1 Ja̰ 2:6 - Maktub gə́ To gə Kəmee

⁶ Yeḛ gə́ pana: Neḛ nai səa ndá maji karee un panjaa ləa-yeḛ lé lad tɔ.

1 Ja̰ 2:6 ပူးပေါင်းရင်းမြစ်များ

Pakɔsje 85:13

Njesigənea̰ nja ɓa ar sí j’isi dan maji’g, Bèe ɓa dɔ naŋg lə sí a kinja gə kandə néje ya.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Tagə́maji gə́ Ja̰ ndang 13:15

Ma nja m’wɔji lé m’ar sí gə mba kar néra sí wa bua kama ya.

Tagə́maji gə́ Ja̰ ndang 15:10

Ɓó lé seḭ aaje dɔ godndum kər-kər ndá seḭ a naije dan kəm’g ya to gə́ ma kara m’aa dɔ godndu Bɔm kər-kər ɓa m’nai ne dan kəmee’g bèe tɔ.

1 Njé gə́ Kɔrḭtə 11:1

Ndajije kəm to gə́ ma kara ma m’ndaji ne kəm Kristi bèe tɔ.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

1 Piɛrə 2:21

Yee ɓa deḛ ɓar sí ne gə mbəa mbata Kristi lé ai mée sam-sam dan némeeko̰’g gə́ rəa mbata lə sí mba kar néra sí wa bua kea̰-yeḛ nja tɔ.

1 Ja̰ 2:28

Ɓasinè lé ŋganəmje, maji kar sí naije səa ya mba kar loo gə́ yeḛ a teḛ təsərə ndá j’a kaarje nea̰’g gə meendakaḭ ɓó rɔ sí a kul el ləm, mba kar loo gə́ yeḛ a ree lé yeḛ a kuba sí kya̰ sí gə goo ŋgalee el ləm tɔ.

1 Ja̰ 2:4

Yeḛ gə́ pana: Neḛ n’gəree, nɛ yeḛ aa dɔ torndia kər-kər el ndá yeḛ to gə́ njeŋgɔm, kankəmta gə́ tḛ́-tḛ́ bèe kara uba mée təb el.

1 Ja̰ 3:24

Yeḛ gə́ aa dɔ godndiaje kər-kər ndá yeḛ naḭ gin Ala’g ləm, ala kara naḭ mée’g ləm tɔ. Ndil gə́ yeḛ aree to meḛ sí’g lé ar sí n’gər gao to gə́ yeḛ naḭ meḛ sí’g ya.

1 Ja̰ 3:6

Nana ɓa gə́ nai səa ndá yeḛ ra kaiya el. Nana ɓa gə́ ra kaiya ndá yeḛ ée el ləm, yeḛ gəree el ləm tɔ.

1 Ja̰ 4:17

To gə́ yeḛ to dəw gə́ bèe lé ndá maji kar síjeḛ kara n’toje gə́ dəwje gə́ bèe dɔ naŋg neelé tɔ, yee ɓa meenoji lé a kɔr ne dɔ meḛ sí’g mba kar sí j’aar ne nea̰’g ndɔ gaŋg-rəwta’g lé gə meendakaḭ ɓó gə kaar gəd el.