1 Ja̰ 2:22 - Maktub gə́ To gə Kəmee

²² See na̰ ɓa gə́ njeŋgɔm wa, to yeḛ gə́ ɔs Jeju rəw pana: Yeḛ to Kristi ra wa. Yeḛ gə́ ɔs Bɔ-dəwje rəw ləm, gə ɔs Ŋgonee rəw ləm tɔ ndá yeḛ nja ɓa gə́ Njendaji Kristi lé.

1 Ja̰ 2:22 ပူးပေါင်းရင်းမြစ်များ

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Matiyo 24:5

Mbata dəwje bula d’a ree gə rim, d’a pana: Neḛ n’toje gə́ Kristi. Ndá d’a su ne kəm dəwje bula ya.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

1 Ja̰ 1:6

Ɓó lé jeḛ m’pana: Jeḛ j’ɔm meḛ sí səa na̰’d sad ɓa jeḛ njaa dan loondul’g ɓəi ndá taŋgɔm ɓa gə́ tapa sí ɓó jeḛ n’ra kankəm né el.

1 Ja̰ 2:18

Ŋganəmje, ɓasinè lé to ndɔ gə́ rudee a gə kun ɗiao ŋga ndá njendaji kəm Kristi gə́ a gə ree lé seḭ ooje taree mba̰, ɓasinè njéndaji Kristije lé deḛ bula ŋga. Yee ɓa jeḛ n’gər gao, ndɔ gə́ rudee a gə kun ɗiao lé nai dəb ba ŋga.

1 Ja̰ 2:23

Nana ɓa gə́ ɔs Ŋgon lé rəw ndá Bɔ-dəwje nai səa el. Nana ɓa gə́ təa teḛ pana: Ŋgon lé to ŋgon Bɔ-dəwje ndá Bɔ-dəwje nai səa ya.

1 Ja̰ 2:4

Yeḛ gə́ pana: Neḛ n’gəree, nɛ yeḛ aa dɔ torndia kər-kər el ndá yeḛ to gə́ njeŋgɔm, kankəmta gə́ tḛ́-tḛ́ bèe kara uba mée təb el.

1 Ja̰ 4:20

Ɓó lé dəw kára pana: Neḛ n’unda Ala dan kəm neḛ’g, nɛ yeḛ wa ŋgokea̰ gə mée ndá yeḛ to gə́ njeŋgɔm. Mbata ŋgokea̰ gə́ yeḛ ée gə kəmee ɓa yeḛ unda dan kəmee’g el, nɛ ɓəd ɓa see Ala gə́ yeḛ ée gə kəmee el ɓa a kundá dan kəmee’g loo gə́ ra’g wa.

1 Ja̰ 4:3

Ndil gə́ rara ɓa gə́ pata wɔji ne dɔ Jeju togə́bè el ndá yeḛ to gə́ ka̰ Ala el ləm, yeḛ to ka̰ Njendaji Kristi, yeḛ gə́ seḭ ooje ta ree ləa mba̰ ɓa ar ɓasinè kara yeḛ si naŋg nee mba̰ ləm tɔ.

1 Ja̰ 5:1

Nana ɓa gə́ ɔm mée dɔ Jeju’g ée ne gə́ Kristi ndá debee neelé Ala nja ojee. Tɔɓəi nana ɓa gə́ unda ŋgon neelé dan kəmee’g ndá yeḛ unda njekoji ŋgon lé dan kəmee’g tɔ.

2 Ja̰ 1:7

Mbata njésukəmlooje bula taa loo dɔ naŋg nee pəl-pəl. Deḛje neelé ta dee teḛ pana: Jeju Kristi lé ree naŋg nee gə darəa, deḛ pa bèe el. Dəw gə́ ra togə́bè lé to njesukəmloo ləm, yeḛ to Njendaji Kristi lé ləm tɔ.

Jude 1:4

Mbata dəwje gə́ na̰je d’andə mbuna sí’g wai-wai, nɛ ta gə́ a gə kwa dɔ dee lé deḛ ndaŋg ləw ba. Deḛ neelé deḛ to njéndɔl-Alaje ɓa deḛ d’un noji lə Ala lə sí telee gə́ né lɔm dɔ néra gə́ kori-kori lə dee ləm, Mbaidɔmbaije Jeju Kristi gə́ to ɓée síje kára ba kiao lé deḛ mbadee saar ləm tɔ.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.