1 Ja̰ 3:23 - Maktub gə́ To gə Kəmee

²³ Godndia gə́ yeḛ un ar sí ɓa nee: To mba kar sí j’ɔm meḛ sí dɔ ri Ŋgonee Jeju Kristi’g ləm, kar sí j’unda na̰ dan kəm na̰’d gə goo godndu gə́ yeḛ un ar sí lé ləm tɔ.

1 Ja̰ 3:23 ပူးပေါင်းရင်းမြစ်များ

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Matiyo 22:39

Aa oo, yeḛ gə́ njekɔm’g joo lé as səa tɔ. I a kunda mari dan kəmi’g to gə́ i ra gə darɔi bèe tɔ.

Mark 9:7

Yen ŋga mum ree liriri dəb dɔ dee’g rigim, tɔɓəi ndu dəw ɓar mee mum’g wəl pana: Yeḛ gə́ aar neelé to gə́ ŋgonəm gə́ m’undá dan kəm’g ya. Maji kar sí ooje ta təa’g ya.

Tagə́maji gə́ Ja̰ ndang 1:12

Nɛ dəwje gə́ rara ɓa gə́ d’wá gə́ rɔ dee’g d’unda meḛ dee dɔ ria’g ndá yeḛ nja ar dee siŋgá gə mba kar dee tel to ne ŋgan-Alaje.

Tagə́maji gə́ Ja̰ ndang 13:34

Godndu gə́ sigi ɓa m’pa m’ar sí nee: Undaje na̰ dan kəm na̰’d, to gə́ ma m’unda sí dan kəm’g lé maji kar sí-seḭ kara undaje na̰ dan kəm na̰’d togə́bè tɔ.

Tagə́maji gə́ Ja̰ ndang 14:1

Maji kar meḛ sí pélé wəs-wəs dɔ rɔ sí’g el. Ɔmje meḛ sí dɔ Ala’g lé ləm, ɔmje meḛ sí dɔm-ma’g ləm tɔ.

Tagə́maji gə́ Ja̰ ndang 15:12

Godndum lé ɓa to nee: Undaje na̰ dan kəm na̰’d to gə́ ma m’unda sí dan kəm’g tɔ.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Tagə́maji gə́ Ja̰ ndang 2:23

Loo gə́ Jeju si Jerusalem ra sə dee naḭ Pag keneŋ lé ndá dəwje bula d’ɔm meḛ dee dɔ ria’g mbata némɔrije gə́ yeḛ ra ar dee d’oo lé.

Tagə́maji gə́ Ja̰ ndang 3:18

Dəw gə́ rara ɓa gə́ unda mée dəa’g ndá ta wa dəa el, nɛ nana ɓa gə́ ɔm mée dəa’g el ndá ta wa dəa mba̰ mbata yeḛ unda mée dɔ ri Ŋgon-Ala gə́ gəd-gəd gə́ kára ba kiao lé el.

Tagə́maji gə́ Ja̰ ndang 6:29

Jeju ila dee keneŋ pana: Kula lə Ala lé ɓa to mba kar sí ɔmje meḛ sí dɔ yeḛ gə́ Ala ulá’g lé ɓa.

Néra Njékaḭkulaje 16:31

Pool gə Silas d’ilá keneŋ pana: Ɔm məəi dɔ Mbaidɔmbaije Jeju’g lé ndá i a kaji ne, i gə njémeekəije ləi bura ya.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

1 Njé gə́ Tesalonikə 4:9

Ta gə́ wɔji dɔ kunda ŋgako̰ síje dan kəm sí’g lé to né gə́ seḭ awje ndòo maktubee el, mbata Ala nja ndoo sí ar sí gərje loo kunda na̰ dan kəm na̰’d mba̰ ya.

1 Timote 1:15

Ta neelé to ta gə́ gəd ya ləm, to ta gə́ kəm kar nana kara taa ɔm mée dɔ’g jəb-jəb ləm tɔ: Jeju Kristi ree naŋg nee mba kaji njékaiyaje, nɛ ma nja m’to gə́ doŋgɔr lə dee.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 4:8

Ta gə́ ur dɔ taje lai lé: Undaje na̰ dan kəm na̰’d gə meenda londoŋ mbata meenoji lé ɔn dɔ kaiyaje bula.

1 Ja̰ 2:7

Seḭ gə́ m’unda sí dan kəm’g lé godndu gə́ m’ndaŋg m’ar sí lé to yee gə́ ləw ɓó to yee gə́ sigi ɓa el. To godndu gə́ ləw gə́ seḭ taaje gə́ dɔtar ləm, to ta gə́ seḭ ooje mba̰ ləm tɔ.

1 Ja̰ 3:11

Tɔgərɔ ya, ta gə́ deḛ d’unda kunda d’ar sí kédé gə́ dɔtar saar ɓasinè gə́ seḭ ooje taree mba̰ lé to mba kar sí j’undaje na̰ dan kəm na̰’d.

1 Ja̰ 4:15

Yeḛ gə́ təa teḛ pana: Jeju to Ŋgon-Ala lé ndá Ala nai mée’g ləm, yeḛ kara nai mee Ala’g ləm tɔ.

1 Ja̰ 4:21

Godndu gə́ yeḛ nja un ar sí ɓa nee: Yeḛ gə́ unda Ala dan kəmee’g lé maji karee unda ŋgokea̰ dan kəmee’g nja tɔ.

1 Ja̰ 5:13

Ma m’ndaŋg ta néje neelé m’ar sí-seḭ gə́ ɔmje meḛ sí dɔ Ŋgon-Ala’g mba kar sí gərje gao, kəmə gə́ gə no̰ lé seḭ toje njeaje-je mba̰ ya.