1 Ja̰ 5:16 - Maktub gə́ To gə Kəmee

¹⁶ Ɓó lé dəw kára oo ŋgokea̰ ra kaiya gə́ a gə kɔdee loo-yoo’g el ɓəi ndá maji karee ra tamaji ɓa Ala a kar ŋgokea̰ kəmə lé ya. Deḛ gə́ ra kaiya gə́ ɔd dee loo-yoo’g el ɓəi lé Ala a kar dee kəmə lé ya. Kaiya gə́ ɔd debee gə́ njerea loo-yoo’g lé to keneŋ ya, nɛ ma m’ula sí mba kar sí raje tamaji mbata kaiyaje gə́ togə́bè lé el.

1 Ja̰ 5:16 ပူးပေါင်းရင်းမြစ်များ

Gḭ-Néje 20:17

Abrakam ra tamaji ta Ala’g lé ndá Ala ɔr rɔko̰ rɔ Abimelek’g gə rɔ dené’g ləa gə rɔ ŋganjélookisije’g ləa gə́ dené tɔ ndá yeḛ ar dee tel d’oji ŋganje ŋga.

Gḭ-Néje 20:7

Ɓasinè, maji kari tel gə dené lə diŋgam neelé aree gogo. Mbata yeḛ to njetegginta ndá yeḛ a ra tamaji mbata ləi, tɔɓəi i a si ne kəmba. Nɛ ɓó lé i a tel səa karee el ndá maji kari gər gao to gə́ i a kwəi ləm, i seḭ gə njé’g ləi bura ya ləm tɔ.

Pakɔsje 106:23

Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Teḛ-Raga 34:9

Yeḛ pana: Mbaidɔmbaije, ɓó lé ma m’taa kəmi rəgm ndá ma m’ra ndòo rɔi’g mba kari orè sə sí rəw na̰’d més mbata dəwje neelé to njégwɔbkelkwɔije ya, ar məəi oso lemsé dɔ néra sí gə́ gə goo rəbee’g el ləm, gə dɔ kaiya ra síjeḛ’g ləm tɔ ndá wa sí gə́ rɔi’g gə́ nédɔjije ləi ya.

Jeremi 11:14

Nɛ i Jeremi lé a ra tamaji mbata lə dəwje neelé el ləm, a k’ɔr ndui gə́ tar ra ne ndòo əsé tamaji mbata lə dee el ləm tɔ, mbata loo gə́ d’a no̰ ɓarm gə mba némeeko̰ gə́ ra dee ndá m’a koo ta lə dee el.

Jeremi 14:11

Njesigənea̰ ulam pana: Maji kam m’ra tamaji mbata koso-dəwje neelé el.

Jeremi 7:16

Nɛ i Jeremi lé a ra tamaji mbata lə koso-dəwje neelé el ləm, a kɔr ndui gə́ tar wəl ra ne ndòo əsé tamaji mbata lə dee el ləma, a to tam’g pəgə-pəgə mbata lə dee el ləm tɔ, mbata m’a koo ndui el.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Bula lə Israɛlje 12:13

Moyis no̰ rɔ Njesigənea̰’g pana: Ǝi Ala, ma m’ra ndòo rɔi’g, maji kari ar rəa tel to kari péd-péd ya.

Bula lə Israɛlje 15:30

Nɛ ɓó lé dəw kára, lé’d kojiɓee əsé dəw-dɔ-ɓee ɓa ra né gə́ bɔsɔsɔ unda ne kaaree ndá yeḛ ra bèe ndɔl ne Njesigənea̰, yeḛ neelé d’a kɔree mbuna dəwje’g ləa gə́ kɔr ya.

Lugu 12:10

Nana ɓa gə́ ila ta dɔ Ŋgon-dəw’g lé ndá yeḛ a kar mée ti mbidi dɔ’g ɓəi, nɛ nana ɓa gə́ ila ndɔl dɔ Ndilmeenda’g lé ndá yeḛ a kar mée ti mbidi dɔ’g pai godo.

Tagə́maji gə́ Ja̰ ndang 17:9

Ma m’ra tamaji tai’g mbata lə dee-deḛ nja. Ma m’ra tamaji mbata lə njé gə́ naŋg nee el nɛ mbata deḛ gə́ i am dee lé mbata deḛ lé to kaḭ ya, deḛ to kaḭje nja tɔ.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

1 Ja̰ 5:17

Néra kori-kori gə́ rara kara to gə́ kaiya ya, nɛ kaiya gə́ njekɔd debee loo-yoo’g el lé to keneŋ.

1 Samel 12:19

Yen ŋga koso-dəwje lai d’ula Samel pana: Maji kari ra tamaji ta Njesigənea̰ Ala’g ləi mbata kuraje ləi, gə mba kar sí j’wəije el. Mbata kaiyaje lai gə́ jeḛ n’raje lé jeḛ j’ilaje né gə́ kəm ra el dɔ’g, gə mbata dəji gə́ jeḛ n’dəjije mbai lé.

1 Samel 2:25

Ɓó lé dəw ra kaiya ɔs ne maree rəw ndá Ala a gaŋg rəwta dəa’g ya. Nɛ ɓó lé yeḛ ra kaiya ɔs ne Njesigənea̰ rəw ndá see na̰ ɓa a ra rəwta ləa wa. Nɛ deḛ ndigi koo tapa bɔ deeje lé el mbata Njesigənea̰ ndigi kar dee d’wəi.