1 Mbaije 1:30 - Maktub gə́ To gə Kəmee

³⁰ Togə́bè ɓa ma man rɔm m’ari gə ri Njesigənea̰, Ala lə Israɛlje m’pana: Salomo̰, ŋgoni ɓa a si dɔ kalimbai’g mba ko̰ ne ɓee torm’g, yee ɓa m’a ra togə́bè ɓogənè tɔ.

1 Mbaije 1:30 ပူးပေါင်းရင်းမြစ်များ

1 Mbaije 1:13

Maji kari aw kəi lə mbai Dabid aw ulá pana: Ǝi mbai ləm, see i man rɔi ar kura ləi gə́ dené pana: Ŋgonəm gə́ Salomo̰ ɓa a si dɔ kalimbai’g gə mba ko̰ ne ɓee tori’g lé, see i pa bèe el wa. Ŋga see gelee ban ɓa Adonija ɓa o̰ ɓee wa.

1 Mbaije 1:17

Yeḛ tel ilá keneŋ pana: Mbai ləm, i man rɔi gə ri Njesigənea̰, Ala ləi ar kura ləi gə́ dené, i pana: Ŋgonəm Salomo̰ ɓa a si dɔ kalimbai’g ləi mba ko̰ ne ɓee tori’g, see i pa bèe el wa.

1 Mbaije 2:12

Togə́bè ɓa Salomo̰ si ne dɔ kalimbai’g lə bɔbeeje gə́ Dabid ndá ɓeeko̰ ləa lé to ne njaŋg ya.

1 Sôrta Gḭka-Israɛlje 28:5

Ala am ŋganje bula yaa̰ ndá mbuna ŋganəmje’g lai lé yeḛ mbər ŋgonəm gə́ Salomo̰ ɓa gə mba karee si kalimbai ɓeeko̰’g lə Njesigənea̰ dɔ Israɛlje’g.

1 Sôrta Gḭka-Israɛlje 29:23

Salomo̰ si dɔ kalimbai’g lə Njesigənea̰ to ne mbai tor bɔbeeje Dabid’g. Yeḛ teḛkɔr ləm, Israɛlje lai d’ila koji dəa’g ləm tɔ.

1 Sôrta Gḭka-Israɛlje 29:28

Yeḛ si gə rɔlel ya saar ləb ɓuga’g ləa ɓa wəi ne ar ndɔje gə nébaoje gə rɔnduba d’asee nag-nag ndá ŋgonee Salomo̰ ɓa o̰ ɓee toree’g tɔ.

Njekillamber 8:4

Mbata tapa lə mbai lé To gə́ ta siŋgamoŋ ya. See na̰ ɓa askəm dəjee pana: See ɗi ɓa i aw ra bèe wa.