1 Mbaije 13:8 - Maktub gə́ To gə Kəmee

⁸ Nɛ dəw lə Ala ula mbai lé pana: Ɓó lé i am dəb mee kəi ləi ya kara m’a kaw səi keneŋ el ləm, m’a sɔ né el ləma, mán kara m’a kai lé gən el ləm tɔ,

1 Mbaije 13:8 ပူးပေါင်းရင်းမြစ်များ

1 Mbaije 13:9

mbata ndukun neelé Njesigənea̰ ɓa un am pana: A ko̰ muru el ləm, a kai mán el ləma, a tel gə rəw gə́ aw ne kédé lé el ləm tɔ.

2 Mbaije 5:16

Elije tel ilá keneŋ pana: Njesigənea̰ gə́ ma m’to kura ləa lé to Njesikəmba ya. M’a taa né kára kara jii’g el. Naaman ɔsee ɓɔḭ-ɓɔḭ mba karee taa né lé nɛ yeḛ mbad saar ya.

Pakɔsje 141:4

Maji kari ar məəm aḭ teḛ par gə́ dɔ néraje gə́ majel’g el ləm, Gə m’ɔm na̰’d gə njéra majelje Mba ra sə dee né gə́ ka̰ kila ta dɔ loo’g el ləma, Gə mba kam m’ɔm sə dee na̰’d loo-muru-gad’g lə dee kára kara el ləm tɔ.

Teḛ-Raga 5:3

Deḛ pana: Ala lə Ǝbrəje lé teḛ dɔ sí’g ya. Maji kari un ndui ar sí j’aw dɔdilaloo’g as ndɔ sí munda gə́ mba kinja nékinjanéməsje kar Njesigənea̰ nà banelə yeḛ a tuji sí gə yoo-koso əsé gə kiambas ya.

Teḛ-Raga 5:6

Mee ndəa’g neelé ya Parao̰ un ndia ar njétə̰kulaje lə dəwje ləm, gə njékaa dɔ deeje ləm tɔ pana:

Teḛ-Raga 7:2

I lé a pa taje lai gə́ m’a kun ne ndum kari lé, tɔɓəi ŋgokɔḭ gə́ Aaro̰ a kun taree ndaji kar Parao̰ mba karee ya̰ ne Israɛlje ar dee d’unda ne loo mee ɓee’g ləa teḛ raga.

Bula lə Israɛlje 22:18

Balaam tel ula kuraje lə Balak lé pana: Ɓó lé Balak a kam kəi ləa gə́ larnda gə larlɔr rusu ya kara m’a kaskəm ra né kára kara gə dɔrɔm el, lé to né gə́ tḛ́ ɓa əsé né gə́ boi kara m’a kaskəm kɔs ne ndukun lə Njesigənea̰ Ala rəw el.

Bula lə Israɛlje 22:8

Balaam ula dee pana: Maji kar sí toje naŋg nee loondul gə́ nee, ndá m’a kila sí keneŋ gə goo ta gə́ Njesigənea̰ a kulam lé ɓa. Togə́bè ɓa dəwje gə́ boo neelé to ne rɔ Balaam’g.

Bula lə Israɛlje 24:13

Ma m’pana: Ɓó lé Balak a kam kəi ləa gə́ larnda gə larlɔr rusu ya kara m’a kaskəm ra né kára kara gə dɔrɔm el, lé to né gə́ maji əsé to né gə́ majel kara m’a kaskəm kɔs ne ndukun lə Njesigənea̰ Ala ləm rəw el, ta gə́ Njesigənea̰ pa lé ya ɓa m’a ndaji kari. See ma m’pa bèe kédé el wa.

Mark 6:11

Ɓó lé loo gə́ rara ɓa gə́ seḭ a teḛje keneŋ ɓa deḛ ndigi kwa sí gə́ rɔ dee’g el ləm, deḛ ndigi koo ta lə sí el ləm tɔ ndá ḭ saaje rɔ sí keneŋ gə́ gogo ləm, kundaje kor gə́ gɔl sí’g kɔd-kɔd dɔ ɓee’g neelé ləm tɔ mba karee to gə́ nékɔrkəmta gə́ a kwa dɔ dee lé kɔmje dɔ dee’g.

Mark 6:23

Yeḛ pa man ne rəa bər-bər pana: Lé riri gə́ i a kwɔim lé ndá m’a kari ya. Lé gə́ dəb ɓeeko̰ ləm ya ɓa lé dəjim kara m’a kwa kari ya ɓó m’a kɔgi el.