1 Ja̰ 1:2 - Maktub gə́ To gə Kəmee

² (mbata kəmə lé to raga pai-pai ndá jeḛ j’ée gə kəm sí ləm, jeḛ j’ɔr goo taree ləma, j’ɔr ta kəmə gə́ gə no̰ lé j’ar sí ləm tɔ. Yeḛ neelé sí rɔ Bɔbee’g pər ya nɛ yeḛ rab rəa kəm sí’g raga).

1 Ja̰ 1:2 ပူးပေါင်းရင်းမြစ်များ

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 1:4

Kəmə lé ḭ rəa’g tɔɓəi kəmə lé to lookàr gə́ àr dɔ dəwje’g.

Tagə́maji gə́ Ja̰ ndang 10:28

M’ar dee d’isi gə kəmə no̰ lé ndá d’a kudu nda̰ el ləm, dəw kára kara as nar dee jim’g el ləm tɔ.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Tagə́maji gə́ Ja̰ ndang 15:27

Seḭ nja seḭ a kɔrje goo ta ləm tɔ mbata seḭ sije səm kédé par-par mba̰ tɔ.

Tagə́maji gə́ Ja̰ ndang 16:28

Ma m’ḭ rɔ Bɔ-dəwje’g m’ree naŋg nee ya, nɛ ɓasinè m’ya̰ naŋg nee m’tel m’isi m’aw gə́ rɔ Bɔ-dəwje’g lé gogo.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Tagə́maji gə́ Ja̰ ndang 17:5

Ɓasinè Bɔm, maji kari ula rɔnduba dɔm’g gə rɔi pər ya, to rɔnduba gə́ to gə kama rɔi’g kédé par-par ɓad ɓa naŋg nee to ɓəi lé ya.

Tagə́maji gə́ Ja̰ ndang 19:35

Yeḛ gə́ oo né neelé gə kəmee lé ɔr goo taree ar takɔr ləa to gə́ kankəmta ya, yeḛ gər gao to gə́ yeḛ pa kankəmta ya gə mba kar sí ɔmje meḛ sí dɔ’g tɔ.

Tagə́maji gə́ Ja̰ ndang 21:14

To gɔl munda ləa gə́ yeḛ teḛ kəm njékwakiláje’g un ne kudee ndɔ gə́ yeḛ unda loo teḛ dan njé gə́ d’wəi’g lé.

Tagə́maji gə́ Ja̰ ndang 3:13

Dəw kára ḭ naŋg nee aw dara el ɓəi, nɛ yeḛ gə́ ḭ dara ree dɔ naŋg neelé to Ŋgon-dəw gə́ si dara ya.

Tagə́maji gə́ Ja̰ ndang 7:29

Ma lé m’gəree gao, mbata ma m’ḭ rəa’g ləm, yeḛ nja ɓa gə́ njekulam ya ləm tɔ.

Tagə́maji gə́ Ja̰ ndang 8:38

Ma m’ula sí né gə́ m’oo ɓee lə Bɔm lé nɛ seḭ lé seḭ raje né gə́ seḭ ooje ta bɔ sí-seḭje’g ya tɔ.

Néra Njékaḭkulaje 1:22

un kudee batɛm’g lə Ja̰ saar teḛ ne ndɔ gə́ d’unee ne dan sí’g, maji kar sí j’undá debee neelé sə sí na̰’d mba karee to njekɔrgoota teḛ dɔkumbwa’g lə Jeju to gə́ jeḛ bèe tɔ.

Néra Njékaḭkulaje 10:41

nɛ aree teḛ kəm deḛ gə́ to gə́ njékɔrgootaje ləa gə́ Ala ɔr dee kédé ɓa, to jeḛ gə́ j’usɔ səa gə j’ai səa loo gə́ yeḛ unda loo teḛ ne dan njé gə́ d’wəi’g lé.

Néra Njékaḭkulaje 2:32

Yee ɓa to Jeju neelé gə́ Ala aree unda loo teḛ loo-yoo’g lé, jeḛ lai n’to gə́ njékɔrgootareeje ya.

Néra Njékaḭkulaje 3:15

Seḭ tɔlje Mbai gə́ njekar dəwje d’isi gə kəmə lé yeḛ gə́ Ala aree unda loo teḛ dan njé gə́ d’wəi’g, jeḛ lai n’toje njékoogootareeje ya.

Néra Njékaḭkulaje 5:32

Yee ɓa jeḛ n’to ne njékɔrgoo néje neelé ləm, to gə́ Ndilmeenda gə́ Ala ar deḛ gə́ ra torndia lé to ne njekɔrgoo taree ləm tɔ.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

2 Timote 1:10

Nɛ yeḛ riba dɔ noji neelé ɓasinè ar sí loo gə́ yeḛ ar Jeju Kristi Mbaikaji lə sí ree ləm, aree ila ne tuji dɔ yoo’g ləma, ar kəm dəwje inja dɔ kəmə’g gə dɔ kankəmrɔ dee gə́ a to gə no̰ gə goo Tagə́maji ləm tɔ.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.

1 Ja̰ 1:1

Né gə́ to keneŋ gən kédé gə́ dɔtar saar lé né gə́ jeḛ j’oo taree gə mbi sí ləm, né gə́ jeḛ j’oo gə kəm sí ləm, né gə́ kəm sí wəi dɔ’g sḭ ləma, né gə́ j’wa gə ji sí peb ləm tɔ gə́ wɔji dɔ Ta kəmə lé

1 Ja̰ 2:25

Ndukun gə́ yeḛ un ar sí lé yee ɓa gə́ kəmə gə́ gə no̰ lé.

1 Ja̰ 3:5

Seḭ gərje gao, Jeju lé ree mba kɔr kaiya lə dəwje kɔm kɔrɔ nɛ kaiya kára kara uba rəa təb el.

1 Ja̰ 3:8

Yeḛ gə́ ra kaiya ndá yeḛ to gə́ ka̰ njekurai mbata njekurai lé un kudu ra kaiya kédé gə́ dɔtar saar ɓasinè. Nɛ Ŋgon-Ala lé unda loo teḛ gə mba tuji néraje lə njekurai lé.

1 Ja̰ 4:14

Bɔ-dəwje lé ula Ŋgonee gə́ gəd-gəd mba karee to gə́ Njekaji dəwje dɔ naŋg nee, yee ɓa to né gə́ jeḛ j’oo gə kəm sí ləm, jeḛ j’ɔr taree j’ar sí ləm tɔ.

1 Ja̰ 4:2

Aa ooje, né gə́ seḭ a gərje ne Ndil Ala lé ɓa nee: Ndil gə́ rara ɓa gə́ pana: Jeju Kristi ree gə́ darəa lé yeḛ gə́ pa togə́bè lé to gə́ ka̰ Ala ya.

1 Ja̰ 5:11

Aa ooje, ta gə́ yeḛ tegginee lé ɓa to nee ya: Ala nja ar sí kəmə gə́ gə no̰ lé. Kəmə gə́ gə no̰ lé to gə́ ɓee lə Ŋgonee ya.

1 Ja̰ 5:13

Ma m’ndaŋg ta néje neelé m’ar sí-seḭ gə́ ɔmje meḛ sí dɔ Ŋgon-Ala’g mba kar sí gərje gao, kəmə gə́ gə no̰ lé seḭ toje njeaje-je mba̰ ya.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.