1 Mbaije 13:3 - Maktub gə́ To gə Kəmee

³ Tɔɓəi gə́ mee ndəa gən ya, yeḛ ula dee ta lə nétɔji pa ne pana: Né gə́ a tɔji sí to gə́ Njesigənea̰ ɓa pa taree lé ɓa nee: Aa ooje, loo-nékinjaməs lé a ta̰ ndá bu gə́ to dɔ’g lé a kɔm naŋg tɔ.

1 Mbaije 13:3 ပူးပေါင်းရင်းမြစ်များ

1 Mbaije 13:4

Loo gə́ mbai oo ta gə́ dəw lə Ala pa ila ne ndɔl dɔ loo-nékinjaməs’d gə́ Betel lé ndá yeḛ ula jia aree dəs ta dɔ loo-nékinjaməs lé pa ne pana: Wáje! Ndá ji Jeroboam gə́ ula par gə́ dəa’g lé tudu tar kurum aree oo loo kwa gə́ rəa’g el.

2 Mbaije 20:8

Ejekias dəji Esai pana: See ɗi ɓa a tɔjim karm m’gər ne to gə́ Njesigənea̰ a kajim kar ndɔ gə́ njekɔm’g munda ndá m’a kaw ne kəi lə Njesigənea̰ lé wa.

Teḛ-Raga 4:1

Moyis ilá keneŋ pana: Aa oo, d’a kɔm meḛ dee dɔm’g el ləm, d’a lel mbi dee koo ne ndum el ləm tɔ. Nɛ d’a pana: Njesigənea̰ teḛ dɔm’g el.

Teḛ-Raga 7:10

Moyis gə Aaro̰ d’aw rɔ Parao̰’g tɔɓəi deḛ ra né gə́ Njesigənea̰ un ne ndia ar dee gə mba kar dee ra lé tɔ. Aaro̰ ila kag-tɔs ləa naŋg no̰ Parao̰’g gə no̰ kuraje’g ləa ndá kag lé tel to li ya tɔ.

Esai 38:22

Mbata Ejekias dəjee pana: See nétɔji gə́ ban ɓa a kar neḛ n’gər to gə́ n’a kḭ kaw mee kəi’g lə Njesigənea̰ gogo lé wa.

Jeremi 44:29

Njesigənea̰ pana: Aa ooje, nétɔji gə́ a kar sí gərje to gə́ m’a gə kar bo̰ néra sí ɔs ta sí’g lée’g neelé gə mba kar sí gərje ne to gə́ taje ləm a kaw ne lée’g béréré dɔ sí’g kar sí síje ne dan némeeko̰’g lé ɓa nee:

Tagə́maji gə́ Ja̰ ndang 2:18

Jibje d’un ta dəjee pana: See némɔri gə́ ban ɓa i ra gə mba kar sí j’oo to gə́ i askəm ra ne néje gə́ togə́bè lé wa.

1 Njé gə́ Kɔrḭtə 1:22

Jibje dəji némɔrije ləm, Grekje saŋg gosɔkəmkàr ləm tɔ.

Njéga̰g-Rəwtaje 6:17

Gedeo̰ tel ilá keneŋ pana: Ɓó lé m’taa kəmi ndá maji kari ra né kára mba tɔjim ne to gə́ i ɓa ulam ta nee ya.

1 Samel 2:34

Nétɔji gə́ a kari oo ne to gə́ ta nee to tɔgərɔ ya lé a to né gə́ a teḛ dɔ ŋganije joo gə́ ri dee lə Opni gə Pines. Mee ndɔ gə́ kára ba ya d’a kwəi keneŋ joo bɔr.