1 Mbaije 10:3 - Maktub gə́ To gə Kəmee

³ Salomo̰ ila tadəjije’g ləa lai-lai ar né kára kara gə́ iya rəa kəm mbai’g lé godo.

1 Mbaije 10:3 ပူးပေါင်းရင်းမြစ်များ

2 Samel 14:17

Kura ləi gə́ dené pa pana: Maji kar tapa mbai ləm lé am loo-kwa-rɔm ya. Mbata mbai ləm tɔ asəna gə kura lə Ala gə́ dara bèe gə́ njegər loo kɔr kəm né gə́ maji gə né gə́ majel lé. Bèe ɓa maji kar Njesigənea̰, Ala ləi nai səi ya!

2 Samel 14:20

To mba kun ta né neelé pa gə gosee ɓa kura ləi Joab ra ne né neelé gə mbəa. Nɛ mbai ləm tɔ njekəmkàr asəna gə kura lə Ala gə́ dara bèe mba gər ne néje lai gə́ dəs dɔ naŋg nee lé ya.

1 Mbaije 10:1

Mbai gə́ dené gə́ Seba oo ta riɓar gə́ Salomo̰ iŋga gə́ ula rɔnduba dɔ Njesigənea̰’g ndá yeḛ ree gə mba neán gə ta dəjije gə́ to loo-kiya’g koo.

1 Mbaije 10:2

Yeḛ ree Jerusalem gə njédan géeje bula yaa̰ ləm, gə jambalje gə́ d’odo néje gə́ ə̰də sululu gə larlɔr yaa̰ gə jərje gə́ gad dee to yaa̰ ləm tɔ. Yeḛ ree ne rɔ Salomo̰’g ɓa ɔr ne səa sor néje lai gə́ to mée’g tɔ.

1 Mbaije 10:4

Mbai gə́ dené gə́ Seba lé oo ta kəmkàrje lə Salomo̰ lai ləm, gə kəi gə́ yeḛ unda ləm,

1 Mbaije 3:12

aa oo, m’a ra né gə goo ta gə́ teḛ tai’g lé ya. M’a kula ta kəmkàr gə gosonégər məəi’g yaa̰ gə mba kar dəw oo gari gə́ togə́bè kédé nɔḭ’g el ləm, dəw gə́ a kas səi gə́ a korè gooi kara a koo el ləm tɔ.

2 Sôrta Gḭka Israɛlje 9:2

Salomo̰ ila tadəjije’g ləa lai ar né kára kara gə́ Salomo̰ lal kɔr gelee karee lé godo.

Gosota-Kəmkàrje 13:20

Yeḛ gə́ ɔr kura gə njékəmkàrje lé Tel to njekəmkàr tɔ, Nɛ yeḛ gə́ to njeboalookaw lə mbəje lé Iŋga némajel keneŋ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Matiyo 13:11

Jeju tel ila dee keneŋ pana: Seḭ nja, d’ar kəm sí inja mba kar sí gərje ne ta lə ɓeeko̰ gə́ dara gə́ to loo-kiya’g ɓəi, deḛ lé d’ar kəm dee inja dɔ’g el ɓəi.

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

Njé gə́ Kolosə 2:3

Kristi lé ndur kəmkàr ləm, gə gosɔnégərje gə́ gə ria-ria ləm tɔ lé d’ula rɔ dee rəa’g pḛ́.