1 Ja̰ 3:1 - Maktub gə́ To gə Kəmee

¹ Aa ooje, Bɔ-dəwje lé ndigi sí gə mée gə́ ɔr jol-jol ɓa gə mba kar dee ɓar sí ne ŋgan-Alaje. Tɔgərɔ jeḛ n’to gə́ ŋganeeje ya. Ɓó lé dəwje gə́ dɔ naŋg nee gər sí gə́ ŋganeeje el ndá to mbata deḛ gəree-yeḛ el tɔ.

1 Ja̰ 3:1 ပူးပေါင်းရင်းမြစ်များ

2 Samel 7:19

Yee gə́ nee to né gə́ lam ba bèe kəmi-i Mbaidɔmbaije gə́ Njesigənea̰’g nɛ i pata gə́ wɔji dɔ ŋgaka kura ləi mbata ndɔje gə́ d’aw ree ɓəi tɔ. See i a kar dəw oo néje neelé wa, Njesigənea̰ Mbaidɔmbaije!

Pakɔsje 31:19

Maji kar deḛ gə́ pa taŋgɔm lé Tel to njégwɔskuduje ya Mbata deḛ pata kəgəgə-kəgəgə d’ɔs ne njemeekarabasur lé rəw, Deḛ ti ne rɔ dee mugugu-mugugu ləm, D’ə̰jee ne bəḭ-bəḭ ləm tɔ.

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Lugu 20:36

Yoo a ɓar ri dee el ŋga mbata d’a to kasəna gə kuraje gə́ dara ləm, d’a to ŋgan-Alaje mbata to gə́ deḛ to ne ŋgan njéteḛ loo-yoo’gje ləm tɔ.

Tagə́maji gə́ Ja̰ ndang 1:12

Nɛ dəwje gə́ rara ɓa gə́ d’wá gə́ rɔ dee’g d’unda meḛ dee dɔ ria’g ndá yeḛ nja ar dee siŋgá gə mba kar dee tel to ne ŋgan-Alaje.

Tagə́maji gə́ Ja̰ ndang 11:52

Nɛ to mbata gin ɓee lə dee ɓa gə karee el, nɛ yeḛ a kwəi gə mba mbo̰ ŋgan-Alaje gə́ sanéna̰ kad-kad lé mba kar dee to darɔ gə́ kára ba.

Tagə́maji gə́ Ja̰ ndang 15:21

Nɛ d’a ra sə sí néje lai togə́bè mbata lə rim-ma lé nja mbata deḛ gər yeḛ gə́ njekulam lé el.

Tagə́maji gə́ Ja̰ ndang 16:3

D’a ra togə́bè mbata deḛ gər Bɔ-dəwje lé el ləm, deḛ gərm-ma lé el ləm tɔ.

Tagə́maji gə́ Ja̰ ndang 17:25

Bɔm gə́ njemeekarabasur, njé gə́ naŋg neelé deḛ gəri el, nɛ ma ɓa m’gəri gao ya, tɔɓəi deḛje neelé deḛ gər gao to gə́ i ɓa gə́ njekulam lé nja.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Njé gə́ Rɔmə 8:19

Yee ɓa nékundaje lə Ala lai ŋgina ndɔ kila rɔ lə ŋgan-Alaje lé kərm.

Njé gə́ Rɔmə 8:21

Deḛ d’unda meḛ dee yel ŋgina ne ndɔ gə́ d’a kɔr dɔ dee kúla ji ɓər gə́ kó dee tɔ ne ká-ká lé mba nduba ne rɔ dee raŋg-raŋg gə ŋgan-Alaje na̰’d.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

2 Njé gə́ Kɔrḭtə 6:18

N’a kwa sí gə́ rɔ neḛ’g, n’a to bɔ síje ləm, Seḭ a toje ŋgan neḛje gə́ diŋgam gə njé gə́ dené ləm tɔ Mbaidɔmbaije gə́ njesiŋgamoŋ ɓa pa bèe.

Njé gə́ Galati 3:26

Mbata meekun gə́ seḭ unje arje Jeju Kristi lé ɓa seḭ lai toje ne ŋgan-Alaje ya.

Njé gə́ Galati 3:29

Ɓó lé seḭ toje gə́ ka̰ Kristi ndá seḭ toje ŋgaka Abrakam ləm, seḭ a toje njékiŋga nédɔjije gə goo ndukun gə́ un aree lé ləm tɔ.

Tel tura Godndu 14:1

Seḭ toje ŋgalə Ala lə sí gə́ Njesigənea̰. Seḭ a tḭjaje rɔ sí pədərə-pədərə əsé a ndisaje dɔ sí ŋgori-ŋgori gə mbata lə kəmndooyoo el.

Njé gə́ Kolosə 3:3

Mbata seḭ wəije mba̰ ndá kɔm gə́ seḭ ɔmje na̰’d gə Kristi lé seḭ ulaje kəmə lə sí rɔ Ala’g pḛ́.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

1 Ja̰ 4:17

To gə́ yeḛ to dəw gə́ bèe lé ndá maji kar síjeḛ kara n’toje gə́ dəwje gə́ bèe dɔ naŋg neelé tɔ, yee ɓa meenoji lé a kɔr ne dɔ meḛ sí’g mba kar sí j’aar ne nea̰’g ndɔ gaŋg-rəwta’g lé gə meendakaḭ ɓó gə kaar gəd el.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.