1 Ja̰ 4:5 - Maktub gə́ To gə Kəmee

⁵ Deḛ to gə́ dɔ naŋg nee ya, gelee gə́ nee ɓa, deḛ pa ne tapa njé gə́ dɔ naŋg nee ndá njé gə́ dɔ naŋg nee kara taa ne ta lə dee tɔ.

1 Ja̰ 4:5 ပူးပေါင်းရင်းမြစ်များ

Pakɔsje 17:4

Loo gə́ ma m’oo néra dəwje Gə́ to majikojije dɔ ta gə́ teḛ tai’g ndá M’ɔg rɔm dɔ rəw-kaw njéra né kərm-kərmje’g.

Jeremi 29:8

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Maji kar sí ya̰je loo arje njéteggintaje lə sí, gə njénékooje lə sí gə́ d’isi mbuna sí’g lé su kəm sí el. Ɔmje meḛ sí dɔ njekɔr gel nije gə́ d’aw d’ɔr gel nije lə sí lé el ləm tɔ.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

Tagə́maji gə́ Ja̰ ndang 17:14

Ma m’un ta ləi m’ar dee, ndá njé gə́ dɔ naŋg nee d’wa dee gə meḛ dee mbata deḛ to gə́ ka̰ naŋg nee el, to gə́ ma kara m’to gə́ naŋg nee el lé tɔ.

Tagə́maji gə́ Ja̰ ndang 17:16

Deḛ to ka̰ naŋg nee el to gə́ ma kara m’to ka̰ naŋg nee el tɔ.

Tagə́maji gə́ Ja̰ ndang 3:31

Yeḛ gə́ ḭ tar ree lé ur dɔ dəwje’g lai ya, yeḛ gə́ dɔ naŋg nee lé to ka̰ naŋg nee ləm, yeḛ pata néje gə́ wɔji dɔ naŋg nee ləm tɔ. Nɛ yeḛ gə́ ḭ dara ree lé ur dɔ dee’g lai ya.

Tagə́maji gə́ Ja̰ ndang 8:23

Ndá yeḛ ila dee keneŋ pana: Seḭje lé seḭ toje dəwje gə́ naŋg nee, nɛ ma lé m’to gə́ tar. Seḭ toje dəwje gə́ ka̰ naŋg nee, nɛ ma lé m’to gə́ dɔ naŋg nee el.

2 Timote 4:3

Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.