1 Ja̰ 1:4 - Maktub gə́ To gə Kəmee

⁴ Jeḛ ndaŋg taje neelé j’ar sí mba kar dɔ rɔlel lə sí ɔr ne njal.

1 Ja̰ 1:4 ပူးပေါင်းရင်းမြစ်များ

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Tagə́maji gə́ Ja̰ ndang 15:11

Ma m’ula sí ta néje neelé gə mba kar rɔlel ləm nai ne meḛ sí’g ɓó gə kar dɔ rɔlel lə sí ɔr ne njal tɔ.

Tagə́maji gə́ Ja̰ ndang 16:24

Saar ɓasinè lé seḭ kwɔiyeeje né kára kara gə rim el. Kwɔiyeeje ndá yeḛ a kar sí mba kar dɔ rɔlel lə sí ɔr ne njal.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

2 Njé gə́ Kɔrḭtə 1:24

Jeḛ lé n’ra sə sí rɔlel dɔ meekun’g lə sí gə́ seḭ aarje keneŋ njaŋg ɓó jeḛ saŋg gə mba jaŋ sí dɔ’g el.

Njé gə́ Epesə 3:19

Ndá seḭ a gərje ne meenoji lə Kristi gə́ dum gər lé ndá Ala nja a taa meḛ sí gə rɔ sí bura pəl-pəl tɔ.

1 Ja̰ 2:1

Ŋganəmje, ma m’ndaŋg maktub nee m’ar sí mba kar sí ɔrɔje ne rɔ kaiya kára kara el. Ɓó lé dəw kára ra kaiya ndá njera rəwta lə sí si rɔ Bɔ-dəwje’g béréré mba̰, yeḛ nja ɓa to Jeju Kristi gə́ njemeekarabasur lé.

2 Ja̰ 1:12

Ma m’aw gə taje gə́ raŋg bula gə mba kula sí ɓəi nɛ ma m’ndigi kula sí gə maktub əsé gə mán ndaŋgee ɓa el. Meem to yel gə mba kaw koo sí ɓó gə kula sí ta gə tam ja̰-ja̰ ya mba kar rɔlel lə sí ɔr ne njal ya.