1 Ja̰ 5:10 - Maktub gə́ To gə Kəmee

¹⁰ Yeḛ gə́ ɔm mée dɔ Ŋgon-Ala’g ndá ta gə́ Ala teg ne gin Ŋgonee lé to mée’g ya. Yeḛ gə́ ɔm mée dɔ Ala’g el ndá yeḛ unda Ala gə́ njeŋgɔm mbata yeḛ ɔm mée dɔ ta gə́ Ala teggin Ŋgonee lé el tɔ.

1 Ja̰ 5:10 ပူးပေါင်းရင်းမြစ်များ

Maktub gə́ wɔji dɔ Jɔb 24:25

Ɓó lé to togə́bè el ndá see na̰ ɓa a maḭ səm wa. See na̰ ɓa a tel ta ləm karee to ta gə́ kari ba wa.

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Gosota-Kəmkàrje 3:32

Mbata dəwje gə́ njéra né kori-korije lé Njesigənea̰ oo dee gə́ né gə́ mina̰ Nɛ yeḛ to baokura lə dəwje gə́ njéra nédanaje.

Esai 53:1

Ta gə́ d’ɔr d’ula sí lé See na̰ ɓa ɔm mée dɔ’g wa. See na̰ ɓa gər to gə́ ji Njesigənea̰ ɓa ra wa.

Jeremi 15:18

See gelee ban ɓa némeeko̰ ləm Aw gə́ kédé-kédé wa. See gelee ban ɓa doo ləm toom yaa̰, Ndigi kər el ləm tɔ wa. Tɔgərɔ ya i to asəna gə kəm-rəw-mán Gə́ ər dəwje gə́ kər, Gə́ dəw askəm kɔm mée dɔ’g el.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Tagə́maji gə́ Ja̰ ndang 3:18

Dəw gə́ rara ɓa gə́ unda mée dəa’g ndá ta wa dəa el, nɛ nana ɓa gə́ ɔm mée dəa’g el ndá ta wa dəa mba̰ mbata yeḛ unda mée dɔ ri Ŋgon-Ala gə́ gəd-gəd gə́ kára ba kiao lé el.

Tagə́maji gə́ Ja̰ ndang 3:33

Yeḛ gə́ taa ta ləa mba̰ ndá yeḛ ɔr goo taree gəd pana: Ala lé pa kankəmta ya,

Tagə́maji gə́ Ja̰ ndang 5:38

ta ləa kara uru kəi meḛ sí’g el ləm tɔ, mbata yeḛ gə́ yeḛ ulá lé seḭ ɔmje meḛ sí dəa’g el.

Néra Njékaḭkulaje 8:37

Pilibə ilá keneŋ pana: Ɓó lé i ɔm məəi dɔ’g jəb-jəb ndá né gə́ njekɔgi godo. Njekuji tel ulá pana: Ma m’ɔm məəm dɔ’g jəb-jəb to gə́ Jeju Kristi to Ŋgon-Ala ya.

Njé gə́ Rɔmə 8:16

Ndil ɓa oso gin ndil sí’g pana: Jeḛ n’to ŋgan-Alaje ya.

Njé gə́ Galati 4:1

Togə́bè yeḛ gə́ njekwa nénduba lé loo gə́ nai ŋgon gə́ gɔ ɓəi, lé yeḛ to ne gə́ njenéje lai kara yeḛ nai asəna gə ɓər ɓəi.

Njé gə́ Galati 4:6

Ala nja ula Ndil Ŋgonee meḛ sí’g mbata jeḛ n’to ŋganeeje, yee ɓa yeḛ pa gə ndia wəl pana: Aba! Bɔm.

Njé gə́ Kolosə 3:3

Mbata seḭ wəije mba̰ ndá kɔm gə́ seḭ ɔmje na̰’d gə Kristi lé seḭ ulaje kəmə lə sí rɔ Ala’g pḛ́.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

2 Piɛrə 1:19

Yee ɓa, jeḛ j’oo ne ta lə njéteggintaje gə́ pa kédé lé to ne lée’g njaŋg ya. Seḭje kara maji kar sí waje ta neelé dɔɓəŋgərə sí’g bururu ya mbata ta neelé to asəna gə pərŋgel gə́ ndogó loondul’g saar ar loo àr ɓó gə kar duje lookàr inja ne dɔɓəŋgərə sí’g.

1 Ja̰ 1:10

Ɓó lé jeḛ m’pana: Jeḛ n’ra kaiya el ndá jeḛ j’undá gə njeŋgɔm ɓó ta ləa kára kara uba meḛ sí ndag el tɔ.

1 Ja̰ 5:1

Nana ɓa gə́ ɔm mée dɔ Jeju’g ée ne gə́ Kristi ndá debee neelé Ala nja ojee. Tɔɓəi nana ɓa gə́ unda ŋgon neelé dan kəmee’g ndá yeḛ unda njekoji ŋgon lé dan kəmee’g tɔ.

Loo gə́ killa rea kəm Ja̰’g 12:17

Dakɔb lé mée ḭ pu dɔ dené’g ndá yeḛ aw rɔ gə ŋgaka dené lé, deḛ gə́ ra torndu Ala d’aree ɔr rɔd lé ləm, gə deḛ d’ɔr goo ta lə Jeju lé ləm tɔ.

Loo gə́ killa rea kəm Ja̰’g 2:17

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 2:28

Débee neelé m’a karee duje lookàr ya.