1 Ja̰ 2:5 - Maktub gə́ To gə Kəmee

⁵ Nɛ yeḛ gə́ njekaa dɔ ta ləa kər-kər lé ɓa meenoji lə Ala ɔr njal mée’g, tɔgərɔ ya. Yee ɓa jeḛ n’gər gao jeḛ nai səa ya.

1 Ja̰ 2:5 ပူးပေါင်းရင်းမြစ်များ

Pakɔsje 105:45

Gə mba kar dee tɔs ne kəm dee bao-bao dɔ ndukunje’g ləa lé ləm, Gə mba kar dee d’aa ne dɔ godndiaje kər-kər ləm tɔ. Pidije Njesigənea̰.

Pakɔsje 106:3

Rɔlel nai Gə deḛ gə́ d’aa dɔ godndiaje’g kər-kər ləm, Gə ra né gə dɔ najee ta-ta lé ləm tɔ.

Pakɔsje 119:146

Ma m’ɓar rii, bèe ndá maji kari ajim Gə mba karm m’aa ne dɔ tornduije gə́ i wɔji lé.

Pakɔsje 119:2

Rɔlel nai gə deḛ gə́ d’aa dɔ torndiaje kər-kər Saŋgee ne gə ŋgaw meḛ dee bura ya ləm,

Pakɔsje 119:4

I nja un ndukunje ləi lé Mba kar dee tɔs kəm dee dɔ’g bao-bao.

Gosota-Kəmkàrje 28:7

Yeḛ gə́ aa dɔ godndu kər-kər lé to ŋgon gə́ njegosonégər, Nɛ yeḛ gə́ ɔr kura gə njembula nésɔje lé ila rɔkul dɔ bɔbeeje’g.

Gosota-Kəmkàrje 8:32

Bèe ɓa ɓasinè lé ŋganəmje, Ooje ta ləm, Deḛ gə́ d’aa dɔ rəw-kabmje lé Rɔlel nai sə dee ya!

Njekillamber 8:5

Yeḛ gə́ aa dɔ torndu kər-kər lé A gər né gə́ majel el ləm, Njekəmkàr lé mée gər Dɔ kurloo ləm gə rəwta-gaŋg ləm tɔ.

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Tagə́maji gə́ Ja̰ ndang 14:21

Yeḛ gə́ si gə godndumje ɓa aa dɔ dee kər-kər lé ndá yeḛ to gə́ njekṵdam dan kəmee’g ya, yeḛ gə́ to gə́ njekṵdam dan kəmee’g lé Bɔm a kundá dan kəmee’g ya ləm, ma kara m’a kundá dan kəm’g ya ləm tɔ ndá m’a riba səa dɔ rɔm təsərə ya.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tagə́maji gə́ Ja̰ ndang 15:5

Ma m’to rɔ nduú, nɛ seḭ toje gə́ barkəmje. Yeḛ gə́ rara ɓa gə́ nam kaarm’g am m’nai səa ndá yeḛ andə yaa̰, mbata ɓó lé ma m’godo rɔ sí’g ndá seḭ a kasje kəm raje né kára kara gə dɔrɔ sí el.

Tagə́maji gə́ Ja̰ ndang 6:56

Yeḛ gə́ sɔ darɔm ləm, gə ai məsm lé ləm tɔ ndá yeḛ uru məəm’g ləm, ma kara m’uru mée’g ləm tɔ.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Maktub gə́ Jak ula ne ar ngan-Allaje 2:22

I oo gao, meekun ləa orè na̰’d més gə né gə́ yeḛ ra ndá goo nérea ɓa meekun ləa ɔr ne dɔ njal ya.

1 Ja̰ 3:24

Yeḛ gə́ aa dɔ godndiaje kər-kər ndá yeḛ naḭ gin Ala’g ləm, ala kara naḭ mée’g ləm tɔ. Ndil gə́ yeḛ aree to meḛ sí’g lé ar sí n’gər gao to gə́ yeḛ naḭ meḛ sí’g ya.

1 Ja̰ 4:17

To gə́ yeḛ to dəw gə́ bèe lé ndá maji kar síjeḛ kara n’toje gə́ dəwje gə́ bèe dɔ naŋg neelé tɔ, yee ɓa meenoji lé a kɔr ne dɔ meḛ sí’g mba kar sí j’aar ne nea̰’g ndɔ gaŋg-rəwta’g lé gə meendakaḭ ɓó gə kaar gəd el.

1 Ja̰ 4:18

Meenoji lé ɓəl godo lée’g nɛ meenoji gə́ ɔr dɔ lé sané ɓəl kad. Mbata bo̰ néra dəw gə́ a gə kɔs təa’g lé ɓa aree ɓəl ne ndá yeḛ gə́ ɓəl lé to mbata meenoji ɔr dɔ mée’g el.

1 Ja̰ 5:2

Jeḛ n’gər gao to gə́ jeḛ j’unda ŋgan-Alaje dan kəm sí’g loo gə́ jeḛ j’unda Ala dan kəm sí’g ləm. Jeḛ j’aa dɔ godndiaje kər-kər ləm tɔ

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

2 Ja̰ 1:6

Meenoji gə́ gəd lé yee ɓa wɔji dɔ ndolè goo godnduje lə Ala lé. Yee nja ɓa gə́ godndu gə́ seḭ taaje kédé gə́ dɔtar gə mba njaa danee’g ya.

Loo gə́ killa rea kəm Ja̰’g 12:17

Dakɔb lé mée ḭ pu dɔ dené’g ndá yeḛ aw rɔ gə ŋgaka dené lé, deḛ gə́ ra torndu Ala d’aree ɔr rɔd lé ləm, gə deḛ d’ɔr goo ta lə Jeju lé ləm tɔ.

Loo gə́ killa rea kəm Ja̰’g 14:12

Yee neelé to meekai sam-sam lə dee gə́ to gə kəmee gə́ d’aa dɔ godnduje lə Ala kər-kər ləm, d’aar njaŋg dɔ meekun gə́ deḛ d’un d’ar Jeju ləm tɔ.