1 Ja̰ 2:8 - Maktub gə́ To gə Kəmee

⁸ Nɛ godndu gə́ sigi gə́ ma m’ndaŋg m’ar sí lé to yee gə́ sigi ya ɓəi, to tɔgərɔ mée-yeḛ’g ləm, gə meḛ sí-seḭ’g ləm tɔ, mbata loondul sané kad ar lookàr gə́ gəd inja bərəŋ mba̰.

1 Ja̰ 2:8 ပူးပေါင်းရင်းမြစ်များ

Pakɔsje 27:1

Pakɔs lə Dabid Njesigənea̰ lé to lookàr ləm ləm, gə kaji ləm ləm tɔ, Ŋga see na̰ ɓa m’a ɓəlee tɔɓəi wa. Njesigənea̰ lé to gə́ négəd rɔ dɔ’g ləm, Ŋga see na̰ ɓa m’a ndəb pəd-pəd nea̰’g wa.

Pakɔsje 36:9

Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Esai 9:2

I ar bula lə koso-dəwje ḭ dɔ maree’d gə́ kédé-kédé ləm, I ar dee boo-rɔlelje ləm tɔ, Deḛ ra ne rɔlel nɔḭ’g To gə́ ra ne rɔlel naḭ kinja kó’g bèe ləm, To gə́ d’al ne rɔ dee loo-kai-na̰ nébanrɔ’g bèe ləm tɔ.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Lugu 1:79

Mba ndogó dɔ dəwje gə́ d’isi loo gə́ ndul njudu-njudu’g Gə d’isi loo gə́ ndil yoo dəb dɔ dee’g bigim ləm, Mba kar sí j’oo loo kila gɔl sí rəw meekulɔm’g lé ləm tɔ.

Tagə́maji gə́ Ja̰ ndang 1:9

Lookàr lé ɓa to lookàr gə́ gəd gə́ ar loo inja ne kəm dəw gə́ rara gə́ d’ojee dɔ naŋg nee.

Tagə́maji gə́ Ja̰ ndang 12:35

Jeju ila dee keneŋ pana: Lookàr lé nai sə sí waga bəl ɓəi. Njaaje awje gə goo kàr gə mba kar loondul dəb dɔ sí’g gə rəw el. Dəw gə́ njaa dan loondul gə́ ndul njudu-njudu’g lé yeḛ gər loo gə́ yeḛ si aw gə́ keneŋ el.

Tagə́maji gə́ Ja̰ ndang 12:46

M’ree dɔ naŋg nee asəna gə lookàr mba kar nana ɓa gə́ ɔm mée dɔm’g ndá a nai dan loondul’g el.

Tagə́maji gə́ Ja̰ ndang 13:34

Godndu gə́ sigi ɓa m’pa m’ar sí nee: Undaje na̰ dan kəm na̰’d, to gə́ ma m’unda sí dan kəm’g lé maji kar sí-seḭ kara undaje na̰ dan kəm na̰’d togə́bè tɔ.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

Néra Njékaḭkulaje 17:30

Ndɔ gə́ dəwje d’isi dɔ mbə’g lé Ala un kəmee dɔ’g rəw. Nɛ ɓasinè yeḛ ila mber ar dəwje lai-lai gə́ d’isi gə loo gə́ rara kara mba kar dee d’wa ndòo rɔ dee dɔ kaiya’g,

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Njé gə́ Rɔmə 13:12

Loondul si sané ar ta lookàr nai dəb ŋga. Bèe ndá ar sí n’juraje néraje lə loondul lé rɔ sí’g gə́ gogo, j’ya̰je j’odoje néraje lə lookàr j’ɔmje rɔ sí’g tɔ.

2 Njé gə́ Kɔrḭtə 8:9

Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.

Njé gə́ Epesə 5:8

Kédé lé seḭ toje gə́ ka̰ loondul, nɛ ɓasinè seḭ ɔmje na̰’d gə Mbaidɔmbaije toje ne ka̰ lookàr ya. Bèe ndá njaaje asəna gə ŋgan lookàrje.

2 Timote 1:10

Nɛ yeḛ riba dɔ noji neelé ɓasinè ar sí loo gə́ yeḛ ar Jeju Kristi Mbaikaji lə sí ree ləm, aree ila ne tuji dɔ yoo’g ləma, ar kəm dəwje inja dɔ kəmə’g gə dɔ kankəmrɔ dee gə́ a to gə no̰ gə goo Tagə́maji ləm tɔ.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

1 Ja̰ 3:23

Godndia gə́ yeḛ un ar sí ɓa nee: To mba kar sí j’ɔm meḛ sí dɔ ri Ŋgonee Jeju Kristi’g ləm, kar sí j’unda na̰ dan kəm na̰’d gə goo godndu gə́ yeḛ un ar sí lé ləm tɔ.

1 Ja̰ 4:11

Seḭ gə́ m’unda sí dan kəm’g lé ɓó lé Ala unda sí dan kəmee’g togə́bè ndá ar sí j’undaje na̰ dan kəm na̰’d togə́bè tɔ.

1 Ja̰ 4:21

Godndu gə́ yeḛ nja un ar sí ɓa nee: Yeḛ gə́ unda Ala dan kəmee’g lé maji karee unda ŋgokea̰ dan kəmee’g nja tɔ.