gə́ yeḛ ra dee lé ləm tɔ.

2 Sôrta Gḭka Israɛlje 33:6

Yeḛ ɔm ŋganeeje pər’d kəm wəl-loo’g lə Hinɔmje, Yeḛ pole néje gə ndo̰-ərje ləm, yeḛ ra némbeḛje ləma, unda njéɓar ndilje karee gər ne néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne.

Nehemi 9:25

Deḛ taa ɓee-booje gə́ siŋga dee to ləm, Gə dɔ naŋg koje ləm tɔ, Deḛ taa kəije gə́ némajije ɓəd-ɓəd Rusu meḛ dee tub-tub ləm, Gə bwa-manje gə́ d’uru ləm, Gə ndɔ-nduúje gə kag-koiyoje ləma, Gə kagje gə́ d’andə gə kandə dee njim-njim Gə́ taa loo pəl-pəl ləm tɔ. Deḛ d’usɔ d’ar meḛ dee ndan tub-tub ləm, D’ər ne ndɔl-ndɔl ləm tɔ, Tɔɓəi deḛ d’isi dan néje gə́ lel dee’g Gə goo boo-meemaji ləi ya.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Pakɔsje 106:29

Néra deeje lé ar mee Njesigənea̰ ḭ ne səa pu Ndá yoo-koso oso ne mbuna dee’g.

Pakɔsje 50:17

Ta gə́ d’wɔjii lé i ə̰ji bəḭ-bəḭ ləm, Taje lə neḛ kara i mbad ya ləm tɔ.

Pakɔsje 78:40

Gɔl bula ndá deḛ d’ḭ d’oma̰ səa dɔdilaloo’g ləm, Gɔl bula ndá d’ar oŋg ḭ səa dɔ dee’g Mee looje gə́ tudu kurum-kurum’g ləm tɔ.

Pakɔsje 78:56

Nɛ deḛ d’aḭ mee Ala gə́ Njekurdɔloo’g d’ḭ komá̰ ne ləm, Deḛ d’aa dɔ torndiaje kər-kər el ləm tɔ.

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Teḛ-Raga 34:17

Seḭ a lḛ̀je lar ndajije né magə lə sí el.

Jeremi 32:18

I ra meemaji gə ŋgaka dəwje gə́ goo na̰ goo na̰ loo tɔl-dɔg (1.000) ləm, i ar bo̰ néra kori-kori lə bɔ ŋganje ɔs ta ŋgan deeje gə́ goo dee’g ləm tɔ. I to Ala gə́ boo gə njesiŋgamoŋ, Njesigənea̰ gə́ njeboo-néje ɓa gə́ rii.

Jeremi 7:18

Ŋganje d’odo kir ləm, bɔ deeje yel ne pər ləma, denéje loḭ nduji ləm tɔ gə mba ra ne mbə kar magə gə́ ɓaree mbai gə́ dené gə́ pən dara’g ləm, gə mba kun ne nékarje gə́ ka̰ tər naŋg kar magəje gə́ raŋg ləm tɔ gə mba kar məəm ḭ ne səm pu wa.

Jeremi 7:26

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Ejekel 8:17

Yeḛ dəjim pana: Ma ŋgon-dəw lé see ma m’oo ya wa. Kar gel-bɔje lə Juda ra néje gə́ mina̰ togə́bè loo gə́ nee’g lé see to né gə́ lam ba wa. See kəm kar dee ra néje gə́ kərm-kərm d’aree taa mee ɓee pəl-pəl ləm, kar dee d’əw rɔ dee kar mee neḛ ḭ ne sə neḛ jugugu ləm tɔ el ya ɓəi wa. Aa oo, d’isi rəm gə barkəm kag lé gə́ əm dee’g.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Ləbije 19:4

Seḭ a telje rɔ sí goo magəje’g el ləm, seḭ a lḛ̀je né ndajije ne magəje el ləm tɔ. Ma m’to Njesigənea̰, Ala lə sí ya.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Tel tura Godndu 32:21

Deḛ d’ar kəm əḭ dɔ dee’g Mbata lə né gə́ to gə́ Ala el ləm Deḛ d’ar məəm ḭ səm jugugu Mbata lə magə-poleje lə deḛ gə́ kari ba ləm tɔ Ndá m’a kara m’a kar kəm dee əḭ Mbata lə ginkoji dəwje gə́ kari ba ləm M’a kar meḛ dee o̰ dee Mbata lə ginkoji dəwje gə́ to mbə-dəwje ləm tɔ.

Tel tura Godndu 9:24

Seḭ toje njékɔsta lə Njesigənea̰ rəwje un kudee mee ndəa gə́ ma m’gər sí ne lé ya.

Njéga̰g-Rəwtaje 5:8

Deḛ mbər magəje gə́ sigi: Togə́bè ɓa rɔ to ne tarəwkɔgje’g. D’iŋga dər əsé ko̰ niŋga Rɔ njérɔje gə́ Israɛl gə́ tɔl-dɔg-loo-rɔ-sɔ (40.000) lé el.