1 Ja̰ 4:6 - Maktub gə́ To gə Kəmee

⁶ Jeḛ lé jeḛ n’to gə́ ka̰ Ala, yeḛ gə́ gər Ala lé ndá yeḛ taa ta lə sí ya, nɛ yeḛ gə́ to gə́ ka̰ Ala el ndá yeḛ taa ta lə sí el tɔ. Yee gə́ bèe ɓa jeḛ n’gər ne ndil gə́ ka̰ kankəmta ləm, gə ndil gə́ ka̰ kəsta ləm tɔ.

1 Ja̰ 4:6 ပူးပေါင်းရင်းမြစ်များ

2 Sôrta Gḭka Israɛlje 18:21

M’a teḛ raga ndá m’a to ndil gə́ njetaŋgɔm ta njéteggintaje’g ləa lai ya. Njesigənea̰ ulá pana: I a kəree ya ndá a dumee tɔ. Maji kari teḛ aw ra togə́bè ya.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Ojee 4:12

Koso-dəwje ləm dəji magəje lə dee Gə́ to kagje ba ɓa ta, Tɔɓəi d’ar kag tɔs lə dee ɓa ula dee ta tɔ. Mbata takə̰ji kuba Ala kyá̰ ɓa ar dee ndəm Ndá deḛ d’uba ne Ala lə dee d’yá̰ əw.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Misee 3:8

Nɛ ma lé gə goo ndil Njesigənea̰ ndá Siŋgam to kɔgərɔ-kɔgərɔ, Néra gə́ gə dɔ najee gə siŋgamoŋ taa rɔm pəl-pəl Gə mba karm m’riba ne dɔ néramajel lə Jakobje ləm, Gə kaiya ra Israɛlje ləm tɔ.

Lugu 10:22

Néje lai lé Bɔm ya ɔm dee jim’g yəg ndá dəw kára kara gərm gə́ Ŋgon gə́ bèe lé el nɛ Bɔ-dəwje lé nja kára ba kiao ɓa gərm ya. Dəw kára kara gər Bɔ-dəwje lé gə́ Bɔ-dəwje gə́ bèe lé el to nɛ Ŋgon lé nja kára ba kiao ɓa gəree ləm, dəw gə́ rara gə́ Ŋgon lé ndigi riba səa dəa ɓa a gəree ɓəi ləm tɔ.

Tagə́maji gə́ Ja̰ ndang 10:16

Badje ləm gə́ raŋg d’isi gən nɛ d’aar gə koso-badje’g neelé el. Lé riri kara m’a saŋg dee ree sə dee ɓəi, d’a koo ndum ndá m’a kɔm dee na̰’d sad kar dee tel to koso-badje gə́ kára ba ləm, njekul dee kara a to gə́ kára ba ya ləm tɔ.

Tagə́maji gə́ Ja̰ ndang 10:27

Badje ləm lé d’oo ndum ya. Ma m’gər dee gao ləm, dee kara d’ɔm na̰ goom’g ya ləm tɔ.

Tagə́maji gə́ Ja̰ ndang 10:3

Njeŋgəm takəi lé ɔr aree, tɔɓəi badje lé d’oo ndia tɔ. Yeḛ ɓar badje gə́ to kea̰je lé gə ri dee ri dee ndá yeḛ teḛ sə gə́ raga.

Tagə́maji gə́ Ja̰ ndang 13:20

Ma m’ula sí təsərə, yeḛ gə́ wa dəw gə́ ma m’ulá lé gə́ rəa’g ndá nai gə́ ma nja wam gə́ rəa’g kən tɔɓəi yeḛ gə́ wam gə́ rəa’g ndá nai gə́ njekulam ya wá gə rəa’g kən tɔ.

Tagə́maji gə́ Ja̰ ndang 14:17

Yeḛ nja ɓa to Ndil gə́ gəd gə́ dəwje gə́ dɔ naŋg nee d’askəm kwá meḛ dee’g el mbata deḛ d’ée el ləm, gəree el ləm tɔ. Nɛ seḭ lé seḭ gəreeje mbata yeḛ orè sí més ləm, yeḛ a to meḛ sí’g ləm tɔ.

Tagə́maji gə́ Ja̰ ndang 15:26

Loo gə́ njenai sə sí gə́ to Ndil gə́ gəd gə́ m’a kulá karee ḭ rɔ Bɔ-dəwje’g ree lé ndá yeḛ ɓa a to njekɔrgoota ləm gə́ maji ya.

Tagə́maji gə́ Ja̰ ndang 16:13

Loo gə́ njenai sə sí, yeḛ gə́ to Ndil gə́ gəd lé a ree ndá yeḛ a kɔr no̰ sí dan kankəmta’g, mbata yeḛ a kula sí ta gə́ mbaiyee kea̰ el, nɛ taje lai gə́ yeḛ oo lé ɓa yeḛ a kula sí ləm, yeḛ a riba sə sí dɔ néje gə́ d’a gə ree lé ləm tɔ.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Tagə́maji gə́ Ja̰ ndang 20:21

Jeju ula dee gɔl kára tɔɓəi pana: Maji kar sí sije gə meekulɔm. To gə́ Bɔm ulam-ma lé ma kara m’ula sí-seḭ togə́bè tɔ.

Tagə́maji gə́ Ja̰ ndang 8:19

Deḛ dəjee pana: Bɔbije lé see si ra ɓəi wa. Jeju tel ila dee keneŋ pana: Seḭ gərmje ma el ləm, Bɔm lé kara seḭ gəreeje el ləm tɔ. Ɓó lé seḭ gərmje ndá seḭ a gərje Bɔm lé nja tɔ.

Tagə́maji gə́ Ja̰ ndang 8:23

Ndá yeḛ ila dee keneŋ pana: Seḭje lé seḭ toje dəwje gə́ naŋg nee, nɛ ma lé m’to gə́ tar. Seḭ toje dəwje gə́ ka̰ naŋg nee, nɛ ma lé m’to gə́ dɔ naŋg nee el.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 11:8

tɔ gə goo ta gə́ ndaŋg mee maktub gə́ to gə kəmee lé pana: Ala ar ndil dee ndəb keneŋ jèr el ləm, ar kəm dee oo loo el ləma ar, mbi dee kara oo el ləm tɔ saar ɓasinè.

1 Njé gə́ Kɔrḭtə 14:37

Ɓó lé dəw kára la̰ji mée’g pana: Neḛ n’to njetegginta əsé neḛ n’to gə́ dəw gə́ Ndil ula ta mee neḛ’g ndá maji karee gər gao to gə́ ta gə́ ma m’ndaŋg m’ar sí lé to torndu Mbaidɔmbaije ya.

2 Njé gə́ Kɔrḭtə 10:7

Gir né gə́ raga gə́ seḭ ooje puduru ba lé see to né mba̰ wa. Ɓó lé dəw kára ə̰ji ta mée’g pana: Neḛ n’to ka̰ Kristi ndá maji karee oo gao to gə́ jeḛ kara jeḛ n’to ka̰ Kristi tɔ.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

2 Piɛrə 3:2

mba kar sí arje meḛ sí olé ne dɔ ta gə́ njéteggintaje gə́ to njémeendaje lé pa kédé ləm, gə dɔ godndu Mbaidɔmbaije gə́ Njekaji sí gə́ njékaḭkulaje lə sí ndoo sí lé ləm tɔ.

1 Ja̰ 4:1

Seḭ gə́ m’unda sí dan kəm’g lé ɔmje meḛ sí dɔ ndilje’g lai el, nɛ aḭje meḛ ndilje gə mba koo see d’ḭ rɔ Ala’g ya wa. Mbata njéteggintaje gə́ ŋgɔm bula d’unda loo teḛ mbuna dəwje’g dɔ naŋg nee.

1 Ja̰ 4:4

Ŋganəmje, seḭ lé seḭ toje ka̰ Ala ləm, seḭ dumje njéteggintaje gə́ ŋgɔm neelé ləm tɔ mbata yeḛ gə́ to meḛ sí’g lé ur dɔ yeḛ gə́ sí meḛ dəwje gə́ dɔ naŋg nee.

1 Ja̰ 4:8

Ɓó lé meenoji godo meḛ sí’g ndá Ala lé kara godo meḛ sí’g to mbata Ala to gə́ darɔ meenoji ya.

1 Ja̰ 5:19

Jeḛ n’gər gao, jeḛ lé n’to gə́ ka̰ Ala ləm, loo gə́ naŋg nee bura nai gel siŋgamoŋ lə njetakori’g ləm tɔ.

Jude 1:17

Nɛ seḭ gə́ m’unda sí dan kəm’g lé arje meḛ sí olé dɔ néje gə́ njékaḭkulaje lə Mbaidɔmbaije Jeju Kristi pa taree d’ula sí kédé lé.