1 Mbaije 13:6 - Maktub gə́ To gə Kəmee

⁶ Yen ŋga mbai lé un ta ula dəw lə Ala pana: Kɔgərɔ kari, maji kari ra ndòo rɔ Njesigənea̰, Ala’g lé ləi gə mbata ləm, gə mba kam m’wa jim gə́ rɔm’g ya kari. Bèe ɓa dəw lə Ala ra ndòo rɔ Njesigənea̰’g ndá mbai lé wa jia gə́ rəa’g aree tel to to gə́ kédé lé tɔ.

1 Mbaije 13:6 ပူးပေါင်းရင်းမြစ်များ

1 Mbaije 13:5

Loo-nékinjaməs lé ta̰ ar bu gə́ to dɔ’g lé ɔm naŋg gə goo nétɔji gə́ dəw lə Ala pa gə goo tapa Njesigənea̰ lé tɔ.

Pakɔsje 119:58

Ma lé m’ra ndòo rɔi’g gə ŋgaw məəm bura, Maji kari oo kəm lootondoo’g gə goo ndukun ləi lé ya.

Teḛ-Raga 10:17

Nɛ arje meḛ sí ti mbidi dɔ kaiya ramje’g gɔl kára ya tɔɓəi ɓa, ndá raje tamaji ta Njesigənea̰ Ala’g lə sí gə mba karee ɔr tuji-boo neelé dɔm’g gɔl kára ya ɓəi.

Teḛ-Raga 12:32

Twaje badje lə sí ləm, gə maŋgje lə sí ləm tɔ, to gə́ seḭ paje lé ya, awje ne, nɛ tɔrje ndu sí dɔm’g.

Teḛ-Raga 8:28

Nɛ Parao̰ lé mée ndər gɔl kára ya tɔɓəi ndá yeḛ ya̰ dəwje lé ar dee d’aw el tɔ.

Teḛ-Raga 8:4

Parao̰ ɓar Moyis gə Aaro̰ ula dee pana: Raje tamaji ta Njesigənea̰’g mba karee ɔr kurkuduje neelé dɔm’g pam ləm, gə dɔ dəwje’g ləm kara ləm tɔ, ndá m’a kya̰ loo kar dəwje neelé d’aw d’aw d’inja nékinjanéməsje d’ar Njesigənea̰ ya.

Teḛ-Raga 8:8

Moyis gə Aaro̰ d’unda loo kəi lə Parao̰ teḛ. Tɔɓəi Moyis no̰ ɓar Njesigənea̰ wɔji ne dɔ kurkuduje gə́ yeḛ unda ne Parao̰ lé.

Teḛ-Raga 9:28

Raje tamaji ta Njesigənea̰’g mba kar ndi gə́ ndaŋg gə ndi kwɔji lé gaŋg ndá m’a kya̰ loo kar sí awje ya ɓó dəw a kɔg sí naŋg el ŋga.

Jeremi 37:3

Mbai Sedesias ula Jukal, ŋgolə Selemia, gə Soponi, ŋgolə Maaséja, njekinjanéməs rɔ Jeremi, njetegginta’g mba kar dee d’ulá pana: Maji kari ra ndòo rɔ Njesigənea̰ Ala’g lə sí lé mbata lə sí.

Jakari 7:2

Njé gə́ Betel d’ula Sareser gə Régem-Melek gə dəwje lə dee mba kar dee d’aw ra ndòo rɔ Njesigənea̰’g ləm,

Bula lə Israɛlje 12:13

Moyis no̰ rɔ Njesigənea̰’g pana: Ǝi Ala, ma m’ra ndòo rɔi’g, maji kari ar rəa tel to kari péd-péd ya.

Bula lə Israɛlje 21:7

Koso-dəwje lé ree rɔ Moyis’g d’ulá pana: Jeḛ n’raje kaiya mbata jeḛ m’paje ta gə́ yèr j’ɔsje ne Njesigənea̰ rəw ləm, j’ɔsi ne i rəw ləm tɔ. Bèe ndá maji kari ra tamaji ta Njesigənea̰’g mba karee ɔs lije neelé rɔ sí’g rəw gə́ raŋg. Ndá Moyis kara ra tamaji mbata lə dəwje lé ya tɔ.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

Néra Njékaḭkulaje 8:24

Simo̰ tel ila dee keneŋ pana: Raje ndòo rɔ Mbaidɔmbaije’g mbata ləm mba kar ta gə́ seḭ paje səm neelé a teḛ dɔm’g togə́bè el.

Njé gə́ Rɔmə 12:14

Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el.

Njé gə́ Rɔmə 12:21

Ar majel dumi el nɛ maji kari dum majel gə néra gə́ maji gə́ i ra ya.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

1 Samel 12:19

Yen ŋga koso-dəwje lai d’ula Samel pana: Maji kari ra tamaji ta Njesigənea̰ Ala’g ləi mbata kuraje ləi, gə mba kar sí j’wəije el. Mbata kaiyaje lai gə́ jeḛ n’raje lé jeḛ j’ilaje né gə́ kəm ra el dɔ’g, gə mbata dəji gə́ jeḛ n’dəjije mbai lé.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.