1 Ja̰ 4:10 - Maktub gə́ To gə Kəmee

¹⁰ Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.

1 Ja̰ 4:10 ပူးပေါင်းရင်းမြစ်များ

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Tagə́maji gə́ Ja̰ ndang 13:34

Godndu gə́ sigi ɓa m’pa m’ar sí nee: Undaje na̰ dan kəm na̰’d, to gə́ ma m’unda sí dan kəm’g lé maji kar sí-seḭ kara undaje na̰ dan kəm na̰’d togə́bè tɔ.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Tagə́maji gə́ Ja̰ ndang 6:51

Ma lé m’to muru ko̰ gə́ dəw a si ne gə kəmə gə́ ḭ dara lé. Ɓó lé nana ɓa o̰ muree neelé ndá a si ne kəmba gə no̰ ya ndá muru gə́ m’a karee lé to gə́ darɔm gə́ m’a kar njé gə́ naŋg nee d’isi ne gə kəmə lé ya.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.

1 Ja̰ 3:1

Aa ooje, Bɔ-dəwje lé ndigi sí gə mée gə́ ɔr jol-jol ɓa gə mba kar dee ɓar sí ne ŋgan-Alaje. Tɔgərɔ jeḛ n’to gə́ ŋganeeje ya. Ɓó lé dəwje gə́ dɔ naŋg nee gər sí gə́ ŋganeeje el ndá to mbata deḛ gəree-yeḛ el tɔ.

1 Ja̰ 4:19

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.

1 Ja̰ 5:11

Aa ooje, ta gə́ yeḛ tegginee lé ɓa to nee ya: Ala nja ar sí kəmə gə́ gə no̰ lé. Kəmə gə́ gə no̰ lé to gə́ ɓee lə Ŋgonee ya.