1 Ja̰ 1:10 - Maktub gə́ To gə Kəmee

¹⁰ Ɓó lé jeḛ m’pana: Jeḛ n’ra kaiya el ndá jeḛ j’undá gə njeŋgɔm ɓó ta ləa kára kara uba meḛ sí ndag el tɔ.

1 Ja̰ 1:10 ပူးပေါင်းရင်းမြစ်များ

Maktub gə́ wɔji dɔ Jɔb 15:14

See dəw to gə́ ɗi ɓa d’a kée gə́ dəw gə́ àr ŋgad-ŋgad wa. See yeḛ gə́ dené ojee nee ya a to njemeekarabasur wa.

Maktub gə́ wɔji dɔ Jɔb 24:25

Ɓó lé to togə́bè el ndá see na̰ ɓa a maḭ səm wa. See na̰ ɓa a tel ta ləm karee to ta gə́ kari ba wa.

Pakɔsje 130:3

Njesigənea̰, ɓó lé i ar məəi olé dɔ néra kori-korije’g lə dəwje ndá Mbaidɔmbaije, see na̰ ɓa a si kəmba ɓəi wa.

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Tagə́maji gə́ Ja̰ ndang 3:33

Yeḛ gə́ taa ta ləa mba̰ ndá yeḛ ɔr goo taree gəd pana: Ala lé pa kankəmta ya,

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

1 Ja̰ 1:8

Ɓó lé jeḛ m’pana: Kaiya kára kara godo meḛ sí’g ndá jeḛ j’ər kəm rɔ sí, ar kankəmta kára kara uba meḛ sí ndag bèe el.

1 Ja̰ 2:14

Bɔ-ŋganje, ma m’ndaŋg maktub nee m’ar sí mba̰ mbata seḭ gərje yeḛ gə́ si kédé gə́ dɔtar lé saar ya. Basaje, ma m’ndaŋg maktub nee m’ar sí mbata siŋga sí to kɔgərɔ ləm, ta lə Ala uru kəi meḛ sí’g ləma, njekurai lé kara seḭ dumeeje mba̰ ləm tɔ.

1 Ja̰ 2:4

Yeḛ gə́ pana: Neḛ n’gəree, nɛ yeḛ aa dɔ torndia kər-kər el ndá yeḛ to gə́ njeŋgɔm, kankəmta gə́ tḛ́-tḛ́ bèe kara uba mée təb el.

1 Ja̰ 4:4

Ŋganəmje, seḭ lé seḭ toje ka̰ Ala ləm, seḭ dumje njéteggintaje gə́ ŋgɔm neelé ləm tɔ mbata yeḛ gə́ to meḛ sí’g lé ur dɔ yeḛ gə́ sí meḛ dəwje gə́ dɔ naŋg nee.

1 Ja̰ 5:10

Yeḛ gə́ ɔm mée dɔ Ŋgon-Ala’g ndá ta gə́ Ala teg ne gin Ŋgonee lé to mée’g ya. Yeḛ gə́ ɔm mée dɔ Ala’g el ndá yeḛ unda Ala gə́ njeŋgɔm mbata yeḛ ɔm mée dɔ ta gə́ Ala teggin Ŋgonee lé el tɔ.

2 Ja̰ 1:2

mbata kankəmta gə́ uru kəi meḛ sí’g lé a to meḛ sí’g gə no̰ ya.