1 Ja̰ 2:4 - Maktub gə́ To gə Kəmee

⁴ Yeḛ gə́ pana: Neḛ n’gəree, nɛ yeḛ aa dɔ torndia kər-kər el ndá yeḛ to gə́ njeŋgɔm, kankəmta gə́ tḛ́-tḛ́ bèe kara uba mée təb el.

1 Ja̰ 2:4 ပူးပေါင်းရင်းမြစ်များ

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Titə 1:10

Tɔgərɔ ya, mbuna njékḭja tamɔd deeje lé njékaltaje bula ləm, gə njépa taje gə́ gə mḭdé-mḭdé ba ləma, gə njésukəmlooje ləm tɔ lé d’isi keneŋ.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

1 Ja̰ 1:10

Ɓó lé jeḛ m’pana: Jeḛ n’ra kaiya el ndá jeḛ j’undá gə njeŋgɔm ɓó ta ləa kára kara uba meḛ sí ndag el tɔ.

1 Ja̰ 1:6

Ɓó lé jeḛ m’pana: Jeḛ j’ɔm meḛ sí səa na̰’d sad ɓa jeḛ njaa dan loondul’g ɓəi ndá taŋgɔm ɓa gə́ tapa sí ɓó jeḛ n’ra kankəm né el.

1 Ja̰ 1:8

Ɓó lé jeḛ m’pana: Kaiya kára kara godo meḛ sí’g ndá jeḛ j’ər kəm rɔ sí, ar kankəmta kára kara uba meḛ sí ndag bèe el.

1 Ja̰ 2:3

Ɓó lé j’aa dɔ torndia kər-kər ndá yee ɓa jeḛ j’oo gao, to gə́ jeḛ n’gəree ya.

1 Ja̰ 2:9

Yeḛ gə́ pana: Neḛ n’isi dan kàrá, nɛ yeḛ wa ŋgokea̰ gə mée ndá yeḛ nai dan loondul’g ɓəi.

1 Ja̰ 3:6

Nana ɓa gə́ nai səa ndá yeḛ ra kaiya el. Nana ɓa gə́ ra kaiya ndá yeḛ ée el ləm, yeḛ gəree el ləm tɔ.

1 Ja̰ 4:20

Ɓó lé dəw kára pana: Neḛ n’unda Ala dan kəm neḛ’g, nɛ yeḛ wa ŋgokea̰ gə mée ndá yeḛ to gə́ njeŋgɔm. Mbata ŋgokea̰ gə́ yeḛ ée gə kəmee ɓa yeḛ unda dan kəmee’g el, nɛ ɓəd ɓa see Ala gə́ yeḛ ée gə kəmee el ɓa a kundá dan kəmee’g loo gə́ ra’g wa.

1 Ja̰ 4:7

Seḭ gə́ m’unda sí dan kəm’g lé ar sí j’undaje na̰ dan kəm na̰’d mbata meenoji ḭ rɔ Ala’g ya. Nana ɓa gə́ unda maree dan kəmee’g lé ndá Ala nja ojee ləm, yeḛ kara gər Ala ləm tɔ.