1 Mbaije 11:1 - Maktub gə́ To gə Kəmee

¹ Mbai Salomo̰ taa denéje gə́ dɔ ɓee’d gə́ raŋg ɔm dee dɔ ŋgolə Parao̰ gə́ dené’g yeḛ təa kédé lé: deḛ gə́ to Moabje ləm, gə Amo̰je ləm, gə Edɔmje ləm, gə Sido̰je ləma, gə Hetje ləm tɔ.

1 Mbaije 11:1 ပူးပေါင်းရင်းမြစ်များ

1 Mbaije 11:8

Yeḛ ra togə́bè wɔji ne dɔ denéje ləa lai gə́ dɔ ɓee’d gə́ roo néje gə́ ə̰də sululu ləm gə d’inja nékinjanéməsje d’ar magəje lə dee keneŋ.

1 Mbaije 14:21

Roboam, ŋgolə Salomo̰ o̰ ɓee gə́ Juda. Yeḛ ra ləbee rɔ-sɔ-giree-kára ɓa tel to mbai ɓəi ndá yeḛ si ɓee-boo gə́ Jerusalem o̰ ne ɓee as ləb dɔg-giree-siri, to ɓee-boo gə́ Njesigənea̰ ɓa mbəree mbuna ginkoji Israɛlje’g lai mba kar ria ɓar dɔ’g. Kea̰je ria lə Naaman, yeḛ to dəw gə́ Amo̰.

1 Mbaije 14:31

Roboam wəi ndá deḛ dubee gə keaje-je mee ɓee-boo’g lə Dabid. Kea̰je ria lə Naaman gə́ to dəw gə́ Amo̰. Bèe ɓa ŋgonee Abijam o̰ ɓee toree’g tɔ.

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

1 Mbaije 3:1

Salomo̰ ɔm na̰’d gə Parao̰, mbai gə́ Ejiptə gə goo rəw taa gə́ yeḛ taa ŋgonee gə́ dené kára gə́ dené ləa lé. Yeḛ ree səa aree si mee ɓee-boo’g lə Dabid, saar karee tɔl kula gə́ wɔji dɔ kəi ləa-yeḛ ləm, gə kəi lə Njesigənea̰ ləma, gə ndògo-bɔrɔ gə́ gugu dɔ Jerusalem ləm lé bém tɔ.

Esdras 10:44

Deḛje lai neelé taa denéje gə́ ginkoji dee raŋg ləm, njé gə́ na̰je bula mbuna dee’g d’oji ne ŋganje ləm tɔ.

Esdras 9:1

Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Esdras 9:2

Mbata deḛ taa ŋgan deeje gə́ dené gə́ denéje lə dee ləm, gə taa dee d’ar ŋgan deeje gə́ diŋgam ləm tɔ, yee ɓa deḛ d’ula ne gel koji dee gə́ to gə kəmee lé na̰’d gə ka̰ dəw-mee-ɓeeje neelé ya, ŋgan-mbaije gə njékoogootaje lé ɓa gə́ njé gə́ dɔtar gə́ njéra kaiya neelé.

Teḛ-Raga 34:16

nà banelə seḭ a taaje ŋgan deeje gə́ dené kar ŋgan síje gə́ diŋgam ndá ŋgan deeje gə́ dené lé loo gə́ d’ya̰ rɔ dee dan néje gə́ mina̰’g d’ar magəje lə dee lé d’a ndɔr ŋgan síje gə́ diŋgam kar dee-deḛ kara d’ya̰ rɔ dee dan néje gə́ mina̰’g d’ar magəje lə dee lé tɔ.

Gosota-Kəmkàrje 2:16

Gə mba kɔri ji dené gə́ raŋg’d, Dené gə́ to kaḭ el gə́ njepa taje gə́ rii.

Gosota-Kəmkàrje 22:14

Tapa kaiya denéje lé to bwa gə́ uru yaa̰, Yeḛ gə́ mee Njesigənea̰ ea̰ dəa’g lé a koso keneŋ.

Gosota-Kəmkàrje 23:33

Kəmi a to gə́ dɔ denéje gə́ raŋg ləm, Məəi a pata gə́ kori-kori ləm tɔ.

Gosota-Kəmkàrje 31:3

Maji kari sané siŋgai dɔ denéje’g el ləm, Taa rəwje lə deḛ gə́ njétuji mbaije lé el ləm tɔ.

Gosota-Kəmkàrje 6:24

D’a kaa dɔi kɔgi dɔ dené’d Gə́ njera némajel’g ləm, Dɔ ta gə́ rii’g lə kaiya-dené ləm tɔ.

Gosota-Kəmkàrje 7:5

Mba kar dee d’aa dɔi D’ɔgi ne dɔ kaiya-dené’g, Dɔ dené gə́ raŋg’d gə́ to njetaje gə́ rii.

Ləbije 18:18

Loo gə́ dené lə sí si kəmba ɓəi lé seḭ a taaje ŋgokea̰ gə́ dené mba to səa mbɔree’g el. Yee ɓa a kɔs gel ra ni.

Tel tura Godndu 17:17

Maji karee taa denéje bula gə mba kar dee tel mée ɓəd el ləm, maji karee mbo̰ larnda əsé larlɔr gə́ ur kugu ndor-ndor el ləm tɔ.