1 Mbaije 11:7 - Maktub gə́ To gə Kəmee

⁷ Yen ŋga Salomo̰ ra loo gə́ ndəw dɔ mbal gə́ to no̰ Jerusalem’g mbata lə magə-Kemos gə́ ar Moabje mina̰ lé ləm, yeḛ ra togə́bè mbata lə magə-Molok gə́ ar Amo̰je mina̰ lé ləm tɔ.

1 Mbaije 11:7 ပူးပေါင်းရင်းမြစ်များ

Gḭ-Néje 33:2

Yeḛ ar ŋganjélookisije gə́ dené gə ŋgan deeje d’aw kédé, tɔɓəi Lea gə ŋganeeje d’aw goo dee’g, ɓa Rasel gə Jisəb d’udu goo dee tɔ.

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

1 Mbaije 11:5

Salomo̰ ndolè goo magə-Astarté gə́ to magə lə Sido̰je ləm, gə goo magə-Milkɔm, gə́ ar Amo̰je mina̰ lé ləm tɔ.

1 Mbaije 11:6

Salomo̰ ra néje gə́ majel kəm Njesigənea̰’g ləm, yeḛ un goo Njesigənea̰ lad-lad to gə́ bɔbeeje Dabid lé bèe el ləm tɔ.

1 Mbaije 11:8

Yeḛ ra togə́bè wɔji ne dɔ denéje ləa lai gə́ dɔ ɓee’d gə́ roo néje gə́ ə̰də sululu ləm gə d’inja nékinjanéməsje d’ar magəje lə dee keneŋ.

1 Mbaije 15:12

Yeḛ tuba kaiya-dəwje gə́ mee ɓee’g neelé ləm, yeḛ sané magəje lai-lai gə́ bɔbeeje-je ra lé ar dee godo ləm tɔ.

2 Mbaije 23:10

Mbai ar Topet gə́ to mee wəl-loo’g lə ŋgalə Hinɔm lé tel to loo gə́ mina̰ gə mba kar dəw roo ŋgonee gə́ diŋgam əsé yeḛ gə́ dené keneŋ mba kula ne rɔnduba dɔ magə gə́ ria lə Molok’g lé el ŋga.

2 Sôrta Gḭka Israɛlje 21:11

Joram ra dɔ looje gə́ ndəw dɔ mbalje gə́ Juda, ndá yeḛ ɔs ne dəwje gə́ Jerusalem ɓɔḭ-ɓɔḭ ar dee ra kaiya d’ɔs ne ta lə Ala rəw ləm, yeḛ su ne kəm Judaje ləm tɔ.

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Esai 44:19

Yeḛ la̰ji tor ta mée’g el, Gə mba karee pa pana: M’roo ges kag lé pər ləm, M’yel pəree m’koro ne muru ləma, M’nuŋga ne da m’usɔ ləm tɔ Ndá gesee gə́ nai lé m’a telee gə́ né gə́ mina̰ bèe ləm, M’a kunda barmba no̰ dubu kag’d ləm tɔ lé Gosɔnégər əsé kəmkàr mba karee pa ne bèe lé godo.

Jeremi 32:31

Mbata ɓee-boo neelé ɓa ɔs gin oŋg ləm, gə meekḭ jugugu ləm tɔ, un kudee mee ndɔ gə́ deḛ tum ne ginee saar teḛ ɓogənè. Yen ɓa m’a gə kɔsee ne nɔm’g rəw gə́ raŋg.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Jeremi 48:13

Rɔ Moabje a kul dɔ magə’d lə dee gə́ ria lə Kemos, to gə́ rɔ gel-bɔje lə Israɛl kul ne dɔ Betel gə́ to nékunda-mee-yel dɔ’g lə dee bèe.

Jeremi 48:46

Meeko̰ oso dɔi-i Moab’g! Koso-dəwje lə magə-Kemos tuji! Mbata d’aw gə ŋganije gə́ diŋgam Gə njé gə́ dené ɓee-ɓər’g.

Ejekel 18:12

ɓó lé yeḛ buguru njenékəmndoo gə njendoo ləm, ɓó lé yeḛ taa né gə ɓogo ləm, ɓó lé yeḛ tel gə nékɔsnaŋ ar njea el ləm, ɓó lé yeḛ un kəmee aa ne magəje gərərə ra ne néje gə́ mina̰ jɔmri-jɔmri ləma,

Loo gə́ killa rea kəm Daniel’g 11:31

Kudu-njérɔje gə́ yeḛ a kula dee lé d’a kula sul dɔ loo gə́ to gə kəmee’g ləm, gə dɔ kəi-kaar-kɔgərɔ’g ləm tɔ. D’a kɔg dee dɔ nékinjanéməsje gə́ ra ta-ta ləm, d’a kunda né gə́ mina̰ gə́ ka̰ tuji ne loo lé tar ləm tɔ.

Loo gə́ killa rea kəm Daniel’g 12:11

Un kudee mee ndəa gə́ d’a kɔg dee dɔ nékinjaməs gə́ d’aw ra ta-ta gə́ kédé-kédé lé saar mee ndəa gə́ né gə́ mina̰ lə njetujiloo lé d’a kundá tar ndá ndɔje lai d’a kaḭ tɔl-dɔg gə dəa tɔl-joo gir-dee rɔ-jinaikara (1.290).

Ləbije 26:30

M’a tuji loo-pole-magje lə sí ləm, m’a təd loo-suu néje lə sí gə́ ə̰də sululu lé njigi-njigi ləm, m’a kɔm nin sí dɔ gaila magəje’g lə sí ləma, m’a koo sí gə́ néje gə́ ram kəm’g ləm tɔ.

Misee 1:5

Néje lai neelé teḛ mbata takalje lə Jakobje ləm, Gə mbata kaiya ra Israɛlje ləm tɔ! See ɗi ɓa gə́ majel lə Jakobje lé wa. See to Samari el wa. See ɗi ɓa to dɔ looje gə́ ndəw lə Judaje lé wa. See to Jerusalem el wa.

Jakari 14:4

Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje Gə́ wɔji dɔ Jerusalem njoroŋ mbɔr loo gə́ bər’g, Mbal gə́ ria lə Mbal-Koiyoje lé A ta̰ dana par gə́ bər ləm, gə dɔ-gó ləm tɔ Ndá a tel to wəl-loo gə́ boo tɔ. Ges mbal lé a rəm gə gée par gə́ dɔgel ləm, Gesee a rəm gə gée par gə́ dɔkɔl ləm tɔ.

Bula lə Israɛlje 21:29

Meeko̰ a koso dɔi’g, i ɓee gə́ Moab! Seḭ dəwje gə́ Kemos, seḭ saḭje mba̰! Yeḛ ar ŋganeeje gə́ diŋgam tel to njékaḭ no̰ njéba̰je’g lə dee ləm, Ya̰ ŋganeeje gə́ dené ar dee tel to ɓərje Le Siho̰, mbai lə Amɔrje ləm tɔ.

Bula lə Israɛlje 33:52

Seḭ a tubaje njéɓeeje neelé no̰ sí’g ləm, seḭ a tujije magəje lə dee gə́ ra dee gə mbal ləm, gə néndajije lə dee gə́ léḛ ləma, seḭ a tujije loo-pole-magje lə deḛ lai gə́ to dɔ diŋgri-looje’g lé ləm tɔ.

Matiyo 26:30

Loo gə́ d’ɔs pa pidi ne Ala lé mba̰ ndá d’unda loo teḛ d’isi d’aw gə́ dɔ mbal gə́ ria lə Koiyoje.

Néra Njékaḭkulaje 1:12

Yen ŋga deḛ d’ḭ dɔ mbal gə́ d’aar keneŋ ria lə Koiyoje lé d’ɔs tel d’aw Jerusalem, gə kuree rəgəsə ba bèe d’wɔji ne boa-loo-kaw gə́ ndɔ-kwa-rɔ’g.

Néra Njékaḭkulaje 1:9

Loo gə́ yeḛ pata neelé mba̰ ndá né unee dan dee’g ar dee d’ée njal mum on dəa ar dee d’ée el saar.

Néra Njékaḭkulaje 7:43

Seḭ odoje kəi-kubuje pole né lə Molok ləm, Seḭ odoje néndaji kérèmé gə́ ka̰ magə Rempan ləm tɔ. Yee ɓa gə́ ndil néje gə́ seḭ ndajije gə́ magə-poleje lə sí ya. Togə́bè ndá n’a kodo sí kɔm sí gir ɓee gə́ Babilɔn.

Tel tura Godndu 13:14

Dəwje gə́ njéra né kori-korije d’unda loo mbuna sí’g teḛ gə mba su kəm dəwje gə́ ɓee-boo’g lə dee pana: Ar sí j’awje j’aw m’poleje magəje gə́ seḭ gər deeje kédé el ndá

Tel tura Godndu 27:15

Meeko̰ a koso dɔ dəw gə́ tɔl néndaji əsé ndil né gə́ léḛ gə́ tokə̰ji kəm Njesigənea̰’g ləm, gə́ to kula ra njegər goso kula ləm tɔ ɓa undá loo-kiya’g mba pole lé. Ndá koso-dəwje lai d’a kila dee keneŋ pana: A to togə́bè ya!

Njéga̰g-Rəwtaje 11:24

Né gə́ magə ləi gə́ to Kemos ari mba karee to kaḭ lé see i iŋga el wa. Ŋga néje lai gə́ Ala lə sí gə́ Njesigənea̰ unda no̰ sí’d gə́ ka̰ síjeḛ lé see j’a taaje el wa.