1 Njé gə́ Kɔrḭtə 9:3 - Maktub gə́ To gə Kəmee

³ Yee ɓa gə́ né kɔr ta dɔm’g no̰ deḛ gə́ njésəgmje’g.

1 Njé gə́ Kɔrḭtə 9:3 ပူးပေါင်းရင်းမြစ်များ

Lugu 12:11

Loo gə́ d’a ndɔr sí kaw sə sí mee kəi-kwa-dɔ-na̰je’g ləm, əsé no̰ mbai dɔ njégaŋgtaje’g ləma, əsé no̰ njéko̰ɓeeje’g ləm tɔ ndá maji kar sí arje meḛ sí pélé wəs-wəs dɔ ta gə́ seḭ a gə kɔrje mba taaje ne dɔ sí el ləm, əsé ta gə́ seḭ a paje keneŋ el ləm tɔ,

Néra Njékaḭkulaje 22:1

Ŋgakɔmje gə bɔmje gə́ dəwje, ooje ta ləm gə́ m’a gə pa ɓasinè gə mba taa ne dɔm lé.

Néra Njékaḭkulaje 25:16

M’ila dee keneŋ m’pana: Gin njé gə́ Rɔm lé deḛ ra né gə́ togə́bè el. Dəw gə́ rara ɓa lé ta oso dəa’g kara d’a kaw səa kəm njésəgeeje mba karee ɔr ta ləa gə mba taa ne rəa ɓad ɓa ɓó d’a kila ta dəa’g gə mḭdé el ɓəi.

1 Njé gə́ Kɔrḭtə 14:37

Ɓó lé dəw kára la̰ji mée’g pana: Neḛ n’to njetegginta əsé neḛ n’to gə́ dəw gə́ Ndil ula ta mee neḛ’g ndá maji karee gər gao to gə́ ta gə́ ma m’ndaŋg m’ar sí lé to torndu Mbaidɔmbaije ya.

1 Njé gə́ Kɔrḭtə 9:2

Ɓó lé ma m’to gə́ njekaḭkula kəm njé gə́ raŋg el kara kəm sí-seḭ’g lé ma m’to gə́ njea ya. Mbata seḭ nja toje gə́ njékɔrgin kula ramje gə́ m’to ne njekaḭkula gin Mbaidɔmbaije’g lé ya.

1 Njé gə́ Kɔrḭtə 9:4

See j’askəm sɔ né gə kai né el wa.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 13:3

Mbata ta lə Kristi gə́ yeḛ ula tam’g am m’pa ne sə sí lé yee ɓa seḭ ndigije kooje gəd, mbata Kristi lé yeḛ nai mbuna sí’g gə siŋgamoŋ ləa ɓó yeḛ kul dɔ sí’g kwɔji-kwɔji el.

2 Njé gə́ Kɔrḭtə 13:5

Tenje meḛ sí-seḭ nja gə mba koo, see seḭ síje gə meekun nja ɓəi wa. Urje meḛ sí seḭ nja ooje. See seḭ ooje to gə́ Jeju Kristi to meḛ sí’g lé el wa. Nà mbata banelə kur gə́ seḭ urje meḛ sí lé a tel kila ne boo-rɔkul dɔ sí’g.

Njé gə́ Pilibə 1:17

Njé gə́ na̰je d’ila mber ta lə Kristi gə meendakaḭ el nɛ deḛ d’ila gə takə̰ji gə́ ka̰ nin, deḛ d’ə̰ji meḛ dee’g mba kula kəm ndòo dɔ maree’g loo gə́ m’isi gə kúla lar gwɔsm’g.

Njé gə́ Pilibə 1:7

Kḛji gə́ m’ə̰ji dɔ sí’g togə́bè lé to lée’g ya mbata lé m’isi daŋgai’g əsé m’aw mba kaḭ ŋgaŋ Tagə́maji karee to njaŋg lé seḭ lai gə́ iŋgaje noji to gə́ ma bèe lé m’wa sí ne məəm’g sud ya.

2 Timote 4:16

Loo-gaŋg-rəwta gə́ m’aar m’ɔr ta keneŋ dɔtar mba taa ne dɔm lé dəw kára gə́ njekoso ginm’g godo. Deḛ lai d’ubam d’ya̰’m keneŋ ya. Maji kar taree neelé wa dɔ dee el.