1 Mbaije 1:23 - Maktub gə́ To gə Kəmee

²³ D’ula mbai pana: Aa oo, Natan, njetegginta ree. Yeḛ aw dɔ mbai’g ndá unda barmba dəb kəmee naŋg nea̰’g.

1 Mbaije 1:23 ပူးပေါင်းရင်းမြစ်များ

1 Piɛrə 2:17

Maji koo dəwje lai gə́ dəwje ləm, undaje ŋgako̰ síje dan kəm sí’g ləm, ɓəlje Ala ləma, gə ulaje mbai dɔ mbai’g ləm tɔ.

Njé gə́ Rɔmə 13:7

Nana kara areeje né gə́ wɔji dəa ya: dəw gə́ to njetaa négədɓee ndá areeje négədɓee ləm, Njétaa nédɔnaŋgje ndá ar deeje nédɔnaŋgje lə dee ləm, deḛ gə́ kəm koso kul no̰ dee’g ndá osoje kul no̰ dee’g ləma, deḛ gə́ kəm kila riɓar dɔ dee’g ndá maji kila riɓar dɔ dee’g ya ləm tɔ.

1 Mbaije 1:16

Bat-Seba unda barmba dəb kəmee naŋg no̰ mbai’g. Ndá mbai lé dəjee pana: See ɗi ɓa i ndigi wa.

1 Mbaije 1:22

Loo gə́ yeḛ aar wɔji ta gə mbai lé bèe-bèe ndá aa oo, njetegginta Natan ree tɔ.

1 Mbaije 1:24

Tɔɓəi Natan dəjee pana: Ǝi mbai ləm, see to i ya ɓa un ndui pana: Adonija ɓa a si dɔ kalimbai’g ləm ko̰ ne ɓee torm’g wa.

1 Samel 20:41

Loo gə́ ŋgon lé ɔd aw mba̰ ndá Dabid ḭ dəb loo gə́ kára gə́ to par gə́ dɔkɔl, tɔɓəi yeḛ oso bəbərə dəb kəmee naŋg naŋg as gɔl munda. Ndá Kuramar-na̰je gə́ joo neelé d’wa na̰ kar na̰’g sud ləm no̰ na̰’d ləm tɔ, nɛ Dabid ɓa no̰ ɓugudu-ɓugudu unda maree ya.