1 Mbaije 1:7 - Maktub gə́ To gə Kəmee

⁷ Deḛ gə Joab, ŋgolə Seruja gə Abiatar njekinjanéməs d’o̰ juma̰ na̰’d ləm, d’ɔm səa na̰’d dɔ’g ləm tɔ.

1 Mbaije 1:7 ပူးပေါင်းရင်းမြစ်များ

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

2 Samel 15:35

Sadɔk gə Abiatar, njékinjanéməsje lé d’a nai səi. Ndá taje lai gə́ wɔji dɔ kəi lə mbai gə́ i a koo lé i a kula Sadɔk gə Abiatar tɔ.

2 Samel 20:23

Joab to ɓé-njérɔje lə Israɛlje lai, Benaja, ŋgolə Jeojoda to ɓée Keretje gə Peletje,

2 Samel 20:25

Seja to njendaji-maktub, Sadɔk gə Abiatar to njékinjanéməsje,

2 Samel 8:16

Joab, ŋgolə Seruja to ɓé-njérɔje, Josapat, ŋgolə Ahilud to njegɔl maktub ko̰ɓee,

1 Mbaije 2:22

Mbai Salomo̰ tel ila kea̰je keneŋ pana: See gelee ban ɓa i dəji ne Abisag, ŋgoma̰də gə́ Sunem mba kar Adonija wa. Maji kari dəjim ɓeeko̰ ɓa gə mbata ləa (mbata yeḛ to ŋgokɔm gə́ tɔg) dəjim mbata ləa-yeḛ ləm, gə mbata lə Abiatar, njekinjanéməs ləma, gə mbata lə Joab, ŋgolə Seruja ləm tɔ.

1 Sôrta Gḭka-Israɛlje 11:6

Dabid ula dee kédé pana: Nana ɓa gə́ a kaw kédé tɔl Yebusje ndá yeḛ a to mbai ləm, gə ɓé-njérɔje ləm tɔ. Joab, ŋgolə Seruja ɓa aw kédé aw təd dee rɔ ndá yeḛ tel to gə́ mbai ya tɔ.

1 Sôrta Gḭka-Israɛlje 27:34

goo Ahitopel’g lé Jeojoda, ŋgolə Benaja, gə Abiatar, to njéŋgəm ta kəi-mbaije, Joab to ɓé-njérɔje lə mbai tɔ.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.