1 Mbaije 10:1 - Maktub gə́ To gə Kəmee

¹ Mbai gə́ dené gə́ Seba oo ta riɓar gə́ Salomo̰ iŋga gə́ ula rɔnduba dɔ Njesigənea̰’g ndá yeḛ ree gə mba neán gə ta dəjije gə́ to loo-kiya’g koo.

1 Mbaije 10:1 ပူးပေါင်းရင်းမြစ်များ

Gḭ-Néje 10:28

gə Obal, gə Abimael, gə Seba,

Gḭ-Néje 10:7

Ri ŋgalə Kus ɓa nee: Saba, Habila, Sabta, Raema gə Sabteka. Ri ŋgalə Raema ɓa nee: Seba gə Dedan.

Gḭ-Néje 25:3

Joksan oji Seba, gə Dedan. Ŋgalə Dedan to Asurje ləm, gə Letusje ləma, gə Lumje ləm tɔ.

1 Mbaije 10:24

Dəwje lai gə́ dɔ naŋg nee saŋg loo koo Salomo̰ gə mba koo ta kəmkàrje gə́ Ala ula mée’g lé.

1 Mbaije 5:14

Dəwje d’ḭ mbuna ginkoji dəwje gə raŋg’g lai ree gə mba koo ta kəmkàrje lə Salomo̰ ləm, dəwje lə mbaije lai gə́ dɔ naŋg nee gə́ d’oo ta gə́ wɔji dɔ kəmkàr ləa lé deḛ kara ree ləm tɔ.

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Maktub gə́ wɔji dɔ Jɔb 6:19

Njékawrəw’gje gə́ Tema d’orè kəm dee dɔ’g sḭ ləm, Njékawmbáje gə́ Seba kara d’unda meḛ dee yel dɔ’g ləm tɔ.

Pakɔsje 49:4

Tam a teḛ gə ta kəmkàrje kar dee d’oo ləm, Ŋgaw məəm kara takə̰jije gə́ gə goo rəbee ɓa taa loo keneŋ pəl-pəl ləm tɔ.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Pakɔsje 72:15

D’a si kəmba karee ne larlɔr gə́ Seba ləm, D’a ra tamaji mbata ləa ta-ta lal kila ta dee naŋg ləma, D’a tɔr ndu dee dəa’g gə ndɔ dee ndɔ dee ya ləm tɔ.

Esai 60:6

Koso-jambalje gə́ bula digi-digi lé D’a taa ɓee ləi pəl-pəl Gə jambalje gə́ Madian gə Epa, D’a kḭ Seba ɓa ree, D’a kodo larlɔr gə néje gə́ ə̰də sululu ləm, D’a pidi ne Njesigənea̰ dɔ néreaje’g ləm tɔ.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Ejekel 16:14

Rii oso gə loo mbidi-mbidi mbuna ginkoji dəwje gə raŋg’g mbata ma̰də ləi, mbata ma̰də ləi ɔr njal gə mba némajije gə́ n’ɔm rɔi’g n’ari bəndərə ne tar bən lé. Mbaidɔmbaije gə́ Njesigənea̰ ɓa pa bèe.

Ejekel 38:13

Njé gə́ Seba gə Dedan, gə njérab-néje gə́ Tarsis ləm, gə ŋgan toboḭje lə dee ləm tɔ lé d’a dəjii pana: See i ree gə mba kunda sí banrɔ wa. See i mbo̰ bula dəwje ləi mba kodo ne nébanrɔje ləm, gə mba kodo ne larnda gə larlɔr ləma, gə mba kɔr ne koso-nékulje gə némajije ləm tɔ ɓa mba kaw ne gə́ nébanrɔ gə́ boo wa.

Matiyo 12:42

Mbai gə́ dené gə́ si gə́ kel dɔkɔl a kunda loo teḛ gə ginka dəwje gə́ nee na̰’d ndɔ gaŋg-rəwta’g lé ndá yeḛ a kila ta dɔ dee’g mbata yeḛ nja ḭ gwɔi naŋg’d mba koo ta kəmkàr lə Salomo̰. Aa ooje, yeḛ gə́ aar neelé ur dɔ Salomo̰’g.

Matiyo 13:11

Jeju tel ila dee keneŋ pana: Seḭ nja, d’ar kəm sí inja mba kar sí gərje ne ta lə ɓeeko̰ gə́ dara gə́ to loo-kiya’g ɓəi, deḛ lé d’ar kəm dee inja dɔ’g el ɓəi.

Matiyo 13:35

gə mba tɔl ne ta gə́ njéteggintaje pa kédé lé pana: M’a teḛ tam mba pa ne gosotaje ləm, M’a kila mber ta néje gə́ to loo-kiya’g Ndɔ tum gin naŋg nee saar ɓasinè tɔ.

Mark 4:34

Ɓó ula dee ta gə́ lal gosee el, nɛ loo gə́ yeḛ si gə njékwakiláje gə kar dee ba ndá yeḛ teg gintaje lai ar dee d’oo njai.

Lugu 11:31

Mbai gə́ dené gə́ si gə́ kel dɔkɔl lé a kḭ ta gə ginka dəwje gə́ nee na̰’d ndɔ gaŋg-rəwta’g lé ndá yeḛ a kila ta dɔ dee’g mbata yeḛ nja ḭ gwɔi naŋg’d gə mba koo ta kəmkàr lə Salomo̰. Nɛ aa ooje, yeḛ gə́ aar neelé ur dɔ Salomo̰’g ɓəi.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.