1 Ja̰ 4:18 - Maktub gə́ To gə Kəmee

¹⁸ Meenoji lé ɓəl godo lée’g nɛ meenoji gə́ ɔr dɔ lé sané ɓəl kad. Mbata bo̰ néra dəw gə́ a gə kɔs təa’g lé ɓa aree ɓəl ne ndá yeḛ gə́ ɓəl lé to mbata meenoji ɔr dɔ mée’g el.

1 Ja̰ 4:18 ပူးပေါင်းရင်းမြစ်များ

Maktub gə́ wɔji dɔ Jɔb 15:21

Kaa néɓəl ɓar oso mbia’g ləm, Loo gə́ yeḛ si dan meelɔm’g kara njetujiloo ree ur dəa’g ya ləm tɔ.

Pakɔsje 119:120

Ɓəl gə́ i ula məəm’g lé undam badə gaŋgm, Rəwta-gaŋgje ləi kara d’am m’ɓəl yaa̰ tɔ.

Pakɔsje 73:19

Kwii! léegəneeya deḛ tuji pugudu! Né gə́ to ɓəl gə́ a tuji dee ləm, Kar dee godo ləm tɔ lé uba dee naŋg bus!

Matiyo 9:34

Nɛ Parisiḛje pana: Mbɔl dɔ mbai lə ndilje gə́ majel ɓa Jeju tuba ne ndilje gə́ majel meḛ dəwje’g.

Njé gə́ Rɔmə 8:15

Seḭ taaje ndil ka̰ ɓər gə mba si ne dan ɓəl’g el, nɛ seḭ taaje Ndil gə́ ka̰ ŋgon-ɓaa, yee ɓa jeḛ j’ila ne ndu sí naŋg wəl m’pana: Aba! Bai!

2 Timote 1:7

Mbata ndil gə́ Ala ar sí lé to ka̰ siŋgamoŋ ləm, to ka̰ meenoji ləma, to ka̰ kəmkàr ləm tɔ ɓó to ka̰ ɓəl el.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

Maktub gə́ Jak ula ne ar ngan-Allaje 2:19

I ə̰ji məəi’g pana: Ala kára ba kiao, yee ɓa i ra maji, nɛ ndilje gə́ majel kara d’ə̰ji meḛ dee’g togə́bè tɔ ndá dee ndəb ne pəd-pəd.

1 Ja̰ 4:12

Dəw kára kara oo Ala nda̰ bèe el, ɓó lé jeḛ j’unda na̰ dan kəm na̰’d ndá Ala kara nai meḛ sí’g ləm, meenoji ləa kara ɔr dɔ meḛ sí’g ləm tɔ.