1 Mbaije 10:9 - Maktub gə́ To gə Kəmee

⁹ Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

1 Mbaije 10:9 ပူးပေါင်းရင်းမြစ်များ

2 Samel 23:3

Ala lə Israɛlje pata, Biri mbal lə Israɛlje ulam ta pana: Yeḛ gə́ o̰ ɓee dɔ dəwje’g gə goo rəbee ləm, Yeḛ gə́ ɓəl Ala loo ko̰ɓee’g ləa ləm tɔ lé

2 Samel 5:12

Dabid gər to gə́ Njesigənea̰ ya ɓa undá gə́ mbai lə Israɛlje ləm, ar ɓeeko̰ ləa ḭ dɔ maree’d gə́ kédé-kédé mbata lə koso-dəwje ləa gə́ Israɛl ləm tɔ.

2 Samel 8:15

Dabid o̰ ɓee dɔ Israɛlje’g lai ndá yeḛ ra né danasur ləm, ɔr ne kəmta lə dəwje ləa lai gə goo rəbee ləm tɔ.

1 Mbaije 3:28

Dəwje gə́ Israɛl lai, loo gə́ d’oo ta gə́ mbai gaŋg lé ndá deḛ ɓəl mbai lé mbata deḛ d’oo ne kəmkàr gə́ Ala aree gə mba gaŋg ne rəw-taje ya.

1 Mbaije 5:7

Njéguburuɓeje dɔg-gir-dee-joo lé d’unda nésɔ lə mbai Salomo̰ gə nduree-nduree ləm, gə ka̰ dee-deḛ lai gə́ d’a ree sɔ né səa ləm tɔ, nana kara ra kula ləa mee naḭ’g ləa gə́ wɔji dəa ləm, deḛ d’ar né kára kara lal el ləm tɔ.

1 Sôrta Gḭka-Israɛlje 17:22

I unda Israɛlje gə́ koso-dəwje ləi ya saar-saar gə no̰ ləm, mba kari-i Njesigənea̰ kara tel to ne Ala lə dee ləm tɔ.

2 Sôrta Gḭka Israɛlje 2:11

Huram pa tɔɓəi pana: Maji kar dɔ ri Njesigənea̰ Ala lə Israɛlje ai səgərə, yeḛ gə́ njekunda dara gə naŋg nee, yee ɓa ar mbai Dabid ŋgon gə́ njekəmkàr ləm, gə njekunda kəmkàr dɔ rəa’g ləma, gə njegosonégər ləm tɔ, gə mba karee unda kəi lə Njesigənea̰ ləm, gə kunda kəi-mbai gə mbata ləa-yeḛ ləm tɔ.

Pakɔsje 18:19

Deḛ d’ubam naŋg bus ndɔ néurti’g ləm ya, Nɛ Njesigənea̰ ɓa to njegədm.

Pakɔsje 22:8

Deḛ lai gə́ d’oom lé ndá d’ula sul dɔm’g, Deḛ teḛ ta dee ləgəgə-ləgəgə ləm, Deḛ tuga dɔ dee jəgm-jəgm dɔm’g ləm tɔ pana:

Pakɔsje 72:2

Yeḛ a gaŋgta dɔ dəwje’g ləi gə goo néra gə́ gə dɔ najee ləm, Deḛ gə́ to njénékəmndooje ləi lé Yeḛ a ra ta lə dee gə goo néra gə danasur ləm tɔ.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 31:3

Njesigənea̰ tɔjim rəa Loo gə́ əw’g ya pana: Ma ndigi sí gə meenoji gə́ to gə no̰, Gelee gə́ nee ɓa ma m’ar meemaji ləm To keneŋ mbata lə sí.

Malasi 1:2

Njesigənea̰ pana: Ma m’unda sí dan kəm’g. Nɛ seḭ pajena: See ma m’unda sí dan kəm’g to gə́ ban wa. Njesigənea̰ pana: Esawu lé see yeḛ to ŋgoko̰ Jakob el wa. Nɛ lé bèe kara ma m’unda Jakob dan kəm’g nɛ ma m’ə̰ji Esawu bəḭ-bəḭ .

Tel tura Godndu 7:8

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.