1 Mbaije 1:2 - Maktub gə́ To gə Kəmee

² Kuraje ləa d’ulá pana: Maji kar dee saŋg ŋgoma̰də gə́ gər ŋgaw el d’ar mbai lə sí mba karee la səa ləm, gə ŋgəmee ləma, gə karee to səa na̰’d ləm tɔ, bèe ɓa rɔ mbai lə sí lé a nuŋga ne so ya.

1 Mbaije 1:2 ပူးပေါင်းရင်းမြစ်များ

Gḭ-Néje 16:5

Sarai ula Abram pana: Néra majel ləm gə́ m’ra lé maji karee oso dɔi’g ya. Mbata ma m’ila ɓər ləm gə́ dené lé kaari’g. Loo gə́ yeḛ oo rəa to gə́ aw gə kèm ndá yeḛ oom-ma lé gə́ dəw gə́ əḭ kəmee’g el. Maji kar Njesigənea̰ gaŋgta mbuna sí jeḛ səi’g ya.

2 Samel 12:3

Njendoo lé né kára kara godo jia’g nɛ ma̰də badə gə́ yeḛ ndogee lé ya kára ba. Yeḛ ulee məəi kəi’g ləa aree ra tɔg gə ŋganeeje na̰’d. Yeḛ aree o̰ səa muru ləm, aree ai səa mán mee ŋgo’g ləa ləm, yeḛ toɓi kaaree’g ləma, yeḛ ée asəna gə ŋgonee gə́ dené bèe ləm tɔ.

1 Mbaije 1:1

Mbai Dabid lé ləbee bula yaa̰ aree ɓuga jɔ-jɔ, lé d’ɔm kubuje dəa’g ya kara rəa nuŋga so el.

1 Mbaije 1:3

Deḛ saŋg ŋgoma̰də gə́ ma̰də yaa̰ mee ɓee gə́ Israɛl’g lai ndá d’iŋga Abisag, ŋgoma̰də gə́ Sunem ɓa ree səa rɔ mbai’g lé.

2 Sôrta Gḭka Israɛlje 29:11

Ɓasinè, ŋganəmje, maji kar sí əwje rɔ sí ndoo bao dɔ’g, mbata Njesigənea̰ mbər sí gə mba kar sí aarje nea̰’g raje ne kula ləa ləm, gə mba kar sí toje kuraje ləa ləma, gə mba tuuje néje gə́ ə̰də sululu kaareeje ləm tɔ.

Este 2:2

Yen ŋga deḛ gə́ ra kula mee kəi’g lə mbai lé pana: Maji kar dee saŋg ŋgama̰dje gə́ gər ŋgaw el ɓəi ləm, gə ma̰də yaa̰ ləm tɔ mbata lə mbai lé.

Njekillamber 4:11

Tɔɓəi ɓó lé dəwje gə́ joo lé To na̰’d ndá rɔ dee a nuŋga so ya. Nɛ yeḛ gə́ to gə́ karee ba lé See rəa a nuŋga to gə́ ban wa.

Misee 7:5

Maji kar sí ɔmje meḛ sí dɔ baokuraje’g lə sí el ləm, Ǝsjeta dɔ njékṵda sí dan kəm dee’gje el ləm tɔ. Deḛ gə́ seḭ sə deeje toje mee kəi’g lé Maji kar sí ŋgəmje ta sí no̰ dee’g.

Tel tura Godndu 10:8

Mee ndəa’g neelé Njesigənea̰ ɔr kəm ginkoji Ləbije ɓəd gə mba kar dee d’odo sa̰duk-manrɔ lə Njesigənea̰ ləm, kar dee d’aar ne no̰ Njesigənea̰’g mba ra ne né karee ləma, gə mba kar dee tɔr ne ndu dee dɔ koso-dəwje’g gə ria ləm tɔ, yee ɓa deḛ ra saar teḛ ne ɓogənè ya.

Tel tura Godndu 13:6

Njetegginta əsé njeni neelé d’a tɔlee gə́ tɔl ya mbata yeḛ pata mba kar sí ɔsje ne Ala lə sí gə́ Njesigənea̰ rəw, yeḛ gə́ ar sí undaje loo mee ɓee gə́ Ejiptə teḛje ɔr sí ne kəi-kula-ɓər’g tɔɓəi rəw gə́ Ala lə sí gə́ Njesigənea̰ un ndia gə mba kar sí njaaje keneŋ lé debee neelé ndigi kar sí ubaje ya̰je. Togə́bè ɓa seḭ a kɔrje ne né gə́ majel mbuna sí’g tɔ.